ឈ្មួញឈ្មោះ ចែ ដែត គឺជាឈ្មួញដែល ហ៊ានចំណាយប្រាក់សូកប៉ាន់ សមត្ថកិច្ចគយនិងកាំកុងត្រូល នៅច្រកដា ស្រុក មេមត់ ខេត្ត ត្បូងឃ្មុំ ព្រមទាំងសមត្ថកិច្ចពាក់ព័ន្ធ មួយចំនួនទៀតក្នុងខេត្តត្បូងឃ្មុំ ដើម្បីសម្របសស្រួលនាំ ចូលប្រភេទ ទំនិញខុសច្បាប់ ខាងលើនេះ ។ ប្រជាពលរដ្ឋស្រុកមេមត់ បានបញ្ជាក់ថាពួកឈ្មួញដែលដឹកជញ្ជូនប្រេងឆា និងមីខ្លាឃ្មុំ ក្រហមដោយ គ្មានបិទបាំងអ្វីទាំងអ ស់ឆ្លងកាត់ខេត្តត្បូងឃ្មុំ សំដៅចូលរាជធានីភ្នំពេញ យ៉ាងរលូន។
ប្រជាពលរដ្ឋស្រុកមេមត់ ខេត្តត្បូងឃ្មុំ បានរាយការណ៍មកថា សមត្ថកិច្ចគយនិងកាំកុងត្រូលប្រចាំការនៅច្រកដា ស្រុកមេមត់ ខេត្តត្បូងឃ្មុំ នៅតែប្រព្រឹត្តអំពើពុករលួយដែលអំពើពុករលួយរបស់ពួកគេបានផលប្រយោជន៍តែទៅលើឈ្មួញនិងបក្ខពួកខ្លួនប៉ុណ្ណោះ ខណៈប្រជាពលរដ្ឋនិងប្រទេសជាតិកំពុងតែរងផលប៉ះពាល់ទាំផ្នែកសុខភាពសាធារណៈ និងថវិកាជាតិដែលគ្មានការបង់ពន្ធត្រឹមត្រូវជាដើម។
ជាក់ស្តែងសព្វថ្ងៃនេះ មន្ត្រីគយ និងមន្ត្រីកាំកុងត្រូលប្រចាំការនៅច្រកដា ស្រុកមេមត់ ខេត្តត្បូងឃ្មុំ មិនត្រឹមតែប្រព្រឹត្តអំពើពុករលួយនោះទេ តែក៏ស្ថិតនៅពីក្រោយករណីនាំចូលទំនិញខុសច្បាប់និងទំនិញខូចគុណភាពដែលច្បាប់កម្ពុជាហាមឃាត់ ព្រោះវាប៉ះពាល់ដល់សុខភាពប្រជាពលរដ្ឋ។ ប្រជាពលរដ្ឋស្រុកមេមត់ បានបញ្ជាក់ថា ប្រេងឆា និងមីខ្លាឃ្មុំក្រហមដែលជាមុខទំនិញខុសច្បាប់នោះ កំពុងតែត្រូវឈ្មួញនាំចូលពីប្រទេសយួនមកកម្ពុជាតាមខេត្តត្បូងឃ្មុំដោយមានមន្ត្រីគយនិងកាំកុងត្រូលឃុបឃិតកាងឲ្យឈ្មួញខុសច្បាប់យ៉ាងគឃ្លើន។
បញ្ជាក់ថាច្បាប់ប្រទេសកម្ពុជាមិនអនុញ្ញាតឲ្យមានការនាំចូលផលិតផលទាំងពីរមុខខាងលើនេះចូលក្នុងប្រទេសកម្ពុជានោះទេព្រោះវាបង្កផលប៉ះពាល់ច្រើន ហើយច្បាប់ក៏តម្រូវឲ្យសមត្ថកិច្ចគ្រប់ផ្នែករួមទាំងអាជ្ញាធរខេត្តសហការគ្នាទប់ស្កាត់ការនាំចូលផងដែរ។ តែភាពជាក់ស្តែងទំនិញខុសច្បាប់ទាំងពីរប្រភេទនិងទំនិញខុសច្បាប់ផ្សេងៗទៀត ពិសេសទំនិញគេចពន្ធនិងទំនិញបង់ពន្ធមិនគ្រប់ឈ្មួញនៅតែអាចនាំចូលយកមកចរាចរណ៍លក់ពេញទីផ្សារប្រទេសកម្ពុជាដដែល៕
Recent Comments