មន្ត្រីនៅច្រកទ្វារអន្តរជាតិ ប៉ោយប៉ែត មួយចំនួន បានរិះគន់ថារហូតមកដល់ ពេលនេះគ្រឿងឧបភោគ បរិភោគ និងចំណី អាហារមាន ផ្ទុកសារធាតុគីមីឬ ខូចគុណភាព នៅតែត្រូវឈ្មួញនាំចូ លយ៉ាងរលូនតាមច្រកទ្វារ អន្តរជាតិប៉ោយប៉ែត។ ការដែល ឈ្មួញខិលខូចទាំង នោះហ៊ានធ្វើអ្វីៗតាមអំពើចិត្ត ហើយគេចផុតពីការបង្ក្រាប គឺមានការឃុបឃិត បើកដៃពីសំណាក់លោក ហុង លៀង និងបក្ខពួកដែលពុករលួយគិតតែរឿងប្រមូលលុយដាក់ហោប៉ៅ។ ផ្ទុយទៅវិញជាញឹកញាប់មន្ត្រីសាខា កាំកុងត្រូលខេត្តបន្ទាយ មានជ័យ តែងតែចុះត្រួតពិនិត្យ គុណភាពទំនិញនៅលើទីផ្សារ ហើយរឹបអូស ទំនិញខូច គុណភាពឬគ្រឿងឧបភោគបរិភោគមានផ្ទុកសារធាតុគីមីយកទៅកម្ទេចចោលដើម្បីបង្ហាញស្នាដៃ។ ចំណែកលោក ហុង លៀង និងបក្ខពួកដែលប្រព្រឹត្តអំពើពុករលួយយ៉ាងពេញបន្ទុក មិនទាន់ឃើញលោក ម៉ក់ ពេជ្ជរិទ្ធ អគ្គនាយកនៃអគ្គនាយកដ្ឋានកាំកុងត្រូល និងថ្នាក់ដឹកនាំក្រសួងពាណិជ្ជកម្មគួរចាត់វិធានការតាមច្បាប់?។
ប្រភពពីប្រជាពលរដ្ឋរស់នៅតាមតំបន់ព្រំដែនក្នុងក្រុងប៉ោយប៉ែត ខេត្តបន្ទាយមានជ័យ បានឲ្យដឹងថាលោក ហុង លៀង អនុប្រធានសាខាកាំកុងត្រូលខេត្តបន្ទាយមានជ័យ និងមន្ត្រីក្រោមឱវាទគឺជាអ្នកឃុបឃិតឲ្យឈ្មួញនាំចូលសាច់មាន់ ឆ្អឹងមាន់ និងប្រហិតខូចគុណភាពពីប្រទេសសៀមចូលស្រុកខ្មែរតាមច្រកទ្វារអន្តរជាតិប៉ោយប៉ែត យ៉ាងពេញបន្ទុក។ គ្រឿងឧបភោគបរិភោគដែលខូចគុណភាពនិងមានផ្ទុកសារធាតុគីមីត្រូវបានគេយកទៅលក់ចែកចាយលើទីផ្សារក្នុងខេត្តបន្ទាយមានជ័យ និងទីផ្សារនៃបណ្ដាខេត្តនានាយ៉ាងពេញបន្ទុកតែម្តង។ ហេតុនេះលោក ម៉ក់ ពេជ្ជរិទ្ធ អគ្គនាយកនៃអគ្គនាយកដ្ឋានកាំកុងត្រូល គួរពិនិត្យឡើងវិញជាបន្ទាន់ចំពោះទង្វើមិនប្រក្រតីនិងអំពើពុករលួយរបស់លោក ហុង លៀង អនុប្រធានសាខាកាំកុងត្រូលខេត្តបន្ទាយមានជ័យ ដែលធ្វើអ្វីៗតាមអំពើចិត្ត។
ប្រភពខ្លះបានឲ្យដឹងថា ឈ្មួញធំៗមួយចំនួនដែលនាំចូលប្រភេទទំនិញដូចខាងលើ គឺមានការឃុបឃិតពីសំណាក់លោក ហុង លៀង និងបក្ខពួកទើបអាចឆ្លងផុតពីច្រកទ្វារព្រំដែនចូលមកដល់ទីផ្សារ។ ចំណែកពលរដ្ឋឬកម្មករអូសរទេះដែលលួចបង្កប់សាច់មាន់ ស្លាបមាន់ ជង្គង់មាន់ និងប្រហិតជាដើម តែងត្រូវលោក ហុង លៀង និងបក្ខពួកចាត់វិធានការបង្ក្រាបយកស្នាដៃ ។ និយាយឲ្យងាយស្ដាប់ គឺលោក ហុង លៀង បង្ក្រាបតែអ្នកអូសរទេះដឹកជញ្ជូនទំនិញដូចខាងលើដែលមិនបង់លុយប៉ុណ្ណោះ សម្រាប់អ្នកដែលបង់លុយតាមការកំណត់គឺតែងចៀសផុតពីការបង្ក្រាបរហូត៕
Recent Comments