ប្រជាពលរដ្ឋក្នុងក្រុងសៀមរាប បានឲ្យដឹងថា មួយរយៈចុងក្រោយនេះល្បែងភ្នាល់ តាមប្រព័ន្ធអ៊ីនធឺណេតរាល ដាលកាន់តែខ្លាំង ហើយមន្ត្រីអាជ្ញាធរ ថ្នាក់សង្កាត់ ថ្នាក់ក្រុង ក៏ដូចជា សមត្ថកិច្ចគ្រប់លំដាប់ថ្នាក់មិនចាត់វិធានកា របង្ក្រាបល្បែងស៊ីសងឡើយ។ ប្រជាពលរដ្ឋបានសម្ដែងសេចក្ដីព្រួយបារម្ភយ៉ាងខ្លាំងពីបញ្ហាអសន្តិសុខសង្គម ក្នុងខណៈដែលល្បែងស៊ីសងច្រើនប្រភេទកើតឡើងយ៉ាងរាលដាលព្រោះអំពើចោរកម្មលួចឆក់ប្លន់ និងបទល្មើសគ្រឿងញៀនក៏កំពុងកើតឡើងយ៉ាងពេញបន្ទុកផងដែរ។ ក្នុងខណៈដែលប្រជាពលរដ្ឋក្នុងក្រុងសៀមរាប ព្រួយបារម្ភពីបញ្ហាអសន្តិសុខសង្គមនៅពេលដែលល្បែងស៊ីសង អំពើចោរកម្ម និងបទល្មើសគ្រឿងញៀនកើតឡើងយ៉ាងពេញបន្ទុក គឺលោក ឃឹម ប៊ុនសុង អភិបាលខេត្តសៀមរាប និងលោក ទិត្យ ណារ៉ុង ស្នងការនគរបាលខេត្តសៀមរាប បែរជាសម្ងំស្ងៀមធ្វើមិនដឹងមិនឮអ្វីទាំងអស់។
សេចក្ដីរាយការណ៍ពីប្រជាពលរដ្ឋតាមបណ្ដាសង្កាត់មួយចំនួនក្នុងក្រុងសៀមរាប ខេត្តសៀមរាប បានឲ្យដឹងថា បច្ចុប្បន្នល្បែងស៊ីសងតាមប្រព័ន្ធអ៊ីនធឺណេតក៏ដូចជាល្បែងកន្ទុយលេខកំពុងកើតឡើងយ៉ាងរាលដាលធ្វើឲ្យប៉ះពាល់ដល់សន្តិសុខសង្គម។ ប្រជាពលរដ្ឋបានរិះគន់ចំៗថា លោក ឃឹម ប៊ុនសុង អភិបាលខេត្តសៀមរាប និងលោក ទិត្យ ណារ៉ុង ស្នងការនគរបាលខេត្តសៀមរាប មិនយកចិត្តទុកដាក់បង្ក្រាបល្បែងស៊ីសងដើម្បីពង្រឹងសន្តិសុខសង្គមឲ្យស្របតាមគោលនយោបាយភូមិ-ឃុំ មានសុវត្ថិភាពទាំង៩ចំណុចនោះទេ។ ដូច្នេះហើយទើបប្រជាពលរដ្ឋអំពាវនាវឲ្យថ្នាក់ដឹកនាំក្រសួងមហាផ្ទៃ ក៏ដូចជានាយឧត្តមសេនីយ៍ នេតសាវឿន អគ្គស្នងការនគរបាលជាតិ ពិនិត្យមើលភាពអសកម្មរបស់មន្ត្រីអាជ្ញាធរនិងសមត្ថកិច្ចនគរបាលក្នុងខេត្តសៀមរាប ជាបន្ទាន់។
ប្រភពពីមន្ត្រីរាជការនិងប្រជាពលរដ្ឋក្នុងក្រុងសៀមរាប បានឲ្យដឹងថា បច្ចុប្បន្នហាងអ៊ីនធឺណេតបង្កប់ល្បែងស៊ីសងច្រើនប្រភេទ ក៏ដូចជាល្បែងកន្ទុយលេខកំពុងកើតឡើងយ៉ាងរាលដាលនៅចំណុចផ្សារដើមក្រឡាញ់, សែនសប្បាយ២, ផ្លូវលោកតាណើយ និងផ្លូវបាក់ខែងជាដើម ហើយមិនឃើញមន្ត្រីអាជ្ញាធរនិងសមត្ថកិច្ចទប់ស្កាត់នោះទេ។ នៅតាមហាងអ៊ីនធឺណេតដែលបង្កប់ល្បែងស៊ីសងតាមប្រព័ន្ធអ៊ីនធឺណេត មានមនុស្សចូលលេងទាំងចាស់ទាំងក្មេង ទាំងប្រុសទាំងស្រី ជាពិសេសសិស្សសាលាដែលវក់នឹងល្បែងភ្លេចការរៀនសូត្យ។ ប្រជាពលរដ្ឋបានរិះគន់ថា មន្ត្រីអាជ្ញាធរនិងសមត្ថកិច្ចមូលដ្ឋានតាមបណ្ដាសង្កាត់នានាក្នុងក្រុងសៀមរាប ក៏ដូចជាអភិបាលក្រុងសៀមរាប និងអធិការនគរបាលក្រុងសៀមរាប គឺជាអ្នកឃុបឃិតឲ្យល្បែងស៊ីសងកើតឡើងយ៉ាងរាលដាលដើម្បីជាថ្នូរនឹងផលប្រយោជន៍។(មានត)
Recent Comments