សេចក្ដីរាយការណ៍ ពីប្រជាពលរដ្ឋតាមបណ្ដា ឃុំមួយចំនួនក្នុងស្រុកប្រាសាទ សំបូរ បានឲ្យដឹងថា រយៈពេល៣ខែ ចុងក្រោយ នេះបទ ល្មើសដឹកជញ្ជូន ឈើពីស្រុកសណ្ដាន់ ឆ្លងកាត់ស្រុកប្រាសាទសំបូរ កើតឡើងយ៉ាងពេញបន្ទុក ហើយលោក ហាក់ សុធី គិតតែពីរឿង ប្រមូលលុយដាក់ហោប៉ៅ។ មិនតែប៉ុណ្ណោះបទល្មើសឈូសឆាយទន្ទ្រាន កាន់កាប់ដីព្រៃរបស់រដ្ឋក្នុង ស្រុកប្រាសាទសំបូរ ក៏លោក ហាក់ សុធី ធ្វើមិនដឹងមិន ឮដែរទំនងជាលោក ហាក់ សុធី ទទួលបានផលប្រយោជន៍ ពីក្រុមជន ល្មើស។ ហេតុនេះលោក សុខ លូ អភិបាលខេត្តកំពង់ធំ និងលោក តឹប ញាតា នាយខណ្ឌរដ្ឋបាលព្រៃឈើខេត្តកំពង់ធំ មិនគួរទុកឲ្យលោក ហាក់ សុធី នាយសង្កាត់រដ្ឋបាលព្រៃឈើប្រាសាទសំបូរ ប្រព្រឹត្តអំពើពុករលួយយ៉ាងគឃ្លើនតទៅទៀតឡើយ។
ប្រភពពីមន្ត្រីអាជ្ញាធរនិងប្រជាពលរដ្ឋស្រុកប្រាសាទសំបូរ ខេត្តកំពង់ធំ បានឲ្យដឹងថាលោក ហាក់ សុធី នាយសង្កាត់រដ្ឋបាលព្រៃឈើប្រាសាទសំបូរ មិនចាត់វិធានការបង្ក្រាបបទល្មើសកាប់ឈើនិងដឹកជញ្ជូនឈើខុសច្បាប់ដែលកើតឡើងយ៉ាងអនាធិបតេយ្យនោះទេ។ ជាក់ស្ដែងនៅក្នុងស្រុកប្រាសាទសំបូរ បច្ចុប្បន្នមានឈ្មួញដឹកជញ្ជូនឈើឆ្លងកាត់យ៉ាងពេញបន្ទុក ហើយលោក ហាក់ សុធី មិនចាត់វិធានការបង្ក្រាបឡើយគឺគិតតែពីរឿងប្រមូលលុយពីបទល្មើសព្រៃឈើយកទៅធ្វើមានធ្វើបានផ្ទាល់ខ្លួន ។
មន្ត្រីអាជ្ញាធរមូលដ្ឋានបានលើកឡើងថា កន្លងមកបទល្មើសឈូសឆាយទន្ទ្រានកាន់កាប់ដីព្រៃរបស់រដ្ឋបានកើតឡើងយ៉ាងរាលដាលនៅក្នុងស្រុកប្រាសាទសំបូរ ហើយមិនដែលឃើញលោក ហាក់ សុធី បង្ក្រាបបទល្មើសតាមតួនាទីរបស់ខ្លួននោះទេ។ មិនតែប៉ុណ្ណោះលោក ហាក់ សុធី ហ៊ានប្រឆាំងនឹងបទបញ្ជារបស់អភិបាលស្រុកប្រាសាទសំបូរយ៉ាងគឃ្លើន ដោយសារតែអាងមានខ្នងបង្អែករឹងមាំចាំជួយការពារ។ ប្រការនេះលោក តឹប ញាតា នាយខណ្ឌរដ្ឋបាលព្រៃឈើខេត្តកំពង់ធំ គួរពិនិត្យឡើងវិញខ្លះផង ព្រោះលោក ហាក់ សុធី នាយសង្កាត់រដ្ឋបាលព្រៃឈើប្រាសាទសំបូរ កំពុងល្បីយ៉ាងខ្លាំងខាងប្រមូលលុយពីបទល្មើសព្រៃឈើ៕
Recent Comments