ខេត្តរតនគិរី ៖ មួយ​រយះ​កាល ចុងក្រោយ​នេះ ​គេ​សង្កេតឃើញ​ទិ​ដ្ធ​ភាព​ក្រុមហ៊ុន​ SK​មួយ​នេះ​ពុំ​ឃើញ​មាន ​សកម្មភាព​ដាំ​ដុះ​ដំណាំ​អ្វី​ ជា​ដុំកំភួន​ទៅតាម​លក្ខណ​:​ បច្ចេកទេស​នៃ​ទីស្តីការ ​គណ​:​រ​ដ្ធ​មន្ត្រី​ដែល​បានចេញ​អាជ្ញាប័ណ្ណ ​ឲ្យ​នោះឡើយ​។​​ច្បាប់​វិនិយោគ​ដី​ សម្បទាន​សេ​ដ្ធ​កិច្ច​របស់ ​រាជរដ្ធាភិបាល​គឺ​ដី​មាន ​កុងត្រា​ត្រូវការ​ឈូសឆាយ ​ដាំ​ដុះ​តំបន់​ណាៗ​ក្នុង​មួយឆ្នាំៗ​ ត្រូវ​ឆ្លើយតប​ទៅ​រាជរដ្ធាភិបាល​ថា ​បាន​ដំណាំ​អ្វីខ្លះ​និង​បាន​ប៉ុន្មាន​ ហិកតា​? ។​ហើយ ​ការ​ឈូសឆាយ​នេះ​មាន​រយះពេល​ជាច្រើន​ឆ្នាំកន្លងមក​ហើយ​រហូត មកទល់ពេលនេះ​ពុំទាន់​ឃើញ​ដាំ​បាន​អ្វី​សោះ​មើលទៅ​ឃើញ​វាល​រហោ​ថា​ន តែ​បែរមក​លេចធ្លោរ ករណី​ពាក់ព័ន្ធ​ជាមួយ​ឈ្មួញ​ឲ្យ​ប្រើប្រាស់​ក្រុមហ៊ុន​ដើម្បី​លួចលាក់​ឈើ​ហើយរ​ត់ទៅ​ហែ​ត PC​ឃុបឃិត និង​ថ្នាក់លើ​មួយចំនួន​និង​ការកាប់​ទន្ទ្រាន​បំផ្លិចបំផ្លាញ​ធនធានធម្មជាតិ​យ៉ាង ពេញបន្ទុក​ទៅវិញ​។

​ជាក់ស្តែង​ឈើ​ធំៗ​នៅក្នុង​ដី​សង្គមកិច្ច​របស់រ​ដ្ធ​ជាប់​ព្រំប្រទល់​ក្រុមហ៊ុន​នេះ​រង​នូវ​ការបាត់បង់​ស្ទើរតែ​ទាំងស្រុង​ទៅហើយ។ មិនតែប៉ុណ្ណោះ​គេ​សង្កេតឃើញ​ថ្មីៗ​នេះ​មាន​រថយន្ត​យី​ឌុប កង់​ដប់​ប្រមាណជាច្រើនគ្រឿង​និង​រថយន្តស្ទូច​មួយគ្រឿង​ចូលទៅក្នុង​ក្រុមហ៊ុន​(SK​ឥណ្ឌា​)​ទំនង​បម្រុង​ដឹកជញ្ជូន​ឈើ​ចាស់​ដែល​នៅ​សេសសល់​ក្នុង​ក្រុមហ៊ុន​មួយ​នេះ​ចេញ​។​​ដោយ​ឮថា​នៅ​បន្សល់​ឈើ​រាប់ពាន់​ម៉ែត្រគូប​ឯណោះ​ត្រូវ​នាំចេញ​ជា​បន្តបន្ទាប់​នៅក្នុង​អំឡុងពេល​ដាច់ទឹក​ភ្លៀង​ដ៍​ខ្លី​ខាងមុខនេះ​។​

​ ​ប្រភពពី​ប្រជា​ពលរ​ដ្ធ​ដែល​បណ្តើរ​សត្វ​ឆ្កែ​ក្នុង​ដី​សង្គមកិច្ច​ខាងលើ​បាន​ឲ្យ​ដឹងថា​ ​កាលពី​ថ្ងៃទី​១៨​ខែតុលា​ឆ្នាំ​២០១៨​កន្លងទៅ​ថ្មីៗ​នេះ​ពួកគេ​ប្រទះឃើញ​ឈើ​ជាច្រើន​គំនរ​សុទ្ធតែ​ប្រភេទ​ឈើប្រណិត សុ​ក្រំ កកោះ​និង​ធ្នុង​អា​ឃ្លុំ​សម្រេច​ប្រវែង​(0.50m)(0.60m)(0.80m) (1.00m)​ទៅ​(1.20m)​និង​មាន​មុខកាត់​ចម្រុះ​(20,30,40​ក្លុំ​)​។​ល​។​

​ដ៍​ច្រើន​សន្ធឹកសន្ធាប់ រាប់ពាន់​កំណាត់​ដែល​ប្រមាណ​មិន​ក្រោម​ពី​រយ​ម៉ែត្រគូប​នោះឡើយ ដែល​ក្រុម​ឈ្មួញ​យកមក​ស្តុក​លាក់ទុក​យ៉ាង​ស្ងៀមស្ងាត់ នៅត្រង់ចំណុច​ដី​សង្គម កិច្ច​ឃ្លាតឆ្ងាយ​ពី​ដី​ក្រុមហ៊ុន​(SK​ឥណ្ឌា​)​ខាងលើនេះ​ចម្ងាយ​ប្រមាណ​ជាង​មួយរយ​ម៉ែត្រ​ប៉ុណ្ណោះ​។​
​ប្រភព​ដដែល​បន្តថា ឈើ​ទាំង​នោះគេ​សង្ស័យថា​ក្រុម​ឈ្មួញ​បាន​ទិញ​និង​ដឹកជញ្ជូន ចេញពី​ម្តុំ​ព្រៃ​ធម្មជាតិ​ខាងជើង​ទំនប់​វា​រី​អគ្គីសនី​សេសា​ន​ក្រោម​២​ក្នុងភូមិ​សាស្ត្រ​ខេត្តស្ទឹងត្រែង​កាលពី​ប៉ុន្មាន​ខែ​មុននេះ​តាម​គោយន្ត​កន្ត្រៃ​យ៍មក​ស្តុក​ទុក​ក្បែរ​ដី​ក្រុមហ៊ុន​រងចាំ​ឱកាសល្អ​ដាក់​បន្លំ​និង​ឈើ​ក្រុមហ៊ុន​ចាស់​ដែល​បម្រុង​នាំចេញ​បន្ទាប់ពី​បាន​ច្បាប់​PC​រួចហើយ​។ ប៉ុន្តែ​ក្រោយពី ប្រទះឃើញ​គំនរ​ឈើ​ទាំងនោះ​ហើយ​ប្រជា​ពលរ​ដ្ធ​ក៍បាន​រាយការណ៍​ជា​បន្តបន្ទាប់​ទៅ​សមត្ថកិច្ច​មូល​ដ្ធា​ន​ដើម្បី​ចាត់​វិធានការណ៍​ទៅតាម​ផ្លូវច្បាប់ ។​

រហូតមកដល់​ថ្ងៃ​ទី​២២​ខែតុលា ឆ្នាំ​២០១៨ លោក រស់ វណ្ណា មេបញ្ជាការ​កងរាជអាវុធហត្ថ​ស្រុក​កូន​មុំ បាន​ដឹកនាំ​កងកម្លាំង​ចូល​រឹបអូស​យក​ឈើ​មិន​ស្របច្បាប់​ទាំង​នោះមក​រក្សាទុក​បាន​ចំនួន​ពីរ​កូន​គោយន្ត​ខ្នាតតូច​ប្រមាណ​30​ទៅ​40​ដុំ​ប៉ុណ្ណោះ នៅសល់​ឈើ​មួយចំនួនធំ​មិនទាន់​ឃើញ សមត្ថកិច្ច​ចុះបង្ក្រាប​បន្ត​?។​

​ធ្វើ​ឲ្យ​ម​ជ្ឈ​ដ្ធា​ន​ទូទៅ​ដាក់​ការសង្ស័យថា គេ​បង្ក្រាប​គ្រាន់តែ​បង្គ្រប់កិច្ច ហើយ​ដកឃ្លា​មក​ធ្វើការច​ចារទុក​ឈើ​ទាំងនោះ​ឲ្យ​ឈ្មួញ​វិញ​ម៉ា​ចំនួន​ធំស្ទើរទាំងអស់​។​ពីព្រោះ​ខ​ណះ​ពេល​នៃ​ការ ចុះបង្ក្រាប​គេ​ឃើញ អ្នក​រត់ការ​ម្នាក់​ត្រូវបាន​គេ​ស្គាល់ឈ្មោះ ប្រុស (​អ្នកភូមិ​ក្របី​ជ្រុំ​)​រត់​ហែក​PC​នៅ​ភ្នំពេញ ដើម្បី​បំពេញ​លក្ខ​ណះ​ច្បាប់​ធ្វើ​អាជីវកម្ម​យក​ឈើ​ខុសច្បាប់​ទាំងនេះ​នាំចេញ​ដោយ​ជ្រោកម​ផ្លាក់​ក្រុមហ៊ុន​(SK​ឥណ្ឌា​) ព្រមទាំង​ការស្តា​របាត​អាង​ទំនប់​វា​រី​សេ​សាន​ក្រោម​ពីរ​ជាដើម​។​

​ដោយឡែក​រថយន្ត​យី​ឌុប​ប៉ុន្មាន​គ្រឿង​ដែល​លូន​ក្បាល​ចូលទៅ​ស្ងាត់ៗ​ចត​ចាំ​ដាក់​ឈើ​ក្នុង​ក្រុមហ៊ុន​SK​ខ​ណះ​ឮសូរ​ថា​សមត្ថកិច្ច​និង​ចូលចាប់​បង្ក្រាប​កំណាត់ឈើ​ក្បែរ​ក្រុមហ៊ុន​មួយ​នេះ​ពួកគេ​ក៍បត់​ក្បាល​ចេញពី​ក្រុមហ៊ុន​វិញ​យ៉ាង​ប្រ​ញ៉ាប់​ប្រ​យ៉ា​ល់​ព្រលឹងចុងសក់? បឋម​