មន្ត្រីនិងភ្នាក់ងារគយក្នុង ខេត្តប៉ៃលិន មួយចំនួនបានបង្ហើប ឲ្យដឹងថា ការដែលលោក ទី ប៊ុនឡង់ ប្រធាន ការិយា ល័យ ច្រកទ្វារអន្តរជាតិព្រំ ហ៊ានធ្វើអ្វីៗយ៉ាងគឃ្លើន គឺដោយសារអាងមានខ្នង បង្អែកធំជាងលោក គុណ ញឹម ដែល ជាអគ្គ នាយគយទៅទៀត។ ហេតុនេះហើយទើបលោក ទី ប៉ុនឡង់ ហ៊ានបើកដៃឲ្យឈ្មួញនាំចូ លទំនិញគេច ពន្ធ ទំនិញ បង់ពន្ធមិនគ្រប់ និងទំនិញខុសច្បាប់តាមច្រកទ្វារអន្តរ ជាតិព្រំ ខេត្តប៉ៃលិន កាន់ តែច្រើនឡើងៗ ហើយក៏មានការ ឃុបឃិតបើកដៃពីសំណាក់លោក សំ សុវណ្ណារិទ្ធ ប្រធានសាខាគយខេត្តប៉ៃលិន ដែលល្បីល្បាញខាងប្រព្រឹត្តអំពើពុករលួយផងដែរ។ ក្រៅពីឃុបឃិតឲ្យឈ្មួញធំៗនាំចូលទំនិញគេចពន្ធ ទំនិញខុសច្បាប់ និងទំនិញបង់ពន្ធមិនគ្រប់គឺលោក ទី ប៊ុនឡង់ និងបក្ខពួកកំពុងគាបយកលុយពីពលរដ្ឋនិងអាជីវករតូចតាចកាន់តែច្រើនឡើងៗធ្វើឲ្យអាជីវករនិងពលរដ្ឋប្រមូលផ្ដុំគ្នាតតវ៉ាមុខការិយាល័យគយច្រកទ្វារអន្តរជាតិព្រំច្រើនលើកមកហើយ។ ដូច្នេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មិនគួរមើលរំលងទង្វើមិនប្រក្រតីនិងអំពើពុករលួយរបស់លោក ទី ប៊ុនឡង់ ប្រធានការិយាល័យគយច្រកទ្វារអន្តរជាតិព្រំ នោះទេព្រោះលោក ទី ប៊ុនឡង់ អាងខ្នងបង្អែករឹងមាំកំពុងប្រព្រឹត្តអំពើពុករលួយយ៉ាងពេញបន្ទុក។
បើទោះបីរឿងអាស្រូវពុករលួយច្រើនបែបច្រើនយ៉ាងរបស់លោក ទី ប៊ុនឡង់ ប្រធានការិយាល័យគយច្រកទ្វារអន្តរជាតិព្រំ ត្រូវបានបើកកកាយជាបន្តបន្ទាប់យ៉ាងណាក៏ដោយ ក៏លោក គុណ ញឹម ដែលជាមេគយធំសម្ងំស្ងៀមធ្វើមិនដឹងមិនឮអ្វីទាំងអស់។ ហេតុនេះហើយទើបមជ្ឈដ្ឋានមួយចំនួនរិះគន់ថាលោក គុណ ញឹម មេគយធំគឺជាអ្នកបើកដៃឲ្យលោក ទី ប៊ុនឡង់ ប្រធានការិយាល័យគយច្រកទ្វារអន្តរជាតិព្រំ ធ្វើអ្វីៗតាមអំពើចិត្ត ហើយអាចមានការបែងចែកផលប្រយោជន៍ប្រចាំខែយ៉ាងសុខស្រួល។ បញ្ហានេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏រក្សាភាពស្ងៀមស្ងាត់ផងដែរ ហេតុនេះហើយទើបលោក ទី ប៊ុនឡង់ កំពុងឃុបឃិតឲ្យឈ្មួញនាំចូលទំនិញគេចពន្ធ ទំនិញខុសច្បាប់ និងទំនិញបង់ពន្ធមិនគ្រប់កាន់តែច្រើនឡើងៗរួចបែរជាគាបសង្កត់ទៅលើពលរដ្ឋនិងអាជីវករតូចតាចយ៉ាងគឃ្លើន។
ថ្មីៗនេះក្រុមអាជីវករនិងពលរដ្ឋដែលរកស៊ីនាំចូលផ្លែឈើពីស្រុកសៀមតាមច្រកទ្វារអន្តរជាតិព្រំ ខេត្តប៉ៃលិន រាប់សិបនាក់បានប្រមូលផ្ដុំគ្នាតវ៉ាប្រឆាំងលោក ទី ប៊ុនឡង់ ប្រធានការិយាល័យគយច្រកទ្វារអន្តរជាតិព្រំ ដែលគាបសង្កត់ជិះជាន់ធ្វើបាបពួកគាត់យ៉ាងកំរោល។ ប្រភពពីមន្ត្រីនៅច្រកទ្វារអន្តរជាតិព្រំ មួយចំនួនបានបង្ហើបឲ្យដឹងថា ការដែលលោក ទី ប៊ុនឡង់ និងបក្ខពួកហ៊ានប្រព្រឹត្តអំពើពុករលួយដល់ឆ្អឹង គឺដោយសារមានការឃុបឃិតបើកដៃពីសំណាក់លោក សំ សុវណ្ណារិទ្ធ ប្រធានសាខាគយខេត្តប៉ៃលិន ដែលល្បីល្បាញខាងប្រព្រឹត្តអំពើពុករលួយ ផងដែរ។ ប្រភពពីមន្ត្រីនិងភ្នាក់ងារគយក្នុងខេត្តប៉ៃលិន មួយចំនួនបានឲ្យដឹងថា ទំនងជាលោក ទី ប៊ុនឡង់ និងលោក សំ សុវណ្ណារិទ្ធ ចំណាយដើមទុនយ៉ាងច្រើនដើម្បីតំណែងនាពេលបច្ចុប្បន្ននេះទើបពួកគេឃុបឃិតគ្នាប្រព្រឹត្តអំពើពុករលួយប្រមូលលុយស្រង់ដើមដោយគ្មានញញើតអ្វីទាំងអស់។
ក្រុមអាជីវករនិងប្រជាពលរដ្ឋដែលប្រមូលផ្ដុំគ្នាតវ៉ាមុខការិយាល័យគយច្រកទ្វារអន្តរជាតិព្រំ ខេត្តប៉ៃលិន បានឲ្យដឹងថា កន្លងមកនៅពេលពួកគាត់នាំចូលផ្លែឈើដឹកជញ្ជូនតាមរថយន្តសាំយ៉ុង ត្រូវបង់ពន្ធក្នុងមួយរថយន្តត្រឹម២០ម៉ឺនរៀលប៉ុណ្ណោះ ប៉ុន្តែឥឡូវនេះលោក ទី ប៊ុនឡង់ គាបឲ្យពួកគាត់បង់ពន្ធដល់ទៅ៥០ម៉ឺនរៀល។ ចំណែកអ្នកដឹកជញ្ជូនផ្លែឈើតាមរថយន្តធុនធំដែលកាលពីមុនបង់ពន្ធក្នុងមួយជើងតែជាង១លានរៀល ឥឡូវលោក ទី ប៊ុនឡង់ គាបឲ្យបង់លុយដល់ទៅជិត៥លានរៀលគឺច្រើនហួសហេតុ។ ដូច្នេះហើយទើបពួកគាត់ប្រមូលផ្ដុំគ្នាតវ៉ាដើម្បីឲ្យអាជ្ញាធរខេត្តប៉ៃលិន ក៏ដូចជាក្រសួងនិងស្ថាប័នពាក់ព័ន្ធចាត់វិធានការទប់ស្កាត់ទង្វើមិនប្រក្រតីនិងអំពើពុករលួយដល់ឆ្អឹងរបស់លោក ទី ប៊ុនឡង់ ប្រធានការិយាល័យគយច្រកទ្វារអន្តរជាតិព្រំ ជាបន្ទាន់ដើម្បីកុំឲ្យមន្ត្រីគយទាំងនោះធ្វើអ្វីៗតាមអំពើចិត្តទៀត។បឋម
Recent Comments