ច្រករបៀងក្នុងភូមិចំការគ ស្រុកស្វាយចេកជាដើម នៅតែដំណើរការយ៉ាងរលូនដដែល។ ជាងនេះទៅទៀតឧត្តមសេនីយ៍ត្រី ឃួន ជឿន មេបញ្ជាការយោធាវរការពារព្រំ ដែនលេខ៥០៣ គឺជាអ្នកឃុបឃិត បើកដៃឲ្យមនុស្សជំនិតរបស់ ខ្លួនប្រព្រឹត្តបទ ល្មើស ឆ្លងដែននាំចូលម៉ូតូគេចពន្ធ រថយន្តចង្កូតស្ដាំ និងឈើគ្រញូង ពីទឹកដីសៀមដោយគ្មាន ខ្លាចក្រែងអ្វីឡើយ។ អ្វីដែលគួរឲ្យកត់ សម្គាល់នោះគឺលោក សួន បវរ អភិបាល ខេត្តបន្ទាយមានជ័យ និងលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ កំពុងរក្សាភាពស្ងៀមស្ងាត់ក្នុងខណៈដែលបទល្មើសឆ្លងដែនតាមច្រករបៀងជាច្រើនកន្លែងនៅក្រុងប៉ោយប៉ែត ស្រុកស្វាយចេក ស្រុកថ្មពួក ស្រុកអូរជ្រៅ និងស្រុកម៉ាឡៃ នៅតែកើតឡើងយ៉ាងអនាធិបតេយ្យដដែល។
មន្ត្រីអាជ្ញាធរនិងប្រជាពលរដ្ឋរស់នៅតាមតំបន់ព្រំដែនខ្មែរ-សៀម នៃស្រុកស្វាយចេក ខេត្តបន្ទាយមានជ័យ បានឲ្យដឹងថាលោកឧត្តមសេនីយ៍ត្រី ឃួន ជឿន មេបញ្ជាការយោធាវរការពារព្រំដែនលេខ៥០៣ គឺជាអ្នកឃុបឃិតឲ្យមន្ត្រីក្រោមឱវាទ២នាក់ប្រព្រឹត្តបទល្មើសឆ្លងដែនស្រេចតែអំពើចិត្ត។ បទល្មើសដែលកំពុងកើតឡើងយ៉ាងរាលដាលមានដូចជា ការនាំចូលម៉ូតូគេចពន្ធ រថយន្តចង្កូតស្ដាំ និងឈើគ្រញូងជាដើមតាមច្រករបៀងចំការគ ភូមិចំការគ ឃុំស្លក្រាម ស្រុកស្វាយចេក ខេត្តបន្ទាយមានជ័យ។ ប្រភពខ្លះបានឲ្យដឹងថា ការដែលឧត្តមសេនីយ៍ត្រី ឃួន ជឿន ហ៊ានធ្វើអ្វីៗស្រេចតែអំពើចិត្តគឺមានការឃុបឃិតបើកដៃពីសំណាក់លោក ប៊ុន សេង មេបញ្ជាការយោធាយោធភូមិភាគ៥ផងដែរ។
មន្ត្រីយោធានៅក្នុងវរការពារព្រំដែនលេខ៥០៣មួយចំនួនបានបង្ហើបឲ្យដឹងថា មនុស្សជំនិតរបស់ឧត្តមសេនីយ៍ត្រី ឃួន ជឿន ២នាក់ដែលកំពុងល្បីល្បាញខាងនាំចូលទំនិញគេចពន្ធ ទំនិញខុសច្បាប់និងឈើគ្រញូងនោះម្នាក់ឈ្មោះ ឆៃ និងម្នាក់ទៀតឈ្មោះ រ៉េត បុគ្គលទាំង២នាក់នេះកំពុងធ្វើអ្វីៗស្រេចតែអំពើចិត្ត។ ប្រភពបានឲ្យដឹងទៀតថា ឈ្មោះ ឆៃ គឺជាអ្នករកស៊ីនាំចូលម៉ូតូគេចពន្ធពីប្រទេសសៀមតាមច្រករបៀងចំការគ ហើយឈ្មោះ រ៉េត គឺជាអ្នកនាំចូលឈើគ្រញូងខុសច្បាប់ពីទឹកដីសៀមតាមច្រករបៀងចំការគដូចគ្នា។ ការដែលឈ្មោះ រ៉េត និងឈ្មោះ ឆៃ ហ៊ានធ្វើអ្វីៗស្រេចតែអំពើចិត្ត ជាពិសេសការនាំចូលម៉ូតូគេចពន្ធ និងឈើគ្រញូងគឺដោយសារអាងមានឧត្តមសេនីយ៍ត្រី ឃួន ជឿន ជាខ្នងបង្អែកដ៏រឹងមាំហើយសូម្បីតែរថយន្តចង្កូតស្ដាំក៏នៅតែមានគេលួចនាំចូលតាមច្រករបៀងចំការគផងដែរ។បឋម
Recent Comments