ខេត្តកំពង់ឆ្នាំង៖ប្រភព​​បែកធ្លាយមួយ​ត្រូវបានគេទម្លាយឲ្យដឹង​ថា កាលពីម្សិលមិញ ថ្ងៃទី១៩ខែមិថុនា ឆ្នាំ២០១៧ ​មានរថយន្តដឹក​ឈើខ្នាតធំ១គ្រឿង បានដឹកចេញពីខេត្តពោធិ​សាត់ ទៅកាន់ភ្នំពេញ ដោយបា​នឆ្លង​កាត់សង្កាត់​រដ្ឋបាលព្រៃឈើ ឃុំត្រពាំងចាន់ ពេលចូលមកដល់ទឹកដីខេត្តកំពង់ឆ្នាំង មា​នករណីចចារគ្នា​ជាមួយម​ន្ត្រី រដ្ឋបាលព្រៃឈើម្នាក់មានឈ្មោះ ឌី​នត្រូវជាប្អូនប្រុសបង្កើតរបស់ ​លោកនាយខណ័្ឌ ​ជាថ្នូរ និងទឹកប្រាក់៣៥០០ ដុល្លារ ទើបអនុញ្ញាតឲ្យបន្តដំណើ​រទៅមុខទៀ​ត ការចចារនេះ ​មានសភា​ពស្ងាត់បានល្អ ហើយរថយន្តបានបន្តដំណើរទៅមុខបានដោយរលូ​ន ។ប្រភពបន្ថែមថា ឈ្មោះ ឌីន ជាប្អូនប្រុសបង្កើតរបស់ ​លោក ថោង រ៉ាវីរ៉ាវុឌ្ឃី ជានាយខ័ណ្ឌ​រដ្ឋបាលព្រៃឈើខេត្តកំពង់ឆ្នាំង ។បើយោងតាមរបាយការណ៍ មួយចំនួនដែលគេបានទម្លាយ ​ឲ្យកាសែត«ចលនាសង្គម»​ដឹងថា មានក្រដាស វេលុយ តាមប្រព័ន្ធវីង(wing) ចំនួន៤ សន្លឹក​ ក្រុមឈ្មួញដឹកឈើបានវេលុយក្នុងថ្ងៃតែមួយ គឺនៅថ្ងៃទី១៩ខែមិថុនា ឲ្យទៅខាងមន្ត្រីរដ្ឋបាល​ព្រៃ​ឈើខេត្តកំពង់ឆ្នាំង លើកទី១ ចំនួន ៤.០០០.០០០ រៀល (បួនលានរៀល) លើកទី២ចំនួន​ ៤.០០០.០០០ រៀល (បួនលានរៀល) លើកទី៣ចំនួន ១០០០ដុល្លារ​ និងលើកទី៤ ចំនួន ៥០​០ ដុល្លារ បើគិតដុល្លារទាំង៤លើក គឺមានចំនួនទឹកប្រាក់ (៣៥០០ដុល្លារ)។ករណីវេលុយ ជូនដ​ល់មន្ត្រីរដ្ឋបាលព្រៃឈើ ខេត្តកំព​ង់ឆ្នាំងនេះ គឺមានលេខទូរស័ព្ទអ្នកផ្ញើនិងអ្នកទទួលត្រឹមត្រូវ។​ករណីខាងលើនេះ អភិបាលនៃគណ:អភិបាលខេត្តកំពង់ឆ្នាំង និង លោក ងិន ហ៊ុន ប្រធាន​មន្ទីរកសិ​កម្មខេត្ត គួរតែធ្វើការស្រាវជ្រាវ ស្វែងរកការពិតតើមន្ត្រីរដ្ឋបាលព្រៃឈើម្នាក់ណាដែ​លបានធ្វើខុសច្បាប់ដូច្នេះ?។ហើយប្រសិនជារកឃើញ ដូចសេ​ចក្តីរាយការណ៍ខាងលើនេះ ​តើគួរមានវិធានការបែបណា?។លើមន្ត្រីដែលបានប្រព្រឹត្តអំពើពុករលួយ ឃុបឃិតគ្នា មិនបង្ក្រា​បបទល្មើស ដោះលែងរថយន្តដឹក​ឈើជាថ្នូរនិងទឹកប្រាក់៣៥០០ដុល្លារ ស្ងាត់ៗ ។«ចលនាស​ង្គម»និងបញ្ជូនក្រដាសវេលុយ ទាំង៤សន្លឹក របស់ក្រុមឈ្មួញឈើ ដែលបានផ្តល់ឲ្យខាងមន្ត្រី​រដ្ឋបាល​ព្រៃឈើ ជូន អភិបាលខេត្ត និងប្រធានមន្ទីរ កសិកម្ម ដើម្បីធ្វើការស្រាវជ្រាវ។សូមអ​ធ្យាស្រ័យចំពោះអ្នកតាមដានព័ត៌មាននេះ ដែលមិនបានបង្ហោះ ក្រដាស់ វេលុ​យ ទាំង៤សន្លឹក​នោះ គឺសម្រាប់អាជ្ញាធរខេត្តធ្វើការស្រាវជ្រាវ ។«ចលនាសង្គម»មិនអាចទំនាក់ទំនងសុំការបំភ្លឺ​ណាមួយបានឡើយ ពីលោក ថោង​ រ៉ាវីរ៉ាវុឌ្ឃី ជានាយខ័ណ្ឌរដ្ឋបាលព្រៃឈើខេត្តកំពង់ឆ្នាំង នៅ​ថ្ងៃនេះ ដោយមិនមានលេខទូរស័ព្ទ។រង់ចាំបកស្រាយរាល់ម៉ោង​​ធើ្វការដើម្បីពត៌មានកាន់តែសុក្រិត្យ៕ដោយចលនាស​ង្គម