ប្រជានេសាទនៅ ក្នុងឃុំរាំងទឹល ស្រុកកណ្ដៀង ខេត្តពោធិ៍សាត់ បានលើកឡើងថា មន្ត្រីរដ្ឋបាលជលផល ក្នុងមូល ដ្ឋាន ពួកគាត់ គឺជាអ្នកឃុបឃិត ឲ្យមានបទល្មើសប្រើឧបករណ៍ ខុសច្បាប់បំផ្លាញធនធានមច្ឆជាតិ យ៉ាងមហន្តរាយ ហើយ លោក ម៉ៅ ធនិន អភិបាលខេត្ត ពោធិ៍សាត់ ក៏ដូចជាប្រធានមន្ទីរក សិកម្ម និងមេរដ្ឋបាល ជលផលខេត្ត ពោធិ៍ សាត់ មិនចាត់វិធានកា របង្ក្រាបបទល្មើសនេសាទឲ្យស្រ បទៅតាមបទបញ្ជារបស់ ថ្នាក់ដឹកនាំក្រសួងមហាផ្ទៃ នោះទេ។ ហេតុនេះ ហើយទើបប្រជាពលរដ្ឋរិះគន់ថាចាប់តាំងពីលោក ម៉ៅ ធនិន មកកាន់តំណែងជាអភិបាលខេត្តពោធិ៍សាត់ មកដល់បច្ចុប្បន្នគឺបទល្មើសបំផ្លាញព្រៃឈើនិងបទល្មើសនេសាទរាលដាលកាន់តែខ្លាំងជាងមុនទៅទៀត ព្រោះលោក ម៉ៅ ធនិន គិតតែពីរឿងប្រមូលផលប្រយោជន៍ ហើយបណ្ដោយឲ្យបទល្មើសកើតឡើងកាន់តែខ្លាំង។
ប្រជាពលរដ្ឋរស់នៅក្នុងស្រុកវាលវែង និងស្រុកភ្នំក្រវាញ ខេត្តពោធិ៍សាត់ បានឲ្យដឹងថា បច្ចុប្បន្នឈ្មួញជាច្រើននាក់នៅតែកាប់ឈើនិងដឹកជញ្ជូនឈើខុសច្បាប់ចេញពីតំបន់ដែនជម្រកសត្វព្រៃភ្នំសំកុស តំបន់អភិរក្សជួរភ្នំក្រវាញភាគកណ្ដាល និងតំបន់ដែនជម្រកសត្វព្រៃភ្នំឱរ៉ាល់ យ៉ាងពេញបន្ទុក។ មន្ត្រីអង្គការក្រៅរដ្ឋាភិបាលនិងសកម្មជនព្រៃឈើបានរិះគន់ចំៗថា លោក ម៉ៅ ធនិន អភិបាលខេត្តពោធិ៍សាត់ ក៏ដូចជាប្រធានមន្ទីរកសិកម្មខេត្តពោធិ៍សាត់ និងមេរដ្ឋបាលព្រៃឈើខេត្តពោធិ៍សាត់ មិនយកចិត្តទុកដាក់បង្ក្រាបបទល្មើសព្រៃឈើដែលកំពុងកើតឡើងយ៉ាងមហន្តរាយនោះទេ។ ផ្ទុយទៅវិញមួយរយៈចុងក្រោយនេះលោក ម៉ៅ ធនិន អភិបាលខេត្តពោធិ៍សាត់ កំពុងជាប់រវល់ក្នុងយុទ្ធនាការឃោសនារកសំឡេងឆ្នោត ហើយបណ្ដោយឲ្យឈ្មួញច្រើននាក់កាប់ឈើនិងដឹកជញ្ជូនឈើចេញពីខេត្តពោធិ៍សាត់ យ៉ាងពេញបន្ទុកទាំងយប់ទាំងថ្ងៃតែម្តង។
ប្រភពពីមន្ត្រីសាលាខេត្តពោធិ៍សាត់ មួយចំនួនបានបង្ហើបឲ្យដឹងថា ឈ្មួញធំៗខ្លះបានយកឈ្មោះលោក ម៉ៅ ធនិន អភិបាលខេត្តពោធិ៍សាត់ ធ្វើជាបង្អែកដើម្បីឲ្យសកម្មភាពដឹកជញ្ជូនឈើរបស់ពួកគេប្រព្រឹត្តទៅដោយរលូនគ្មានឧបសគ្គ។ ប្រភពខ្លះបានឲ្យដឹងថា ប្រហែលជាលោក ម៉ៅ ធនិន អភិបាលខេត្តពោធិ៍សាត់ ទទួលបានផលប្រយោជន៍មួយផ្នែកណានោះពីក្រុមឈ្មួញដឹកជញ្ជូនឈើខុសច្បាប់ផងដែរទើបបណ្ដោយឲ្យប្រធានមន្ទីរបរិស្ថានខេត្តពោធិ៍សាត់ លោក ប៉ាន់ មរកត ក៏ដូចជាមេរដ្ឋបាលព្រៃឈើខេត្តពោធិ៍សាត់ ធ្វើអ្វីៗស្រេចតែអំពើចិត្តរបស់ពួកគេ?។ ប្រសិនបើលោក ម៉ៅ ធនិន មានឆន្ទៈក្នុងការបង្ក្រាបបទល្មើសព្រៃឈើប្រកបដោយប្រសិទ្ធភាពនោះ គឺឈ្មួញឈ្មោះ តាំង អៀង ក៏ដូចជាឈ្មួញជាមន្ត្រីយោធា មន្ត្រីនគរបាល និងមន្ត្រីអាវុធហត្ថក្នុងខេត្តពោធិ៍សាត់ មួយចំនួនមិនហ៊ានធ្វើអ្វីៗតាមអំពើចិត្តដូចសព្វថ្ងៃនេះឡើយ។
ដោយឡែកសេចក្ដីរាយការណ៍ពីប្រជានេសាទជាលក្ខណៈគ្រួសារនៅតំបន់បឹងទន្លេសាបនៃស្រុកកណ្ដៀង ស្រុកក្រគរ និងស្រុកបាកាន ខេត្តពោធិ៍សាត់ បានឲ្យដឹងថា នៅក្នុងរដូវបិទនេសាទនេះបទល្មើសនេសាទប្រើឧបករណ៍ខុសច្បាប់ក្នុងបឹងទន្លេសាបកំពុងកើតឡើងកាន់តែខ្លាំងជាងមុន ។(មានត)
Recent Comments