ថ្មីៗនេះបើតាមប្រភពពីមន្ត្រីនិង ភ្នាក់ងារគយក្នុងខេត្តបន្ទាយមានជ័យ បានឲ្យដឹងថា បច្ចុប្បន្នលោក សាំង ណន មេគយចល័ត ប្រចាំប៉ុស្ដិ៍ជជុះចំណុបភូមិកូនដំរី កំពុងបង្កើនសកម្មភាពគាបយកលុយ ពីឈ្មួញតាមតូចតាមធំស្រេច តែអំ ពើចិត្តរបស់ខ្លួន។ ប្រភពបានឲ្យដឹងទៀតថា ការដែលលោក សាំង ណន និងបក្ខពួកហ៊ានធ្វើអ្វីៗតាមអំពើចិត្ត គឺដោយសារមានការឃុបឃិតបើកដៃពីសំណាក់មេគយធំៗក្នុងខេត្តបន្ទាយមានជ័យ ផងដែរទើបអ្វីៗអាចប្រព្រឹត្តទៅដោយរលូន។ ទន្ទឹមនឹងនេះលោក សាំង ណន ឃុបឃិតឲ្យឈ្មួញធំៗដឹកជញ្ជូនទំនិញគេចពន្ធពីច្រកប៉ោយប៉ែត ចូលខេត្តបន្ទាយមានជ័យ និងចេញទៅរាជធានីភ្នំពេញ យ៉ាងរលូនដោយមិនចាត់វិធានការបង្ក្រាបឡើយ។
ប្រភពដែលស្និទ្ធនឹងលោក សាំង ណន បានឲ្យដឹងថា ក្នុងតួនាទីជាមេគយចល័តក្រុងប៉ោយប៉ែត ឈរជើងនៅចំណុចភូមិកូនដំរី សង្កាត់និមិត្ត គឺលោក សាំង ណន មិនដែលចាត់វិធានការបង្ក្រាបក្រុមឈ្មួញធំៗដែលដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងគគ្រឹកគគ្រេងនោះទេ។ ផ្ទុយទៅវិញលោក សាំង ណន មានតែឃុបឃិតឲ្យឈ្មួញទាំងនោះដឹកជញ្ជូនទំនិញទៅដល់គោលដៅយ៉ាងរលូនដើម្បីជាថ្នូរនឹងផលប្រយោជន៍ ហេតុនេះហើយទើបឈ្មួញអាចដឹកជញ្ជូនទំនិញពីច្រកប៉ោយប៉ែត ចូលទៅរាជធានីភ្នំពេញ យ៉ាងរលូន។ ទន្ទឹមនឹងនេះនៅពេលឈ្មួញតូចតាចនាំចូលទំនិញគេចពន្ធ ឬទំនិញបង់ពន្ធមិនគ្រប់បន្តិចបន្តួច គឺត្រូវលោក សាំង ណន ប្រើអំណាចគាបយកលុយយ៉ាងកំរោលតែម្តង។
អំពើពុករលួយច្រើនបែបច្រើនយ៉ាងរបស់លោក សាំង ណន មេគយចល័តប្រចាំប៉ុស្ដិ៍ជជុះលើផ្លូវជាតិលេខ៥ ចំណុចភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ កំពុងត្រូវបានក្រុមឈ្មួញនិងក្រុមអាជីវករដឹកជញ្ជូនទំនិញលាតត្រដាងជាបន្តបន្ទាប់។ ដូច្នេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ដែលធ្លាប់ប្ដេជ្ញាចិត្តលុបបំបាត់អំពើពុករលួយនៅតាមដងផ្លូវ គួរចាត់វិធានការទប់ស្កាត់អំពើពុករលួយរបស់លោក សាំង ណន មេគយចល័តប្រចាំប៉ុស្ដិ៍ជជុះលើផ្លូវជាតិលេខ៥ ក្នុងភូមិកូនដំរី ជាបន្ទាន់។ ប្រភពដែលស្និទ្ធនឹងលោក សាំង ណន បានឲ្យដឹងថា ការដែលលោក សាំង ណន ហ៊ានធ្វើអ្វីៗតាមអំពើចិត្តគឺមានការឃុបឃិតបើកដៃពីសំណាក់ថ្នាក់ដឹកនាំធំៗក្នុងខេត្តបន្ទាយមានជ័យ ផងដែរទើបអ្វីៗអាចប្រព្រឹត្តទៅដោយរលូន។
ក្រុមឈ្មួញនិងអាជីវករមួយចំនួនបានអំពាវនាវដល់លោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូចជាលោក គុណ ញឹម ជាមេគយធំ ឲ្យចាត់វិធានការទប់ស្កាត់ទង្វើមិនប្រក្រតីនិងអំពើពុករលួយរបស់លោក សាំង ណន មេគយចល័តនៅក្រុងប៉ោយប៉ែត ខ្លះផង។ ដោយហេតុថាមួយរយៈចុងក្រោយនេះលោក សាំង ណន ព្រមទាំងបក្ខពួកគាបយកលុយពីឈ្មួញនិងអាជីវករកាន់តែច្រើនឡើងៗ ហើយសូម្បីតែឈ្មួញនាំចូលទំនិញស្របច្បាប់ក៏ចៀសមិនផុតពីបង់លុយលើតុក្រោមតុឲ្យលោក សាំង ណន ដែលកំពុងល្បីល្បាញខាងពុករលួយ។បឋម
Recent Comments