ប្រភព បានឲ្យដឹងថា ជារៀងរាល់ថ្ងៃ ក្រុមអ្នករកស៊ី បានដឹក បន្លែ ផ្លែឈើ សត្វជ្រូករស់ និងទំនិញ ជាច្រើនប្រភេទ តាមរថយន្តកូរ៉េ ប្រភេទយីឌុប និងរថយន្ត សាំយ៉ុង រឺម៉ក ក្នុងមួយថ្ងៃៗ រាប់សិបគ្រឿង បានដឹកទាំងយប់ទាំងថ្ងៃ មិនដែលឃើញ សមត្ថកិច្ច ឬមន្ត្រីជំនាញប្រចាំច្រក នោះ ឆែកឆេរ ឬពិនិត្យឡើយ ដោយគ្រាន់តែតម្រូវ ឲ្យអាជីវករដើរ ចូលទៅបង់លុយគ្រប់ កន្លែង ស្នាក់ការ របស់ពួកគេ និងមិនដែលចេញ លិខិតស្នាមអ្វីនោះទេ? ។
ក្រុមឈ្មួញបាន ឲ្យដឹងថា លោក ចាន់ រតនា ប្រធានច្រកទ្វេភាគី ម៉ឺនជ័យ និងលោក គង់ សឺឌី ជាមេគយ ច្រកម៉ឺនជ័យ ស្ថិតក្នុង ស្រុកកំចាយមារ ខេត្តព្រៃវែង បានឃុបឃិតគ្នា ឲ្យក្រុមអ្នករកស៊ី ដឹកទំនិញទាំងស្របច្បាប់ និងខុសច្បាប់ បង់ លុយ តាមរបៀប ពុករលួយ ដោយមិនពិនិត្យ លើការនាំចូលទំនិញ និងមិនចេញលិខិតស្នាម អ្វីទាំងអស់នោះ ទេអោយតែ បាន លុយ ដាក់ហោប៉ៅ ធ្វើឲ្យអ្នករកស៊ី ដឹកទំនិញ ប្រតិកម្ម និងបង្ហាញ ភាពក្តៅក្រហាយ យ៉ាងខ្លាំងពីមួយថ្ងៃទៅមូយថ្ងៃ។
ឈ្មួញមួយចំនួនបានអះអាងថា ខ្លួនបានទិញបន្លែ ពីវៀតណាម ដឹកតាមរថយន្តកូរ៉េ ប្រភេទ ២.៥ តោន ចូលតាមច្រកម៉ឺនជ័យ ត្រូវបានមន្ត្រីប្រចាំការ នៅច្រកនេះ ទាំង ៤ស្ថាប័ន កំណត់ឲ្យបង់លុយអស់ ៣០០០០០ទៅ៣៥០០០០រៀល សម្រាប់បន្លែ កន្លះរថយន្ត តែបើពេញរថយន្ត ត្រូវបង់ចាប់ពី ៤០០០០០រៀលទៅ ៥៥០០០០រៀល ហើយរាល់ការ បង់លុយ គ្រប់កន្លែង ទាំងអស់ មិនដែលមាន ក្រដាសស្នាម បង់ពន្ធ អ្វីឡើយ គឺក្រុមមន្ត្រី ឃុបឃិតគ្នា ប្រមូលលុយ តាមបែបពុករលួយ ជាប្រព័ន្ធ?។
សម្រាប់រថយន្ត សាំយ៉ុង ដឹកបន្លែ ឆ្លងកាត់ច្រកនោះ ក្នុងមួយជើង បង់ចាប់ពី ២០០ ០០០រៀលទៅ ៣០០ ០០០រៀល តែបើរ៉ឺម៉ក បង់ចាប់ពី ១០០ ០០០រៀលទៅ ២០០ ០០០រៀល។ រាល់ការបង់លុយទាំងនោះ គេតម្រូវឲ្យដើរបង់ តាមស្ថាប័ន មន្ត្រីប្រចាំការទីនោះ មានដូចជា គយ ស្នាក់ការ កាំកុងត្រូល និងប៉ុស្តិ៍ ការពារព្រំដែន។ ពតិ័មានខាងលើមិនអាចសុំការពន្យល់ បានទេព្រោះគ្មានលេខទូរសព្វ័៕
Recent Comments