ប្រជាពលរដ្ឋក្នុងភូមិស្រែ ឃុំតាស្ដា បានឲ្យដឹងថាឈ្មួញឈ្មោះ លី ម៉េងហាក់ ជីករំលាយភ្នំព្រះស្រែ ដែលមានទីតាំងនៅខាង ក្រោយវត្តស្រែ ឆៀងខាងកើតស្ថិតនៅក្នុង ភូមិស្រែ ឃុំតាស្ដា ស្រុកសំពៅលូន ធ្វើអាជីវកម្មដើម្បីផលប្រយោជន៍ ផ្ទាល់ខ្លួនហើយ មន្ត្រីអាជ្ញា ធរ ឃុំតាស្ដា និងមន្ត្រីអាជ្ញាធរស្រុកសំពៅលូន កំពុងរក្សាភាពស្ងៀមស្ងាត់។ តាមការអះអាងរបស់ប្រជាពលរដ្ឋ បានឲ្យដឹងថា ក្រុម ហ៊ុនឈ្មួញឈ្មោះ លី ម៉េងហាក់ អាចជីករំលាយភ្នំធ្វើអាជីវកម្មដើម្បីប្រយោជន៍ផ្ទាល់ខ្លួន គឺមានការឃុបឃិតជាមួយមន្ត្រីអាជ្ញាធរមូលដ្ឋានថ្នាក់ឃុំ ថ្នាក់ស្រុក ក៏ដូចជាមន្ទីរពាក់ព័ន្ធនិងមន្ត្រីជាន់ខ្ពស់នៅក្នុងខេត្តបាត់ដំបងផងដែរ។ បើមិនដូច្នេះទេមន្ត្រីអាជ្ញាធរថ្នាក់ឃុំ ថ្នាក់ស្រុក និងមន្ទីរពាក់ព័ន្ធ ចាត់វិធានការទប់ស្កាត់មិនឲ្យក្រុមហ៊ុនរបស់ឈ្មួញឈ្មោះ លី ម៉េងហាក់ ធ្វើអ្វីៗស្រេចតែអំពើចិត្តឡើយ។
ប្រភពពីមន្ត្រីអាជ្ញាធរមូលដ្ឋានក្នុងឃុំតាស្ដា ស្រុកសំពៅលូន ខេត្តបាត់ដំបង បានឲ្យដឹងថាក្រុមហ៊ុនទទួលម៉ៅការជីករណ្ដៅដីដឹកអាចម៍ដីសម្រាប់ធ្វើផ្លូវលំឈ្មោះ លី ម៉េងហាក់ កំពុងជីករំលាយភ្នំនៅក្នុងភូមិស្រែ ឃុំតាស្ដា ធ្វើអាជីវកម្មដើម្បីផលប្រយោជន៍ផ្ទាល់ខ្លួនយ៉ាងកំរោលដោយគ្មានញញើតអ្វីទាំងអស់។ បញ្ហានេះប្រជាពលរដ្ឋបានអំពាវនាវឲ្យលោក ងួន រតនៈ អភិបាលខេត្តបាត់ដំបង ក៏ដូចជាប្រធានមន្ទីររ៉ែ និងថាមពលខេត្តបាត់ដំបង ពិនិត្យឡើងវិញជាបន្ទាន់ហើយចាត់វិធានការទប់ស្កាត់កុំឲ្យឈ្មួញឈ្មោះ លី ម៉េងហាក់ ធ្វើអ្វីៗស្រេចតែអំពើចិត្តទៀត។
ប្រជាពលរដ្ឋក្នុងភូមិស្រែ ឃុំតាស្ដា បានឲ្យដឹងថាឈ្មួញឈ្មោះ លី ម៉េងហាក់ ជីករំលាយភ្នំព្រះស្រែ ដែលមានទីតាំងនៅខាងក្រោយវត្តស្រែឆៀងខាងកើតស្ថិតនៅក្នុងភូមិស្រែ ឃុំតាស្ដា ស្រុកសំពៅលូន ធ្វើអាជីវកម្មដើម្បីផលប្រយោជន៍ផ្ទាល់ខ្លួនហើយមន្ត្រីអាជ្ញាធរឃុំតាស្ដា និងមន្ត្រីអាជ្ញាធរស្រុកសំពៅលូន កំពុងរក្សាភាពស្ងៀមស្ងាត់។ តាមការអះអាងរបស់ប្រជាពលរដ្ឋបានឲ្យដឹងថា ក្រុមហ៊ុនឈ្មួញឈ្មោះ លី ម៉េងហាក់ អាចជីករំលាយភ្នំធ្វើអាជីវកម្មដើម្បីប្រយោជន៍ផ្ទាល់ខ្លួន គឺមានការឃុបឃិតជាមួយមន្ត្រីអាជ្ញាធរមូលដ្ឋានថ្នាក់ឃុំ ថ្នាក់ស្រុក ក៏ដូចជាមន្ទីរពាក់ព័ន្ធនិងមន្ត្រីជាន់ខ្ពស់នៅក្នុងខេត្តបាត់ដំបងផងដែរ។ បើមិនដូច្នេះទេមន្ត្រីអាជ្ញាធរថ្នាក់ឃុំ ថ្នាក់ស្រុក និងមន្ទីរពាក់ព័ន្ធ ចាត់វិធានការទប់ស្កាត់មិនឲ្យក្រុមហ៊ុនរបស់ឈ្មួញឈ្មោះ លី ម៉េងហាក់ ធ្វើអ្វីៗស្រេចតែអំពើចិត្ត។
ប្រជាពលរដ្ធបានអំពាវនាវឲ្យលោក ស៊ុយ សែម រដ្ឋមន្ត្រីក្រសួងរ៉ែ និងថាមពល ពិនិត្យមើលសកម្មភាពក្រុមហ៊ុនរបស់ឈ្មួញឈ្មោះ លី ម៉េងហាក់ ដែលជីករំលាយភ្នំព្រះស្រែ ធ្វើអាជីវកម្មដើម្បីផលប្រយោជន៍ផ្ទាល់ខ្លួនផងដែរ ព្រោះសកម្មភាពនេះកំពុងធ្វើឲ្យប៉ះពាល់ដល់បរិស្ថានធម្មជាតិ និងការរស់នៅរបស់ប្រជាពលរដ្ឋក្នុងមូលដ្ឋាន។ ក្នុងនោះប្រធានមន្ទីររ៉ែនិងថាមពលខេត្តបាត់ដំបង ប្រហែលជាទទួលបានផលប្រយោជន៍យ៉ាងច្រើនពីឈ្មួញឈ្មោះ លី ម៉េងហាក់ ទើបបណ្ដោយឲ្យឈ្មួញរូបនេះបំផ្លាញភ្នំព្រះស្រែ ក្នុងឃុំតាស្ដា ស្រុកសំពៅលូន ស្ទើររលាយបាត់រូបរាងទៅហើយ។ លើសនេះទៅទៀតលោក ងួន រតនៈ អភិបាលខេត្តបាត់ដំបង ដែលទើបចូលកាន់តំណែងជំនួសលោក ច័ន្ទ សុផល កាលពីពេលថ្មីៗកន្លងទៅនេះ គួរពិនិត្យមើលភាពអសកម្មនិងអំពើពុករលួយរបស់លោក អ៊ាន មាឃ ប្រធានមន្ទីររ៉ែនិងថាមពលខេត្តបាត់ដំបង ផងដែរដើម្បីកុំឲ្យលោក អ៊ាន មាឃ និងបក្ខពួកឃុបឃិតគ្នាប្រព្រឹត្តអំពើពុករលួយតាមអំពើចិត្ត ៕
Recent Comments