ខេត្តមណ្ឌលគិរី៖ ប្រភពរាយការណ៍ ពីខេត្តមណ្ឌលគិរី និងខេត្តក្រចេះ បានឲ្យដឹងថា មួយរយៈនេះ មេឈ្មួញ សិង្ហ សំអុល បាន ដឹកជញ្ជូនឈើចេញ ទៅស្រុកយួន តាមរថយន្តយីឌុបធំៗ មិនតិចជាង៣០គ្រឿងនោះទេ ។ ហើយការដែលមេ ឈ្មួញ សិង្ហ សំអុល បន្តសកម្មភាព ដឹកជញ្ជូនឈើទៅ ស្រុកយួន គឺមានការឃុបឃិត នឹងបើកដៃ ពីសំណាក់ មន្ត្រីបរិស្ថាន មន្ត្រីរដ្ឋ បាល ព្រៃ ឈើ និងសមត្ថកិច្ចពាក់ ព័ន្ធដទៃទៀត ដែលគិតតែពីរឿងផល ប្រយោជន៍ផ្ទាល់ខ្លួនដាក់ហោ ប៉ៅតែប៉ុណ្ណោះ។ ប្រភពខ្លះ បានឲ្យដឹងថា មន្ត្រីជំនាញ និងសមត្ថកិច្ចពាក់ព័ន្ធ ជាពិសេសមន្ត្រីអាជ្ញាធរ ក្នុងខេត្តមណ្ឌលគិរី និងខេត្តក្រចេះ ក៏អាចទទួលផលប្រយោជន៍ ពីមេឈ្មួញ សិង្ហ សំអុល ជាប្រចាំផងដែរ។ហើយ ទើបបណ្ដោយឲ្យបទល្មើស បន្តរាលដាល យ៉ាងពេញបន្ទុក ហេតុនេះហើយ ទើបគ្មានមន្ត្រីជំនាញ ឬសមត្ថកិច្ចណា ទប់ស្កាត់សកម្មភាព របស់មេឈ្មួញ សិង្ហ សំអុល បែបនេះ?។តាមប្រភព ពីឈ្មួញឈើតូចតាច មួយចំនួន បានឲ្យដឹងថា មេឈ្មួញ សិង្ហ សំអុល ដឹកឈើចេញពីទីតាំងក្រុមហ៊ុន « ម៉ាស្ទ័រ ខេសាន់ » ដែលមានទីតាំង នៅជាប់ដែនអភិរក្សភ្នំព្រេច ស្រុកកោះញែក ខេត្តមណ្ឌលគិរី។ បច្ចុ
ប្បន្នក្នុងបរិវេណ ដីសម្បទានសេដ្ឋកិច្ច របស់ក្រុមហ៊ុន « មាស្ទ័រ ខេសាន់ » ពុំមាននៅសល់ឈើ សម្រាប់កាប់តទៅទៀតទេ ដូច្នេះឈើដែលមេឈ្មួញ សិង្ហ សំអុល កាប់ និងដឹកជញ្ជូនទៅលក់ នៅស្រុកយួននោះ គឺជាឈើដែលកាប់ នៅក្នុងតំបន់ព្រៃអភិរក្សភ្នំព្រេច។ ប្រភពពីមន្ត្រីអាជ្ញាធរមូលដ្ឋាន ក្នុងស្រុកកោះញែក បានបង្ហើបឲ្យដឹងថា ការដែលមេឈ្មួញ សិង្ហ សំអុល អាចកាប់ឈើដឹកចេញពីតំបន់អភិរក្សបានស្រួលៗ គឺត្រូវបង់លុយឲ្យមន្ត្រីបរិស្ថាន ក្នុង១រថយន្ត ៨០០ដុល្លារ?។ការដែលមេឈ្មួញ សិង្ហ សំអុល បន្តសកម្មភាពកាប់ឈើនិងដឹកជញ្ជូនឈើ ចេញទៅស្រុកយួន តាមច្រកព្រំដែនក្នុងស្រុកស្នួល ខេត្តក្រចេះ និងច្រកព្រំដែន ក្នុងស្រុកមេមត់ ខេត្តត្បូងឃ្មុំ គឺជាការបំពាន លើបទបញ្ជា របស់សម្តេចនាយករដ្ឋមន្ត្រី ហ៊ុន សែនមេបក្សប្រជាជនកម្ពុជាផងដែរ។គួររំលឹកផងដែរថាសម្តេចតេជោ ហ៊ុន សែន នាយករដ្ឋមន្ត្រី បានបង្កើត គណៈកម្មការចម្រុះ ដឹកនាំដោយនាយ ឧត្តមសេនីយ៍ សៅ សុខា មេបញ្ជាការរងកង ខេមរភូមិន និងជាមេបញ្ជាការ (P.M) លើផ្ទៃប្រទេស បានចុះបង្ក្រាបបទល្មើស ព្រៃឈើទ្រង់ទ្រាយធំ ជាលើកទី១ នៅខេត្តប៉ែកឥសាន្តនេះ និងបានដកហូតឈើអត់ច្បាប់ រាប់ម៉ឺនម៉ែត្រគូប និងបានកត់ត្រា ឈ្មោះមេឈ្មួញ ដុះស្លែរធំៗ ជាច្រើននាក់ ឲ្យជាប់ក្នុងបញ្ជីខ្មៅ របស់គណ:កម្មការចម្រុះ ក្នុងនោះក៏មានឈ្មោះ លោក សិង្ហ សំអុល ម្នាក់ផងដែរ។កាលពីអំឡុង ឆ្នាំ២០១៦កន្លងទៅ សម្តេចនាយករដ្ឋមន្ត្រី ហ៊ុន សែន បានចេញបទបញ្ជា ឲ្យអាជ្ញាធរ និងសមត្ថកិច្ច ខេត្តត្បូងឃ្មុំ ចាត់វិធានការ ទៅលើមេឈ្មួញ សិង្ហ សំអុល ដែលល្បីខាងដឹកជញ្ជូនឈើចេញទៅស្រុកយួន យ៉ាងពេញបន្ទុក។ ក៏ប៉ុន្តែ មកដល់ពេលនេះ គ្មានមន្ត្រីអាជ្ញាធរ និងសមត្ថកិច្ចណា ហ៊ានប៉ះពាល់ មេឈ្មួញ សិង្ហ សំអុល នៅឡើយទេ។ ហើយឈ្មួញរូបនេះ នៅតែបន្តកាប់ឈើក្នុងតំបន់អភិរក្ស ស្រុកកោះញែក ខេត្តមណ្ឌលគិរី ហើយដឹកជញ្ជូនតាមរថយន្តយីឌុបធំៗ ចេញទៅស្រុកយួន យ៉ាងគគ្រឹកគគ្រេង។ហេតុនេះហើយ កន្លងមកថ្មីៗនេះ បានលិចឮព័ត៌មានមួយ ពីស្រុកស្នួល ខេត្តក្រចេះ បានឲ្យដឹងថា មេឈ្មួញ សិង្ហ សំអុល បានប្រើអំណាច ឥទ្ធិពល ជាឧកញ៉ា ផឹកស៊ីស្រវិង ច្រងេងច្រងាង អួតអាងក្នុងហាង ១កន្លែង នៅស្រុកស្នួល បានជេរប្រមាថ និងគំរាមបាញ់ ដល់អ្នកព័ត៌មានណា ដែលបានចុះផ្សាយពីខ្លួន ដែលកំពុងធ្វើជំនួញឈើឆ្លងដែន ទៅប្រទេសវៀតណាម យ៉ាងធ្ងន់ៗថា ពួកអាកាសែតណា ចង់ផ្សាយអីក៍ផ្សាយទៅ អញមិនខ្វល់ទេ បើនាយករដ្ឋមន្ត្រី ហ៊ុន សែន មិនបញ្ជាឲ្យ នាយឧត្តមសេនីយ សៅ សុខា ចាប់អញ គ្មានអ្នកណា ហ៊ានចាប់ អញទេ។ ហើយបើអ្នកព័ត៌មានណា មិនចេញផ្សាយរឿងអញទើបអញឲ្យលុយវាចាយខ្លះទៅវាចប់ទៅហើយ ។ទោះយ៉ាងណាអង្គភាពយើង មិនអាចស្វែងរកសុំការបំភ្លឺ ពីលោក សិង្ហ សំអុល មេឈ្មួញដ៍ល្បីឈ្មោះ ខាងលើនេះទេ ដោយគ្មានលេខទូរស័ព្ទ។ខណៈមន្រ្តីខិលខូចឃុបឃិតជាមួយឈ្មួញសម្តេចអគ្គមហាសេនាបតីតេជោ ហ៊ុន សែន ក៏ធ្លាប់មានប្រសាសន៍ជាសាធារណៈហើយថា សម្តេចតេជោ ត្រូវការតែមន្ត្រីប្រភេទគ្រាប់ល្ពៅទី៤ ក្រៅពីនេះសម្តេចតេជោ មិនត្រូវការឡើយ ជាពិសេសគឺ មន្ត្រីគ្រាប់ល្ពៅប្រភេទទី១តែម្តង ជាមន្ត្រីដែលអាក្រក់បំផុត បើតាមចិត្តខឹងវិញគួរតែ “សេះ៥បំបែកសាកសព”ទើបត្រូវ ។រាល់ការប្រតិកម្មអង្គភាពយើងរង់ចាំបកស្រាយរាល់ម៉ោងធើ្វការ៕
Recent Comments