សកម្មជនព្រៃឈើនិង ប្រជាពលរដ្ឋក្នុងខេត្តមណ្ឌលគិរី បានឲ្យដឹងថាមួយរយៈ កន្លងទៅនេះ ជាពិសេស នៅមុនរដូវបុណ្យភ្ជុំបិណ្ឌ កន្លងមកមេឈ្មួញ សឹង សំអុល បានសម្រុកដឹក ឈើចេញទៅស្រុកយួនតាម ច្រកត្រពាំងស្រែ ស្រុក ស្នួល ខេត្តក្រ ចេះ យ៉ាងគគ្រឹកគ គ្រេងគ្មានញញើតអ្វីទាំងអស់។ នៅតាមដងផ្លូវពីស្រុកកោះញែក ខេត្តមណ្ឌលគិរី រហូតដល់ស្រុក ស្នួល ខេត្ត ក្រចេះ មានសមត្ថកិច្ចនិងមន្ត្រីរដ្ឋបាលព្រៃឈើដាក់ប៉ុស្ដិ៍ត្រួតពិនិត្យជាច្រើនកន្លែង ប៉ុន្តែមេឈ្មួញ សឹង សំអុល នៅតែអាចដឹកជញ្ជូនឈើទៅដល់គោលដៅយ៉ាងរលូន។ សូម្បីតែលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ ព្រមទាំងអគ្គនាយករដ្ឋបាលព្រៃឈើ ក៏រក្សាភាពស្ងៀមស្ងាត់ដែរ ហើយទុកឲ្យមេឈ្មួញ សឹង សំអុល បន្តដឹកជញ្ជូនឈើចេញទៅស្រុកយួនកាន់តែច្រើនជាងមុន។
លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ បានរក្សាភាពស្ងៀមស្ងាត់ក្នុងខណៈដែលមេឈ្មួញ សឹង សំអុល (ឧកញ៉ា សឹង សំអុល) បន្តកាប់ឈើនិងដឹកជញ្ជូនឈើចេញទៅស្រុកយួនយ៉ាងពេញបន្ទុកតាមច្រកព្រំដែនក្នុងស្រុកស្នួល ខេត្តក្រចេះ និងច្រកព្រំដែនក្នុងស្រុកមេមត់ ខេត្តត្បូងឃ្មុំ។ បើតាមការបង្ហើបពីមន្ត្រីរាជការក្នុងក្រសួងកសិកម្ម បានបង្ហាញពីការសង្ស័យថាលោក វេង សាខុន អាចជាប់ពាក់ព័ន្ធផលប្រយោជន៍ជាមួយមេឈ្មួញ សឹង សំអុល ទើបបណ្ដោយឲ្យឈ្មួញរូបនេះបន្តប្រព្រឹត្តបទល្មើសព្រៃឈើយ៉ាងក្រអឺតក្រទម។ ប្រសិនបើលោក វេង សាខុន មិនជាប់ពាក់ពន្ធផលប្រយោជន៍ទេនោះ គឺមេឈ្មួញ សឹង សំអុល អាចត្រូវប្រឈមនឹងការបង្ក្រាបជាយូរមកហើយ មិនមែនគេចផុតពីសំណាញ់ច្បាប់ដូចសព្វថ្ងៃនេះទេ។
រយៈពេលប្រមាណ៣ខែកន្លងទៅនេះមេឈ្មួញ សឹង សំអុល បានកាប់ឈើនិងដឹកជញ្ជូនឈើចេញពីស្រុកកោះញែក ខេត្តមណ្ឌលគិរី ហើយដឹកតាមរថយន្តយីឌុបធំៗរាប់សិបគ្រឿងចេញទៅស្រុកយួនតាមច្រកព្រំដែនក្នុងស្រុកស្នួល ខេត្តក្រចេះ និងស្រុកមេមត់ ខេត្តត្បូងឃ្មុំ។បឋម
Recent Comments