ប្រភពដែលស្និទ្ធនឹង លោក កើត ដារ៉ាស៊ី មេនគរបាលអន្តោប្រវេសន៍ ច្រកត្រពាំងស្រែ បានឲ្យដឹងថា ការដែលលោក កើ ត ដារ៉ាស៊ី ហ៊ានប្រព្រឹត្តអំពើពុក រលួយតាមច្រើនរូបភាព គឺដោយសារអាងមាន ខ្នងបង្អែករឹងមាំនៅក្រសួង មហា ផ្ទៃ ជាពិសេស នៅក្នុងអគ្គនាយកដ្ឋាននគរបាលអន្តោប្រវេសន៍ ។ ប្រភពបានឲ្យដឹងទៀតថា ឈ្មួញនិងក្រុមហ៊ុននាំ ចូល ទំនិញតាមច្រកត្រពាំងស្រែ គឺជាប្រភពចំណូលដ៏សំខាន់របស់លោក កើត ដារ៉ាស៊ី ព្រោះឈ្មួញទាំងនោះចៀសមិនផុតពីបង់លុយលើតុក្រោមតុឲ្យលោក កើត ដារ៉ាស៊ី នោះឡើយ។ ជាងនេះទៅទៀតក្រុមឈ្មួញដែលដឹកជញ្ជូនឈើចេញទៅស្រុកយួនតាមច្រកត្រពាំងស្រែ ក៏ជាប្រភពចំណូលដ៏សំខាន់របស់លោក កើត ដារ៉ាស៊ី ផងដែរព្រោះលោក កើត ដារ៉ាស៊ី មានសិទ្ធិអំណាចធំជាងគេក្នុងការឃុបឃិតឲ្យឈ្មួញដឹកជញ្ជូនឈើចេញទៅស្រុកយួន។ អំពើពុករលួយច្រើនបែបច្រើនយ៉ាងរបស់លោក កើត ដារ៉ាស៊ី កំពុងធ្វើឲ្យប៉ះពាល់ដល់កេរ្តិ៍ឈ្មោះស្ថាប័ននគរបាលជាតិទាំងមូល ដូច្នេះនាយឧត្តមសេនីយ៍ នេត សាវឿន អគ្គស្នងការនគរបាលជាតិ មិនគួរបណ្ដែតបណ្ដោយឲ្យលោក កើត ដារ៉ាស៊ី ប្រើអំណាចធ្វើអ្វីៗតាមអំពើចិត្តទៀតឡើយប្រភពពីមន្ត្រីនៅច្រកទ្វារអន្តរជាតិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ បានឲ្យដឹងថា បច្ចុប្បន្នលោក កើត ដារ៉ាស៊ី មេនគរបាលអន្តោប្រវេសន៍ច្រកត្រពាំងស្រែ កំពុងប្រើអំណាចប្រព្រឹត្តអំពើពុករលួយគាបយកលុយពីក្រុមឈ្មួញនាំចូលទំនិញតាមច្រកត្រពាំងស្រែ កាន់តែច្រើនឡើងៗ។ ប្រភពបានឲ្យដឹងទៀតថា ឈ្មួញនិងក្រុមហ៊ុននាំចូលទំនិញតាមច្រកត្រពាំងស្រែ កំពុងរងការគាបសង្កត់ពីសំណាក់លោក កើត ដារ៉ាស៊ី កានតែខ្លាំងឡើងៗហេតុនេះហើយទើបរឿងអាស្រូវពុករលួយរបស់លោក កើត ដារ៉ាស៊ី ត្រូវបានបើកកកាយជាសាធារណៈ។ ដូច្នេះលោក គៀត ច័ន្ទថារិទ្ធ អគ្គនាយកនៃអគ្គនាយកដ្ឋាននគរបាលអន្តោប្រវេសន៍ ក្រសួងមហាផ្ទៃ និងនាយឧត្តមសេនីយ៍ នេត សាវឿន អគ្គស្នងការនគរបាលជាតិ មិនគួរបណ្ដែតបណ្ដោយឲ្យលោក កើត ដារ៉ាស៊ី មេនគរបាលអន្តោប្រវេសន៍ច្រកត្រពាំងស្រែ ប្រព្រឹត្តអំពើពុករលួយយ៉ាងកំរោលតទៅទៀតទេ។
ប្រភពពីតំណាងក្រុមហ៊ុននិងឈ្មួញដែលនាំចូលទំនិញតាមច្រកទ្វារអន្តរជាតិត្រពាំងស្រែ បានឲ្យដឹងថា បើទោះបីពួកគេនាំចូលទំនិញបង់ពន្ធគយត្រឹមត្រូវក៏ដោយ ក៏ត្រូវបង់លុយថ្លៃក្បាលរថយន្តឲ្យទៅលោក កើត ដារ៉ាស៊ី ក្នុងមួយគ្រឿង២៥០ដុល្លារ។ ក្នុងមួយថ្ងៃៗមានរថយន្តដឹកជញ្ជូនទំនិញឆ្លងដែនពីទឹកដីយួនចូលទឹកដីខ្មែរចំនួន៣៥ទៅ៥០គ្រឿងរហូតដល់រាប់រយគ្រឿង ដូច្នេះលោក កើត ដារ៉ាស៊ី ប្រមូលលុយតាមរបៀបពុករលួយបានយ៉ាងច្រើនសន្ធឹកសន្ធាប់។ អាចនិយាយបានថា ឈ្មួញនាំចូលទំនិញពីស្រុកយួនតាមច្រកត្រពាំងស្រែ ក៏ដូចជាអជីវករដឹកជញ្ជូនកសិផលទៅលក់នៅស្រុកយួនតាមច្រកត្រពាំងស្រែ សុទ្ធតែត្រូវបង់លុយតាមការកំណត់របស់លោក កើត ដារ៉ាស៊ី ទើបអ្វីៗអាចប្រព្រឹត្តទៅដោយរលូនបាន។បឋម
Recent Comments