ខេត្តមណ្ឌលគិរី ៖ ប្រជាពលរដ្ឋរាយការណ៍មក ថាសមត្ថកិច្ចខេត្តមណ្ឌលគិរី មានឈ្មួញវៀតណាមបាន បើកត្រាក់ទ័រលួច ចូលមក កាប់ឈើក្នុងខេត្តម ណ្ឌលគីរីហើយត្រូវចាប់ដកហូត ចំនួន៧គ្រឿងបែរជាត្រូវបាន គេយកទៅប្រើប្រាស់ លក្ខណៈឯកជន ចង់ស៊ីដាច់ទៅវិញ។ ប្រភពពីនគរបាលខេត្តមណ្ឌលគិរី បានបង្ហើបឲ្យដឹងថា ត្រាក់ទ័រចំនួន៧គ្រឿងរបស់ជនជាតិយួន ដែលឆ្លងដែនចូលមកកាប់ឈើក្នុងដីខ្មែរខុសច្បាប់ នៅឃុំប៊ូស្រា ស្រុកពេជ្រាដា ត្រូវបានការិយាល័យប្រឆាំងបទល្មើសសេដ្ឋកិច្ច ឃាត់ចាប់យកមករក្សាទុកនៅស្នងការដ្ឋានខេត្តក្នុងកាលពី ឆ្នាំ២០១៥នោះ ឥឡូវត្រូវបានថ្នាក់ដឹកនាំនគរបាលខេត្ត នាំគ្នាយកចែកគ្នាប្រើអស់ហើយ។
ការបែកធ្លាយពតិមាននេះគឺកើតឡើងពេលដែលលោកតូចយ៉ុនត្រូវបានថ្នាក់លើដកចេញហើយដាក់លោកឧត្តមសេនីយ៍អ៊ុក សំណាងជាស្នងការនគរបាលខេត្តមណ្ឌលគីរីជំនួសវិញ។
ក្រោយពីរឿងរ៉ាវពុករលួយមួយនេះបានផ្ទុះឡើងលោក ស្វាយ សំអ៊ាង អភិបាលខេត្តមណ្ឌលគិរី ក៏បានស្នើឲ្យព្រះរាជអាជ្ញា លោកស្នងការខេត្តមណ្ឌលគិរីថ្មី អ៊ុក សំណាង និងលោក ប៉ែន ផល្លី នាយការិយាល័យប្រឆាំងបទល្មើសសេដ្ឋកិច្ច ធ្វើការស៊ើបអង្កេត និងស្រាវជ្រាវប្រមូលវត្ថុតាងល្មើសច្បាប់ យកមករក្សាទុកនៅស្នងការវិញ ឲ្យខាងតែបាន ដើម្បីចាត់ការតាមនីតិវិធីតាមផ្លូវច្បាប់។ប៉ុន្តែអ្វីដែលហួសចិត្ត លោក ប៉ែន ផល្លីនាយការិយាល័យប្រឆាំងបទល្មើសសេដ្ឋកិច្ច កាលពីថ្ងៃទី៧ ខែសីហា ឆ្នាំ២០១៧ បានប្រាប់កាសែតថា រឿងត្រាក់ទ័រ៧គ្រឿងនេះ មិនមែនមន្ត្រីនគរបាល យកទទេៗនោះឡើយ គឺគេខ្ចីប្រើ?។ មន្ត្រីនគរបាលដែលខ្ចីត្រាក់ទ័រយកទៅប្រើនោះមានឈ្មោះ លោក អន ប៊ុន្នីរឹទ្ធ ស្នងការរងខេត្តមណ្ឌល ខ្ចីត្រាក់ទ័រចំនួន១គ្រឿង លោកវរសេនីទោ អ៊ូច វុធ អនុប្រធានការិយាល័យកណ្តាលភស្តុភា និងហិរញ្ញវត្ថុខេត្ត ខ្ចីត្រាក់ទ័រចំនួន១គ្រឿង លោក អ៊ិន ហេង ប្រធានការិយាល័យអន្តោប្រវេសន៍ខេត្ត ខ្ចីត្រាក់ទ័រចំនួន១គ្រឿង លោកវរសេនីយ៍ត្រី ឡេង ផលខ្ចីត្រាក់ទ័រ១គ្រឿង។ឯត្រាក់ទ័រចំនួន៣គ្រឿងទៀត លោកប្រធានលោកប្រធានការិយាល័យប្រឆាំង បទល្មើសសេដ្ឋកិច្ចខេត្ត ហាក់បីដូចជាមិនហ៊ានទម្លាយប្រាប់ឈ្មោះនោះឡើយដែលគេជឿថាប្រាកដជាបក្ខពួកលោកលោក ប៉ែន ផល្លីនាយការិយាល័យប្រឆាំងបទល្មើសសេដ្ឋកិច្ច ។រឿងយកភស្តុតាងបទល្មើសទៅប្រើប្រាស់ជាលក្ខណៈឯកជននេះដោយមិនការឯកភាពពីតុលាការនេះគឺជាអំពើល្មើសច្បាប់។សូមបញ្ជាក់ថា រឿងរ៉ាវសមត្ថកិច្ចខេត្តមណ្ឌលគិរីឃុបឃិតបើកដៃឲ្យឈ្មួញវៀតណាមចូលមកកាប់ឈើខ្មែរនៅតំបន់អូរហ៊ុចមិនទាន់ត្រូវបានវែកមុខយកមកផ្ទន្ទាទោសបាននៅឡើយទេបើទោះបីជាសំណុំរឿងរសើបមួយនេះត្រូវបានបញ្ជូនឲ្យតុលាការាជធានីភ្នំពេញចាត់ការក៏ដោយ ។ស្រាប់តែឥឡូវនេះបែកធ្លាយរឿងថ្មីមួយចែកត្រាក់ទ័រស៊ីដាច់៕
Recent Comments