ប្រជាពលរដ្ឋបាននាំគ្នាត្អូញត្អែរថា ពួកគាត់កំពុងលៀនអណ្តាត និងរកស៊ីបានប្រាក់ចំណេញ កាន់តែតិចទៅៗដោយ សារក្រុមហ៊ុន របស់មេឈ្មួញ ជឹម សុខ គាបសង្កត់ជំរិតយកថ្លៃ សោហ៊ុយសេវាកម្មខ្ពស់ ហួសហេតុស្រេចតែ នឹងចិត្តក្នុងការ លក់សត្វគោ ក្របីចេញទៅប្រទេសយួ ន ។ ប្រភពដដែលបានបញ្ជាក់ថា ក្រុមឈ្មួញមានអំណាចនៅតែមានឥទ្ធិពលខ្លាំង ព្រោះមានមន្ត្រីពុករលួយនៅកាងពីក្រោយ ខណៈអ្នករងគ្រោះគឺពលរដ្ឋតូចតាចរកស៊ីបានកម្រៃតិចតួច ហើយត្រូវគេកេងចំណេញពីលើយ៉ាងច្រើន។
ក្រុមហ៊ុនរបស់មេឈ្មួញ ជឹម សុខ នៅតែបន្តគាបសង្កត់លើប្រជាពលរដ្ឋរកស៊ីតូចតាចតាមអំពើចិត្ត។ ជាក់ស្តែងប្រជាពលរដ្ឋជាអ្នករកស៊ីតូចតាចលក់-ទិញសត្វគោក្របី នៅខេត្តព្រៃវែង កំពុងត្រូវបានក្រុមហ៊ុនរបស់ឧកញ៉ា ជឹម សុខ ថាប្រើអំណាចគាបយកលុយ ហើយបញ្ហានេះប្រជាពលរដ្ឋក៏បានបន្ទោសទៅលើស្ថាប័នជំនាញថាជាអ្នកបណ្តែតបណ្តោយឲ្យឈ្មួញមានអំណាចគាបសង្កត់លើប្រជាពលរដ្ឋរកស៊ីធម្មតាតាមអំពើចិត្តដោយគ្មានខ្វល់ខ្វាយពីទុក្ខលំបាករបស់ប្រជាពលរដ្ឋឡើយ។
ប្រភពព័ត៌មានខាងលើបានសង្កត់ធ្ងន់ថា ក្រុមហ៊ុនរបស់មេឈ្មួញ ជឹម សុខ បានយកថ្លៃសោហ៊ុយសេវាកម្មខ្ពស់ហួសហេតុស្រេចតែនឹងចិត្ត ក្នុងការលក់សត្វគោក្របីចេញទៅប្រទេសយួនពោលគឺសត្វគោតូចក្នុង១ក្បាលត្រូវក្រុមហ៊ុនយកលុយ៥ម៉ឺនរៀល សត្វគោធំ១ក្បាលចំនួនពី៨ម៉ឺនរៀលទៅ១០ម៉ឺនរៀល សត្វក្របីតូច១ក្បាលចំនួន៨ម៉ឺនរៀល និងសត្វក្របីធំ១ក្បាលចំនួន១១ម៉ឺនរៀល ខណៈភាស៊ីបេនដែលមានតម្លៃត្រឹម២០០០០រៀល ក៏ត្រូវក្រុមហ៊ុនខាងលើជំរិតយករហូតដល់៥០០០រៀលផងដែរ។
ទន្ទឹមនឹងក្រុមហ៊ុនរបស់មេឈ្មួញ ជឹម សុខ គាបយកលុយហួសប្រមាណនោះប្រជាពលរដ្ឋក៏បានបញ្ជាក់ទៀតថា សព្វថ្ងៃនេះជំនួញតិចតួចរបស់ពួកគាត់បានប្រាក់យកមកផ្គត់ផ្គង់ជីវភាពប្រចាំថ្ងៃកាន់តែតិចទៅៗ ព្រោះត្រូវចំណាយច្រើន។ ជាក់ស្តែងមន្ត្រីជំនាញតាមដងផ្លូវក៏ទារលុយថ្លៃបាយកាហ្វេ គុយទាវអីនោះ ដែលបញ្ហានេះវាបានកាត់បន្ថយប្រាក់ចំណេញរបស់ពួកគាត់យ៉ាងច្រើន។អាជ្ញាធរខេត្តព្រៃវែង ក្រោមការដឹកនាំរបស់លោក ជា សុមេធី ជួយត្រួតពិនិត្យនិងដោះស្រាយជូនប្រជាពលរដ្ឋផង៕
Recent Comments