សេចក្ដីរាយការណ៍ ពីប្រជាពលរដ្ឋនៅក្នុងស្រុកស្នួល ខេត្តក្រចេះ បានឲ្យដឹងថា មកដល់ពេលនេះ មន្ត្រីយោធាឈ្មោះ ហ៊ត់ ប៊ុនគីម មេបញ្ជាការយោធាគ ៣នៃវរការពារព្រំដែនលេខ ២០៤ នៅតែបន្តប្រមូល ទិញឈើ និងដឹកជញ្ជូន ឈើចេញពីចំណុចប៉ោដើមចេក កា៣ ស្រុកស្នួល ខេត្តក្រចេះ ចូល ទៅស្រុកយួនយ៉ាងរលូន។ សកម្មភាពលើកឈើ ដាក់រថយន្តយីឌុបខ្នាតយក្ស ជាច្រើនគ្រឿងនៅចំណុចប៉ោដើមចេក កា៣ ស្រុកស្នួល ខេត្តក្រចេះ ហើយត្រូវគេដឹងថាជាឈើរបស់មេឈ្មួញ ហ៊ត់ ប៊ុនគីម ដែលជាមេបញ្ជាការយោធាគ៣។ ក្នុងពេលធ្វើសកម្មភាពលើកឈើដាក់រថយន្តនោះ មានទាហានចំនួន៤នាក់ប្រដាប់ដោយកាំភ្លើងគ្រប់ដៃឈរយាមកាមកន្លែងលើកឈើមិនឲ្យមន្ត្រីជំនាញឬសមត្ថកិច្ចពាក់ព័ន្ធណាទៅជិតបានឡើយក្នុងនោះអ្នកកាងបទល្មើសនិងជួយការពារមានដូចជាប៉ូលីសសេដ្ធកិច្ចនិងប៉េអឹម(pm)ផ្ទៃប្រទេសនិងអ្នកកាសែត២នាក់ជាអ្នករត់ការនិងមើលផ្លូវ។
មន្ត្រីយោធានៅអង្គភាពគ៣ ចំណុះវរការពារព្រំដែនលេខ២០៤ បានឲ្យដឹងថា សកម្មភាពលើកឈើដាក់រថយន្តយីឌុបធំៗបានធ្វើឡើងជារៀងរាលើថ្ងៃ ហើយរថយន្តទាំងនោះត្រូវបានគេដឹងថាជារបស់ឈ្មួញជនជាតិយួនដែលមកទទួលទិញឈើពីមេឈ្មួញ ហ៊ត់ ប៊ុនគីម ដល់ទឹកដីខ្មែរតែម្តង។ ជារៀងរាល់ថ្ងៃរថយន្តយីឌុបជាច្រើនគ្រឿងទៀតបានចូលមកដឹកឈើចេញពីទីតាំងខាងលើ ហើយឈើទាំងនោះត្រូវគេដឹកចេញទៅស្រុកយួនតាមច្រករបៀងជ័យឃ្លាំងឬច្រករបៀងដេ១៦ចេញទៅស្រុកយួនដោយសេរី។ មន្ត្រីយោធាក្នុងអង្គភាពគ៣ បានបញ្ជាក់ថាមេឈ្មួញ ហ៊ត់ ប៊ុនគីម កំពុងសម្រុកដឹកឈើពី៧ទៅ៨រថយន្តយីឌុបធំៗចេញទៅស្រុកយួនតាមច្រករបៀងជ័យឃ្លាំងឬច្រករបៀងដេ១៦ដោយគ្មានមន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធណាហ៊ានប៉ះពាល់ឡើយ។
ប្រភពពីមន្ត្រីអាជ្ញាធរមូលដ្ឋានបានឲ្យដឹងថា មន្ត្រីរដ្ឋបាលព្រៃឈើនិងសមត្ថកិច្ចដទៃទៀត កំពុងឃុបឃិតជួយបិទបាំងសកម្មភាពដឹកជញ្ជូនឈើចេញទៅស្រុកយួនរបស់មេឈ្មួញ ហ៊ត់ ប៊ុនគីម ដែលជាមេបញ្ជា្កការយោធាអង្គភាពកងអនុសេនាធំលេខ៣(គ៣) ដោយក្នុងមួយរថយន្តមេឈ្មួញ ហ៊ត់ ប៊ុនគីម ចំណាយពី១០០០ដុល្លារទៅ២០០០ដុល្លារដើម្បីអាចដឹកឈើទៅដល់គោលដៅ។ ដូច្នេះហើយទើបមេឈ្មួញ ហ៊ត់ ប៊ុនគីម អាចប្រមូលទិញឈើពីឈ្មួញតូចតាចមួយចំនួនយកទៅស្តុកទុកនៅចំណុចប៉ោដើមចេក កា៣ ហើយដឹកជញ្ជូនចេញទៅស្រុកយួនតាមរថយន្តយីឌុបធំៗដោយគ្មានញញើតអ្វីទាំងអស់ ហើយថែមទាំងមានមន្ត្រីយោធាប្រដាប់ដោយអាវុធគ្រប់ដៃចាំការពារទៀតផង។ សូម្បីតែមន្ត្រីគណៈកម្មការបង្ក្រាបនិងទប់ស្កាត់បទល្មើសបំផ្លាញព្រៃឈើដែលកំពុងឈរជើងក្នុងខេត្តក្រចេះ ក៏មិនបង្ក្រាបមេឈ្មួញ ហ៊ត់ ប៊ុនគីម នោះដែរទំនងជាពួកគេរក្សាភាពស្ងៀមស្ងាត់ដើម្បីជាថ្នូរនឹងផលប្រយោជន៍យ៉ាងសុខស្រួលតែម្តង។បឋម
Recent Comments