ប្រជាពលរដ្ឋនៅ ស្រុកស្វាយលើ និងស្រុកជីក្រែង ខេត្តសៀមរាប បានឲ្យដឹងថា រហូតមកដល់ពេលនេះ បទល្មើសដឹក ជញ្ជូនឈើឆ្លងកាត់មូលដ្ឋាន ពួកគាត់នៅតែកើតឡើងយ៉ាង ពេញបន្ទុក ហើយមិនឃើញលោក ម៉ុង ប៊ុនលីម ព្រម ទាំងមន្ត្រីរដ្ឋ បាលព្រៃឈើក្នុងស្រុកស្វាយលើ និងស្រុកជីក្រែង ចាត់វិធាន ការទប់ស្កាត់នោះទេ។ ជាក់ស្ដែងឈ្មួញជាច្រើន នាក់អាចបន្តសកម្មភាព ដឹកជញ្ជូន ឈើតាមរថយន្តធំៗ មកចែកចាយ តាមដេប៉ូក្នុង ក្រុងសៀមរាប យ៉ាងរលូនដោយគ្មានញញើតអ្វីទាំងអស់ ហើយលោក ម៉ុង ប៊ុនលីម នាយខណ្ឌរដ្ឋបាលព្រៃឈើខេត្តសៀមរាប និងលោក ទា គឹមសុទ្ធ ប្រធានមន្ទីរកសិកម្មខេត្តសៀមរាប កំពុងប្រមូលផលប្រយោជន៍បានយ៉ាងច្រើនពីបទល្មើសព្រៃឈើ។ ប្រការនេះហើយទើបមានការរិះគន់ចំៗថាលោក ម៉ុង ប៊ុនលីម និងលោក ទា គឹមសុទ្ធ ជាមេខ្លោងកាងបទល្មើសព្រៃឈើក្នុងខេត្តសៀមរាប ហើយចាត់ទុកបទល្មើសព្រៃឈើគឺជាប្រភពចំណូលដ៏សំខាន់របស់ពួកគេដើម្បីផលប្រយោជន៏ផ្ទាល់ខ្លួន។
ប្រភពពីមន្ត្រីមន្ទីរកសិកម្ម ក៏ដូចជាមន្ត្រីរដ្ឋបាលព្រៃឈើនៅក្នុងខេត្តសៀមរាប បានឲ្យដឹងថា លោក ម៉ុង ប៊ុនលីម នាយខណ្ឌរដ្ឋបាលព្រៃឈើខេត្តសៀមរាប កំពុងសប្បាយប្រមូលលុយតាមរបៀបពុករលួយ ហើយមិនចាត់វិធានការបង្ក្រាបក្រុមឈ្មួញដឹកជញ្ជូនឈើចូលក្រុងសៀមរាបឡើយ។ ការដែលលោក ម៉ុង ប៊ុនលីម ហ៊ានធ្វើអ្វីៗស្រេចតែអំពើចិត្ត គឺមានការឃុបឃិតបើកដៃពីសំណាក់លោក ទា គឹមសុទ្ធ ប្រធានមន្ទីរកសិកម្មខេត្តសៀមរាប ផងដែរ ដូច្នេះលោក វេង សាខុន រដ្ឋមន្ត្រីក្រសួងកសិកម្ម និងលោក អ៊ុង សំអាត ប្រធានរដ្ឋបាលព្រៃឈើនៃក្រសួងកសិកម្ម គួរពិនិត្យឡើងវិញជាបន្ទាន់។ ដោយហេតុថា បច្ចុប្បន្នបទល្មើសដឹកជញ្ជូនឈើពីខេត្តព្រះវិហារ និងខេត្តឧត្ដរមានជ័យ ចូលក្រុងសៀមរាប និងឆ្លងកាត់ខេត្តសៀមរាប នៅតែកើតឡើងយ៉ាងគគ្រឹកគគ្រេងព្រោះលោក ម៉ុង ប៊ុនលីម គិតតែពីរឿងប្រមូលលុយធ្វើមានធ្វើបានផ្ទាល់ខ្លួនយ៉ាងសុខស្រួល។
ប្រភពពីសមត្ថកិច្ចពាក់ព័ន្ធនៅក្នុងក្រុងសៀមរាប បានឲ្យដឹងថា កាលពីព្រឹកថ្ងៃទី២៩ ខែមករា ឆ្នាំ២០១៨ មានរថយន្តដឹកឈើធុនធំ១គ្រឿងបើកបរចូលទៅដេប៉ូលក់ឈើនៅផ្លូវជន្លង់ ភូមិជន្លង់ សង្កាត់សាលាកំរើក ក្រុងសៀមរាប ហើយមិនឃើញលោក ម៉ុង ប៊ុនលីម នាយខណ្ឌរដ្ឋបាលព្រៃឈើខេត្តសៀមរាប ចាត់វិធានការទប់ស្កាត់ឡើយ។ ប្រភពពីបានឲ្យដឹងទៀតថា បច្ចុប្បន្នឈ្មួញមួយចំនួនបានប្ដូររូបភាពពីដឹកឈើតាមរថយន្តតូចៗមកដឹកឈើតាមរថយន្តធំៗចំណុះរាប់សិបតោនឬរាប់សិបម៉ែត្រគូប ដោយសារតែមានការឃុបឃិតបើកដៃពីសំណាក់លោក ម៉ុង ប៊ុនលីម និងមន្ត្រីក្រោមឱវាទ។ ជារៀងរាល់ថ្ងៃមានឈ្មួញដឹកជញ្ជូនឈើពីខេត្តព្រះវិហារ ខេត្តឧត្ដរមានជ័យ ចូលមកចែកចាយតាមដេប៉ូច្រើនកន្លែងក្នុងក្រុងសៀមរាប ដោយគ្មានការបង្ក្រាបព្រោះឈ្មួញទាំងនោះបង់លុយឲ្យលោក ម៉ុង ប៊ុនលីម និងសមត្ថកិច្ចមួយចំនួនទៀតតាមការកំណត់។បឋម
Recent Comments