ខេត្តសៀមរាប៖ហេតុ​អ្វី​បានជា​គ្រឿងញៀន​ និង​ល្បែង​​ស៊ី​​​សង ​នៅ​តែ​មានស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀបរាប ខេត្តសៀមរាប? ។នេះ​​ជា​សំណួរ​ ដែល​ប្រជាពលរដ្ឋ​រស់នៅ​ភូមិចុងកៅស៊ូ សង្កាត់ស្លក្រាម ក្រុងសៀមរាប ​ខេត្តសៀមរាប។ការលើកឡើងពីចម្ងល់​បែបនេះខណៈល្បែងស៊ីសង បៀ អាប៉ោងដ៍ធំ ឈ្មោះ ( ភា ) ដែលកើតមានជាយូរឆ្នាំមកហើយ បើកល្បែងស៊ីសង​គ្រប់ប្រភេទលេងឡើងកក្រើកស្នងការនិងចៅហ្វាយខេត្តសៀមរាប។ជាងនេះ​ទៅទៀតនោះប្រភពបានខ្សឹបថាអា​ចនឹងមានលក់និ​ងចែកគ្រឿងញៀនផងដែរ។តើ​ហេតុ​​អ្វី​បានជា​ការ​បង្ក្រាប​ការ​ជួញដូរ ​និង​ប្រើប្រាស់​គ្រឿងញៀន​ និង​ល្បែង​ស៊ី​សង​ស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀបរាប ខេត្តសៀមរាបមិន​អស់ពីមូលដ្ឋានសោះ​​ឡើយ។មតិមហាជនជាច្រើន បានលើកឡើងថា ដោយឥទ្ធិពល ទឹកប្រាក់ នឹងក្នុងការប៉ិនប្រសព្វ ខាងជំនាញរត់ការ របស់មេល្បែង ឈ្មោះ ( ភា ) គេសង្កេតឃើញ ក្រោយពី​សមត្ថកិច្ចបង្ក្រាប ក៍មានការផ្អាក ដំណើរការ តែទៅសម្ងំបើក នៅភូមិមណ្ឌល៣បន្ត បច្ចុប្បន្ន មេល្បែងរូបនេះ បានមកបើកនៅ ទីតាំងចាស់វិញយ៉ាងរលូន។ មហាជន​បានដាក់ការសង្ស័យថា ប្រហែលជាមេល្បែងរូបនេះ រត់ការរៀបចំ ជូនសមត្ថកិច្ចពាក់ព័ន្ធ ពីថ្នាក់សង្កាត់ ដល់ថ្នាក់ក្រុង នឹងថ្នាក់ខេត្តអស់ហើយ ទើបមេល្បែងរូបនេះ បើកល្បែង​ស៊ីសង បៀ អាប៉ោង នៅចំណុចភូមិ សង្កាត់ខាងលើ ពេញបន្ទុក សង្ស័យលោក ស្នងការនគរបាល ខេត្តសៀមរាប ទើបឡើងថ្មី ក៍អាចពាក់ពន្ធផងដែរ ។បានជាគ្មានវិធានកា​បង្ក្រាបបែបនេះ។តាមប្រភព ពីក្រុមអ្នកញៀនល្បែង មួយចំនួន បានឲ្យដឹងថា សព្វថ្ងៃឈ្មោះ ភា បានបង្កើតសាខាបីថែមទៀត ១.នៅតារាំងបាល់ក្រោយផ្សារ​លើ ២.នៅភូមិគោគច័ន្ទ ផ្ទះឈ្មោះ ម៉ឹង ៣.នៅភូមិមណ្ឌលបី តែពួកគេ បាននាំគ្នាមកលេង កន្លែងចាស់ដែលបើកធំជាងគេ នៅផ្ទះឈ្មោះ ភា ស្ថិតនៅភូ​មិចុងកៅស៊ូ សង្កាត់ស្លក្រាម ក្រុង/ខេត្តសៀមរាបនេះ ដោយម្ចាស់ផ្ទះបើកល្បែង ឈ្មោះ ភា បានប្រាប់ ពួកគេថា មកលេងនៅទីនេះ មិនចាំបាច់ខ្លាចទេ រូបគេបានរត់ការទំនា​ក់ទំនង ដលអធិការក្រុង និងស្នងការ នឹងខេត្ត រួចអស់ហើយ? ។សូម្បីអាចក់ អាចែម ខាងក្រោមៗ ក៍រៀបចំសែន ឲ្យរួចរាល់ដែរ? មិនចាំបាច់ខ្លាចទេ ឲ្យតែមានលុយ អាចប្រើ​ខ្មោច កិនម្សៅក៍បាន ។មជ្ឈដ្ឋាននានា ព្រមទាំងមន្ត្រីរាជការមួយចំនួន បានលើកឡើងនឹងរិះគន់ថា ប្រហែល ការអួតអាង របស់មេល្បែងខាងលើ វាជារឿងពិតមែនដែលថារៀបចំពីក្រោ​មដល់លើ បានជា លោក ស្នងការនគរបាល ខេត្តសៀមរាប ទើបឡើងថ្មី មិនបង្ក្រាបយកស្នាដៃ បង្ហាញថ្នាក់លើ បែជាសម្ងំឈឹង!។ រីឯលោក ឃឹម ប៊ុនសុង អភិបាលខេត្ត ក្នុង​នាម ជាគណៈបញ្ជាការ ឯកភាពខេត្ត ក្នុងការបង្ក្រាបបទល្មើ បែរជាបណ្ដោយឲ្យកើតមាន ល្បែងស៊ីសង គ្រប់ប្រភេទ នៅក្នុងទឹកដីខេត្តសៀមរាប កើតមានរីកដូចផ្សិត ផ្គើនទៅនឹង​បទបញ្ជា របស់សម្ដេច ក្រឡាហោម ស ខេង រដ្ឋមន្ត្រីក្រសួងមហាផ្ទៃទៅវិញ។ប្រភពបន្ដថា នៅផ្ទះ មេល្បែង ឈ្មោះ ភា បើកលេងបៀរ អាប៉ោង យ៉ាងអនាធិបតេយ្យ ជាយូរឆ្នាំមកហើ​យ នៅភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប ចាញ់រាប់សិបលានម្នាក់ៗ ក្នុង១ថ្ងៃៗ ខ្លះអស់ឡាន ខ្លះអស់ផ្ទះ ខ្លះទៀតអស់ដី នឹងអ្នកខ្លះ ធ្លាក់ខ្លួជំពាក់លុយធនា​គារ សម្រេចចិត្តរត់ចោលស្រុក ទៅធ្វើការនៅប្រទេសគេផងដែរ។ មិនដែលឃើញលោក រ៉ា មេប៉ុស្តិ៍ស្លក្រាម នឹងលោក សូ ប្លាតុង អភិបាលក្រុង សៀមរាប ពុំដែលឃើញ មានវិធាន​ការទេ ទាំងនេះ គឺសបញ្ជាក់ឲ្យឃើញច្បាស់ ពីការពុករលួយ ឃុបឃិតជាប្រព័ន្ធ ពីថ្នាក់ក្រោម ដល់ថ្នាក់លើ ដូចការអួតអាងរបស់មេល្បែងពិតមែន។គួរបញ្ជាក់ថា ពាក់ព័​ន្ធទីតាំងបើកល្បែងស៊ីសងខាងលើ តាមជញ្ជាំងរបងទីតាំងល្បែង មានដាក់កាមរ៉ាសុវត្ថភាព ចំនួន២ផងដែរ គឺងាយស្រួលមើលសកម្មភាពខាងក្រៅ៕