មន្ត្រីគយនៅក្នុងអគ្គនាយកដ្ឋានគយ និងរដ្ឋាករមួយចំនួនបានឲ្យដឹងថា លោក ទី ប៊ុនឡង់ ប្រធានការិយាល័យគយ និងរដ្ឋាករច្រកទ្វារអន្តរជាតិព្រំ ខេត្តប៉ៃលិនហ៊ាន ប្រព្រឹត្តអំពើពុករលួយ ពីប្រជាពលរដ្ឋតូចតាចយ៉ាងពេញបន្ទុក ។ ផ្ទុយទៅវិញបែរជាលោ ក ទី ប៊ុនឡង់ បានឃុបឃិតបើកដៃ ឲ្យឈ្មួញធំៗនាំទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ចូលតាម ច្រកទ្វារ អន្តរជាតិព្រំ យ៉ាងគគ្រឹកគគ្រេង ដើម្បីជាថ្នូរនឹងផលប្រយោជន៍ ដោយគ្មានញញើតអ្វីទាំងអស់។ ប្រភពខ្លះបានឲ្យដឹងថា លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករ គឺជាអ្នកបើកដៃឲ្យលោក ទី ប៊ុនឡង់ ធ្វើអ្វីៗតាមអំពើចិត្ត ហេតុនេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ គួរចាត់វិធានការទប់ស្កាត់ជាបន្ទាន់។ ករណីឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកទ្វារអន្តរជាតិព្រំ ខេត្តប៉ៃលិន កំពុងធ្វើឲ្យរដ្ឋខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។
ប្រភពពីក្រុមឈ្មួញនិងអាជីវករមួយចំនួនដែលរកស៊ីនាំទំនិញពីប្រទេសសៀមចូលតាមច្រកទ្វារអន្តរជាតិព្រំ ខេត្តប៉ៃលិន បានអំពាវនាវឲ្យលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ ចាត់វិធានការទប់ស្កាត់អំពើពុករលួយរបស់លោក ទី ប៊ុនឡង់ ប្រធានការិយាល័យគយច្រកទ្វារអន្តរជាតិព្រំ ជាបន្ទាន់។ តាមក្រុមឈ្មួញនិងអាជីវករទាំងនោះបានបញ្ជាក់ថាពួកគេកំពុងពិចារណាឈប់នាំចូលទំនិញតាមច្រកទ្វារអន្តរជាតិព្រំ តទៅទៀតព្រោះលោក ទី ប៊ុនឡង់ មេគយយច្រកទ្វារអន្តរជាតិព្រំដែលមានការបើកដៃពីលោក សំ សុវណ្ណារិទ្ធ ប្រធានសាខាគយខេត្តប៉ៃលិន កំពុងគាបយកលុយលើតុក្រោមតុពីពួកគេកាន់តែច្រើនឡើងៗ។ សូម្បីតែពលរដ្ឋដែលរកស៊ីដឹកបន្លែបង្ការនិងផ្លែឈើចូលតាមច្រកទ្វារអន្តរជាតិព្រំ ក៏ត្រូវមន្ត្រីគយប្រចាំច្រកនេះជំរិតយកលុយដែរ ។
ប្រជាពលរដ្ឋដែលប្រមូលផ្តុំគ្នាតវ៉ាបានឲ្យដឹងថាពួកគាត់ដឹកទំនិញក្នុងមួយជើងនៅសល់កម្រៃមិនដល់២០០០០រៀលផងទេ ហើយបែរជាត្រូវមន្ត្រីគយក្រោមការគ្រប់គ្រងរបស់លោក ទី ប៊ុនឡង់ ជំរិតយកលុយពីពួកគាត់ក្នុងមួយម៉ូតូពី១០០០០រៀល ទៅ២០០០០រៀល ដូច្នេះពួកគាត់ មានលុយឯណាសល់ទុកទិញអង្ករច្រកឆ្នាំង។ ពលរដ្ឋបានលើកឡើងថា មេគយច្រកទ្វារអន្តរជាតិព្រំ ខេត្តប៉ៃលិន មុនៗមិនគាបសង្កត់ពួកគាត់ដល់ថ្នាក់ហ្នឹងទេប៉ុន្តែឥឡូវនេះលោក ទី ប៊ុនឡង់ កំពុងពុករលួយដល់ឆ្អឹង។បឋម
Recent Comments