ប្រភពពីប្រជាពលរដ្ឋ និងមន្ត្រីអាជ្ញាធរមូលដ្ឋានក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប បានឲ្យដឹងថា កាល ពីថ្ងៃ ទី១៣ ខែមិថុនា ឆ្នាំ២០១៨ ថ្នាក់ដឹកនាំក្រសួងការពារជាតិ ដែលជាតំណាងរាស្ត្រមណ្ឌល សៀមរាប ក៏បានចុះ ទៅពិនិត្យ ដល់កន្លែងដែលលោក ឈួន ហុក ទន្ទ្រានកាន់កាប់ ដីប្រឡាយទឹករបស់ រដ្ឋនោះដែរ។ ក៏ប៉ុន្តែរហូ តមក ដល់បច្ចុប្បន្នម ន្ត្រីអាជ្ញាធរសង្កាត់ស្វាយដង្គំ មន្ត្រីអាជ្ញាធរក្រុងសៀមរាប និងលោក ឃឹម ប៊ុនសុង អភិបាលខេត្តសៀមរាប មិនទាន់ចាត់វិធានការដោះស្រាយនៅឡើយ។ បញ្ហានេះធ្វើឲ្យលោក ឈួន ហុក កាន់តែបានចិត្តហើយធ្វើអ្វីៗស្រេចតែអំពើចិត្តរបស់ខ្លួនដោយគ្មានញញើតអ្វីទាំងអស់ ព្រោះលោក ឈួន ហុក អាងមានខ្នងបង្អែករឹងមាំនៅក្នុងខេត្តសៀមរាប ផងដែរ។ប្រជាពលរដ្ឋរស់នៅក្នុងសង្កាត់ស្វាយដង្គំ ក្រុងសៀមរាប ខេត្តសៀមរាប បានឲ្យដឹងថា ករណីលោក ឈួន ហុក អតីតប្រធានមន្ទីរអធិការកិច្ចទំនាក់ទំនងរដ្ឋសភានិងព្រឹទ្ធសភា ប្រើអំណាចរំលោភកាន់កាប់ដីប្រឡាយទឹករបស់រដ្ឋច្រើនឆ្នាំមកហើយនោះ គឺមិនទាន់មានដំណោះស្រាយនៅឡើយទេ។ ប្រជាពលរដ្ឋក្នុងភូមិស្ទឹងថ្មី សង្កាត់ស្វាយដង្គំ បានឲ្យដឹងទៀតថាលោក ឈួន ហុក បានរំលោភកាន់កាប់ដីប្រឡាយទឹករដ្ឋតាំងពីអំឡុងឆ្នាំ២០០៨ រហូតមកហើយមិនទាន់ឃើញមន្ត្រីអាជ្ញាធរក្រុងសៀមរាប ក៏ដូចជាលោក ឃឹម ប៊ុនសុង អភិបាលខេត្តសៀមរាប ចាត់វិធានការទប់ស្កាត់នោះទេ។ ដូច្នេះហើយទើបប្រជាពលរដ្ឋអំពាវនាវឲ្យក្រសួងនិងស្ថាប័នពាក់ព័ន្ធចាត់វិធានការដោះស្រាយជាបន្ទាន់ដើម្បីកុំឲ្យលោក ឈួន ហុក ប្រើអំណាចធ្វើអ្វីៗស្រេចតែអំពើចិត្តរបស់ខ្លួនតទៅទៀត។
ប្រជាពលរដ្ឋក្នុងក្រុងសៀមរាប បានលើកឡើងថា បច្ចុប្បន្ននេះនៅក្រុងសៀមរាប មានបញ្ហាជម្លោះដីធ្លីច្រើនកន្លែងដែលមន្ត្រីអាជ្ញាធរនិងមន្ទីរពាក់ព័ន្ធមិនទាន់ចាត់វិធានការដោះស្រាយជូនប្រជាពលរដ្ឋប្រកបដោយតម្លាភាពនៅឡើយ។ ជាក់ស្ដែងករណីលោក ឈួន ហុក រំលោភកាន់កាប់ដីប្រឡាយទឹករបស់រដ្ឋក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប កើតឡើងអស់រយៈពេល១០ឆ្នាំមកហើយនៅតែមិនទាន់ឃើញមន្ត្រីអាជ្ញាធរនិងមន្ទីរពាក់ព័ន្ធចាត់វិធានការដោះស្រាយឲ្យបានជ្រះស្រឡះនៅឡើយទេ។បឋម
Recent Comments