ប្រភពពីមន្ត្រីគយនិងភ្នាក់ងារ គយក្នុងខេត្តបន្ទាយមានជ័យ មួយចំនួនបានបង្ហើបឲ្យដឹងថា លោក អ៊ី ឃីម កំពុងរត់ការ ទៅថ្នាក់លើនៅអគ្គនាយកដ្ឋាន គយនិងរដ្ឋាករកម្ពុជា ដើម្បីពន្យារ អាយុចូលនិវត្តន៍ ហើយរក្សាតំ ណែងត្រូវ ប៉ាន់ របស់ខ្លួនផងដែរ។ ប្រភពបាន ឲ្យដឹងទៀតថា ថ្មីៗនេះថ្នាក់ដឹកនាំ ជាន់ខ្ពស់នៅក្នុងអគ្គនាយ កដ្ឋានគយ និងរដ្ឋាករ បានកោះហៅលោក អ៊ី ឃីម ឲ្យមកកាន់អគ្គនាយកដ្ឋានគយជាបន្ទាន់ដើម្បីសម្របសម្រួលរឿងពន្យារអាយុចូលនិវត្តន៍ទៅតាមរបៀបពុករលួយគួរភ័យខ្លាច។ ប្រភពបានឲ្យដឹងទៀតថាលោក អ៊ី ឃីម អនុប្រធានការិយាល័យគយច្រកទ្វារអន្តរជាតិប៉ោយប៉ែត ត្រូវដល់អាយុចូលនិវត្តន៍តាំងពីថ្ងៃទី០១ ខែកក្កដា ឆ្នាំ២០១៨ មកម្ល៉េះប៉ុន្តែបច្ចុប្បន្នលោក អ៊ី ឃីម នៅតែបន្តការងារដូចមុនដដែល។
ប្រភពពីមន្ត្រីគយនិងភ្នាក់ងារគយក្នុងខេត្តបន្ទាយមានជ័យ មួយចំនួនបានឲ្យដឹងថា ក្នុងតួនាទីជាអនុប្រធានការិយាល័យគយច្រកទ្វារអន្តរជាតិទទួលបន្ទុកទីលានត្រួតពិនិត្យទំនិញតាមរទេះឬហៅថាផែស្ងួត គឺលោក អ៊ី ឃីម អាចប្រព្រឹត្តអំពើពុករលួយប្រមូលលុយធ្វើមានធ្វើបានផ្ទាល់ខ្លួនយ៉ាងសុខស្រួលបំផុត។ លោក អ៊ី ឃីម អនុប្រធានការិយាល័យគយនិងរដ្ឋាករច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ ទទួលបន្ទុកទីលានត្រួតពិនិត្យទំនិញតាមរទេះឬហៅថាផែស្ងួត រត់ការពន្យារអាយុចូលនិវត្តន៍កំពុងធ្វើឲ្យមានការរិះគន់យ៉ាងខ្លាំង។ ទន្ទឹមនឹងនេះមានសេចក្ដីអំពាវនាវឲ្យលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ពិនិត្យមើលភាពមិនប្រក្រតីនេះផងដើម្បីកុំឲ្យមេគយធំៗក្នុងអគ្គនាយកដ្ឋានគយនិងរដ្ឋាករ ធ្វើអ្វីៗស្រេចតែអំពើចិត្តតទៅទៀត។ ដោយហេតុថាការដែលមន្ត្រីគយចាស់ៗដល់អាយុចូលនិវត្តន៍ ហើយព្យាយាមរត់ការពន្យារអាយុចូលនិវត្តន៍នោះធ្វើឲ្យមន្ត្រីគយក្មេងៗដែលមានចំណេះជំនាញពិតប្រាកដគ្មានឱកាសធ្វើការងារបម្រើប្រទេសជាតិតាមសមត្ថភាពរបស់ពួកគេនោះទេ។
ប្រភពពីមន្ត្រីគយនិងភ្នាក់ងារគយក្នុងខេត្តបន្ទាយមានជ័យ មួយចំនួនបានឲ្យដឹងថា ក្នុងតួនាទីជាអនុប្រធានការិយាល័យគយច្រកទ្វារអន្តរជាតិទទួលបន្ទុកទីលានត្រួតពិនិត្យទំនិញតាមរទេះឬហៅថាផែស្ងួត គឺលោក អ៊ី ឃីម អាចប្រព្រឹត្តអំពើពុករលួយប្រមូលលុយធ្វើមានធ្វើបានផ្ទាល់ខ្លួនយ៉ាងសុខស្រួលបំផុត។ ប្រភពបានឲ្យដឹងទៀតថាលោក អ៊ី ឃីម បានឃុបឃិតឲ្យឈ្មួញធំៗមួយចំនួនធ្វើសកម្មភាពនាំចូលទំនិញតាមរទេះយ៉ាងពេញបន្ទុកតែម្តង ហើយមានការបន្លំពន្ធឬគេចពន្ធស្រេចតែអំពើចិត្តដោយគ្មានញញើតអ្វីទាំងអស់។ ហេតុនេះហើយទើបនៅពេលដល់អាយុចូលនិវត្តន៍ គឺលោក អ៊ី ឃីម ព្យាយាមរត់ការពន្យារអាយុចូលនិវត្តន៍ដើម្បីបន្តតំណែងត្រូវប៉ាន់របស់ខ្លួនឲ្យបានយូរអង្វែងតទៅទៀតមិនចង់បាត់បង់តួនាទីនេះឡើយ។ ដូច្នេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មិនគួរមើលរំលងបញ្ហានេះទេព្រោះករណីលោក អ៊ី ឃីម អនុប្រធានការិយាល័យគយច្រកទ្វារអន្តរជាតិប៉ោយប៉ែត រត់ការពន្យារអាយុចូលនិវត្តន៍។(មានតភាគ)
Recent Comments