មន្ត្រីនៅច្រកជ្រៃធំ ស្រុកកោះធំ ខេត្តកណ្ដាល បានឲ្យដឹងថាក្រុមហ៊ុនហង្ស របស់មេឈ្មួញ ឡៅ តុងហាន ដែលជាឧត្តម សេនីយ៍យោធា បាននាំចូលគ្រឿង សំណង់ជាច្រើនប្រភេទដូចជា ដែក ឥដ្ឋការ៉ូ ក្បឿង ស៊ីម៉ងត៍ និងសម្ភារៈសំណង់ ច្រើនប្រភេទទៀត ពីស្រុកយួន ចូលស្រុកខ្មែរតាមច្រកជ្រៃធំ ។ ប្រភពបានឲ្យដឹងទៀតថា រាល់ទំនិញជាប្រភេទគ្រឿងសំណង់ដែលមេឈ្មួញ ឡៅ តុងហាន នាំចូលតាមច្រកជ្រៃធំ គឺបង់ពន្ធត្រឹម២០ទៅ៣០ភាគរយប៉ុណ្ណោះ ក្រៅពីនេះគឺមានការឃុបឃិតជាមួយសមត្ថកិច្ចពាក់ព័ន្ធនៅច្រកជ្រៃធំ ចែកផលប្រយោជន៍គ្នាយ៉ាងសុខស្រួល។ ដោយសារតែមានការឃុបឃិតពីសំណាក់សមត្ថកិច្ចពាក់ប័ន្ធជាច្រើនស្ថាប័នបែបនេះហើយ ទើបមេឈ្មួញ ឡៅ តុងហាន អាចនាំចូលទំនិញជាប្រភេទគ្រឿងសំណង់គេចពន្ធ និងបង់ពន្ធមិនគ្រប់តាមអំពើចិត្តគ្មានញញើតអ្វីទាំងអស់ ហើយម្យ៉ាងទៀតមេឈ្មួញ ឡៅ តុងហាន អាងអំណាចរបស់ខ្លួនជាឧត្តមសេនីយ៍យោធាក្នុងកងអង្គរក្សផងដែរ ទើបគ្មាននរណាហ៊ានប៉ះពាល់។
កន្លងមករឿងក្រុមហ៊ុនហង្ស របស់មេឈ្មួញ ឡៅ តុងហាន នាំចូលគ្រឿងសំណង់គេចពន្ធតាមច្រកជ្រៃធំ ស្រុកកោះធំ ខេត្តកណ្ដាល ត្រូវបានបើកកកាយជាបន្តបន្ទាប់ ក៏ប៉ុន្តែរហូតមកដល់ពេលនេះក្រសួងនិងស្ថាប័នពាក់ព័ន្ធមិនចាត់វិធានការទប់ស្កាត់នោះទេ។ ប្រភពពីមន្ត្រីតូចតាចនៅច្រកជ្រៃធំ បានឲ្យដឹងថា ការដែលមេឈ្មួញ ឡៅ តុងហាន អាចនាំចូលគ្រឿងសំណង់គេចពន្ធនិងបង់ពន្ធមិនគ្រប់ស្រេចតែអំពើចិត្ត គឺមានការឃុបឃិតជាមួយមន្ត្រីជំនាញនិងសមត្ថកិច្ចពាក់ព័ន្ធនៅច្រកជ្រៃធំ ដែលជាហេតុធ្វើឲ្យត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។ ដូច្នេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយមិនគួរមើលរំលងតទៅទៀតទេ ហើយគួរបើកការស៊ើបអង្កេតទៅលើករណីក្រុមហ៊ុនហង្ស របស់មេឈ្មួញ ឡៅ តុងហាន នាំចូលគ្រឿងសំណង់គេចពន្ធនិងបង់ពន្ធមិនគ្រប់តាមច្រកជ្រៃធំជាបន្ទាន់ និងចាត់វិធានការតាមច្បាប់ផងដែរ។
កន្លងមកមានការអំពាវនាវឲ្យលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ក៏ដូចជាលោក គុណ ញឹម អគ្គនាយកគយ ពិនិត្យមើលភាពមិនប្រក្រតីដែលមេឈ្មួញ ឡៅ តុងហាន នាំចូលគ្រឿងសំណង់គេចពន្ធនិងបង់ពន្ធមិនគ្រប់តាមច្រកជ្រៃធំផងដែរ។ ក៏ប៉ុន្តែរហូតមកដល់ពេលនេះលោក អូន ព័ន្ធមុនីរ័ត្ន និងលោក គុណ ញឹម បានរក្សាភាពស្ងៀមស្ងាត់ហើយទុកឲ្យមេឈ្មួញ ឡៅ តុងហាន នាំចូលគ្រឿងសំណង់គេចពន្ធនិងបង់ពន្ធមិនគ្រប់កាន់តែច្រើនឡើងៗ។ ហេតុនេះហើយទើបមានការអំពាវនាវឲ្យលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ បើកការស៊ើបអង្កេតទៅលើរឿងអាស្រូវពុករលួយរវាងសមត្ថកិច្ចនៅច្រកជ្រៃធំ និងមេឈ្មួញ ឡៅ តុងហាន ជាបន្ទាន់ ។បឋម
Recent Comments