ខេត្តកំពង់ឆ្នាំង៖ ប្រជានេសាទក្នុងឃុំជលសារ ស្រុក ជលគីរី ខេត្តកំពង់ឆ្នាំង រាយការណ៍មកថានៅ ក្នុងមូលដ្ឋាន ពួកគាត់ឧបករ ណ៍ នេសាទខុស ច្បាប់ ដូចជាដាក់ស្បៃមុងនិងរបាំង ណររ៉ាវ ក្រឡាញឹករាប់រយ ខ្សែដែលមាន ប្រវែង បណ្ដោយ ពី៣០០ ម៉ែត្រទៅជាង ១០០០ម៉ែត្រ ត្រូវបានក្រុមបក្ខពួកកូនក្មួយ លោកមេផ្នែករដ្ឋបាលជល ផលកំពុងប្រសាទ លោកឃីមឡុង ប្រើប្រាស់ សម្រាប់ចាប់ត្រី យ៉ាងអនាធិបតេយ្យ។ ប្រភពពីអ្នករកស៊ីដាក់របាំង លបតូចតាចបានប្រាប់គេហ ទំព័រកាសែតឲ្យដឹងទៀត ថា មន្ត្រីផ្នែកសង្កាត់រដ្ឋបាល ជលផលក្នុងតំបន់ មិនចាត់វិធានការបង្ក្រាបបទល្មើសនេសាទដែលកំពុងកើតឡើងយ៉ាងពេញបន្ទុកនោះទេ ហើយលោកឃីមឡុង មេផ្នែករដ្ឋបាលជលផលបីរស្រុកសប្បាយប្រមូលលុយពីក្រុមជនល្មើសប្រើឧបករណ៍ខុសច្បាប់ម៉ាសប្បាយ ។បញ្ហានេះជារឿងដែលក្រសួងនិងស្ថាប័នពាក់ព័ន្ធមិនគួរបណ្ដែតបណ្ដោយតទៅទៀតនោះទេ ។ ជាពិសេសលោក អេងជាសានប្រធានរដ្ឋបាលជលផលម៉ាស្រុក ខ្មែរគួរចាត់វិធានការបង្ក្រាបបទល្មើសនេសាទ នៅចំណុច(ព្រែកបឹងលៀច)និង(បឹងតូច)ទល់មុខវត្តកំពង់បាស្រូវរហូតបឹងពាញព្រែកត្រប់ទល់ភ្នំខ្យានិង ភ្នំមាន់ ក្នុងស្រុកជលគីរីខេត្តកំពង់ឆ្នាំង ប្រកបដោយប្រសិទ្ធភាព។
ប្រជានេសាទជាលក្ខណៈគ្រួសារនៅស្រុកជលគីរីនិងស្រុកកំពង់ត្រឡាចរលាប្អៀរខេត្តកំពង់ឆ្នាំងបានរិះគន់ជាបន្តបន្ទាប់ទៅលើមន្ត្រីអាជ្ញាធរខេត្តកំពង់ឆ្នាំង ដែលបណ្ដែតបណ្ដោយឲ្យបទល្មើសនេសាទប្រើឧបករណ៍ខុសច្បាប់កើតឡើងយ៉ាងរាលដាល ហើយមិនចាត់វិធានការបង្ក្រាបប្រកបដោយប្រសិទ្ធភាព។ជាក់ស្ដែងតាំងពីអំឡុងដើមខែវិច្ឆិកា ឆ្នាំ២០១៧ រហូតមកដល់ពេលនេះបទល្មើសនេសាទប្រើឧបករណ៍ខុសច្បាប់នៅក្នុងតំបន់បឹងទន្លេសាបនៃស្រុកជលគីរ និងស្រុកកំពង់ត្រឡាចរលាប្អៀរ ខេត្តកំពង់ឆ្នាំង កើតឡើងយ៉ាងពេញបន្ទុកហើយមិនឃើញលោក អភិបាលខេត្តកំពង់ ឆ្នាំងចាត់វិធានការបង្ក្រាបឡើយ។ហេតុនេះហើយទើបលោកសោមភិរុណ នាយខណ្ឌរដ្ឋបាលជលផលខេត្តកំពង់ ឆ្នាំងនិងមន្ត្រីក្រោមឱវាទឃុបឃិតគ្នាបើកដៃឲ្យមានបទល្មើសកើតឡើងកាន់តែខ្លាំងជាងមុនដើម្បីជាថ្នូរនឹងផលប្រយោជន៍។ពលរដ្ឋរស់នៅស្រុកជលគីរី ខេត្តកំពង់ឆ្នាំងបានឲ្យដឹងថា កន្លងទៅនេះបទល្មើសនេសាទប្រើឧបករណ៍ខុសច្បាប់ក្នុងតំបន់បឹងទន្លេសាបនៃឃុំជលសារ ស្រុកជលគីរី ខេត្តកំពង់ឆ្នាំង កើតឡើងយ៉ាងពេញបន្ទក់គ្មានមន្ត្រីជំនាញ ឬសមត្ថកិច្ចពាក់ព័ន្ធណាចាត់វិធានការទប់ស្កាត់នោះទេ។លោក ឃីមឡុង នាយផ្នែករដ្ឋបាលជលផលកំពង់ប្រសាទត្រូវបានប្រជាពលរដ្ឋរិះគន់ថា ជាអ្នកឃុបឃិតបើកដៃឲ្យបក្ខពួកកូនក្មួយប្រើឧបករណ៍ខុសច្បាប់យ៉ាងពេញបន្ទុកដើម្បីជាថ្នូរនឹងផលប្រយោជន៍។ប្រភពខ្លះបានរាយការណ៍ថាក្នុងរបាំងសាច់អួនក្រឡាញឹក ឬរបាំងស្បៃមុងដាក់បិទព្រែក១កន្លែងត្រូវបង់ឲ្យមន្ត្រីរដ្ឋបាលជលផល រាប់ពាន់ដុល្លា$ដើម្បីចៀសផុតពីការបង្ក្រាប ហើយលោក ឃីមឡុងនិងបក្ខពួកអាចប្រមូលលុយបានយ៉ាងច្រើនធ្វើមានធ្វើបានមិនគិតពីផលវិនាសហិនហោចរបស់ជាតិឡើយ៕មានតភាគ
Recent Comments