ប្រភពពីប្រជាសហគមន៍ការពារ ព្រៃឈើក្នុងស្រុកកោះញែក បានឲ្យដឹងថា បច្ចុប្បន្នឈ្មួញ ជាច្រើននាក់ កំពុងបង្កើនសកម្មភាពកាប់ ឈើនិងដឹកជញ្ជូនឈើចេញ ទៅស្រុកយួនយ៉ាងពេញ បន្ទុកដោយគ្រាន់ តែបង់លុយឲ្យលោក ព្រំ សុវណ្ណា ព្រមទាំងបក្ខពួកតាម ការកំណត់ប៉ុណ្ណោះគឺអ្វីៗ អាចប្រព្រឹត្តដោយ រ លូន។ ប្រភពបានឲ្យដឹងទៀតថា ក្នុងមួយយប់ៗឈ្មួញដឹកជញ្ជូន ឈើចេញពីតំបន់ដែនជម្រក សត្វព្រៃ ស្រែពក តាមរថយន្តបង្កុងនិងរថយន្ត កែច្នៃរាប់សិបគ្រឿងហើយ លោក ព្រំ សុវណ្ណា និងបក្ខពួកអាចប្រមូលលុយបានយ៉ាងច្រើន។ មានបុគ្គល២នាក់ឈ្មោះ ដា និងឈ្មោះ ក្របី គឺជាអ្នករត់ការបើកផ្លូវ ឲ្យឈ្មួញចូលកាប់ឈើនិងដឹកជញ្ជូនឈើចេញពី តំបន់ដែនជម្រកសត្វ ព្រៃស្រែពក ទៅស្រុ កយួន ក្នុងខណៈដែលប្រធានមន្ទីរបរិស្ថានខេត្តមណ្ឌលគិរី និងលោក ស្វាយ សំអ៊ាង អភិបាលខេត្តមណ្ឌល គិរី កំពុងរក្សាភាពស្ងៀមស្ងាត់។
ប្រភពពីសកម្មជនព្រៃឈើនិងមន្ត្រីអង្គការក្រៅរដ្ឋាភិបាលក្នុងខេត្តរតនគិរី បានឲ្យដឹងថា បច្ចុប្បន្នឈ្មួញជាច្រើននាក់កំពុងសម្រុកកាប់ឈើនិងដឹកជញ្ជូនឈើចេញពីតំបន់ដែនជម្រកសត្វព្រៃស្រែពកយ៉ាងពេញបន្ទុក ដោយសារតែមានការឃុបឃិតបើកដៃពីសំណាក់លោក ព្រំ សុវណ្ណា នាយកដែនជម្រកសត្វព្រៃស្រពកដែលគិតតែពីរឿងប្រមូលលុយដាក់ហោប៉ៅផ្ទាល់ខ្លួន។ ទន្ទឹមនឹងនេះប្រភពពីមន្ត្រីរាជការក្នុងមន្ទីរបរិស្ថានខេត្តមណ្ឌលគិរី ក៏បានឲ្យដឹងដែរថាប្រសិនបើគ្មានការឃុបឃិតបើកដៃពីសំណាក់ប្រធានមន្ទីរបរិស្ថានខេត្តមណ្ឌលគិរី ទេនោះគឺលោក ព្រំ សុវណ្ណា មិនហ៊ានធ្វើអ្វីៗស្រេចតែអំពើចិត្តនោះទេ។ ដូច្នេះលោក សាយ សំអាល់ រដ្ឋមន្ត្រីក្រសួងបរិស្ថាន គួរចាត់វិធានការទៅលើអំពើពុករលួយរបស់លោក ព្រំ សុវណ្ណា នាយកដែនជម្រកសត្វព្រៃស្រែពក និងប្រធានមន្ទីរបរិស្ថានខេត្តមណ្ឌលគិរី ជាបន្ទាន់ក្នុងខណៈដែលព្រៃឈើនៅក្នុងតំបន់ដែនជម្រកសត្វព្រៃស្រែពក កំពុងតែប្រឈមនឹងសេចក្ដីវិនាស។
ប្រភពពីមន្ត្រីរាជការនៅក្នុងមន្ទីរបរិស្ថានខេត្តមណ្ដលគិរី បានបង្ហើបឲ្យដឹងថា ការដែលលោក ព្រំ សុវណ្ណា នាយកដែនជម្រកសត្វព្រៃស្រែពក ហ៊ានបើកដៃឲ្យឈ្មួញចូលកាប់ឈើនិងដឹកជញ្ជូនឈើចេញពីតំបន់ដែនជម្រកសត្វព្រៃស្រែពក យ៉ាងរាលដាលដូចសព្វថ្ងៃនេះគឺមានការឃុបឃិបើកដៃពីសំណាក់ប្រធានមន្ទីរបរិស្ថានខេត្តមណ្ឌលគិរី ក៏ដូចជាលោក ស្វាយ សំអ៊ាង អភិបាលខេត្តមណ្ឌលគិរី ផងដែរ។ អាចនិយាយបានថា ទាល់តែមានការឃុបឃិតជាប្រព័ន្ធទើបបទល្មើសកាប់ឈើនិងដឹកជញ្ជូនឈើខុសច្បាប់ចេញពីតំបន់ដែនជម្រកសត្វព្រៃស្រែពក កើតឡើងយ៉ាងអនាធិបតេយ្យដូចសព្វថ្ងៃនេះហើយព្រៃឈើនៅក្នុងតំបន់ដែនជម្រកសត្វព្រៃស្រែពក ចៀសមិនផុតពីសេចក្ដីវិនាសក្នុងពេលឆាប់ៗខាងមុខនេះឡើយ។ ដូច្នេះហើយទើបមានការអំពាវនាវឲ្យលោក សាយ សំអាល់ រដ្ឋមន្ត្រីក្រសួងបរិស្ថាន ពិនិត្យមើលសេចក្ដីវិនាសនៃព្រៃឈើនៅក្នុងតំបន់ដែនជម្រកសត្វព្រៃស្រែពក ខេត្តមណ្ឌលគិរី ជាបន្ទាន់។បឋម
Recent Comments