ប្រជាពលរដ្ឋ បានរិះគន់ថា ​កាលនៅធ្វើជា ប្រធាន​សាខាគយ​​ ខេត្តប៉ៃលិន  លោក ទុំ  ណូ   ល្បីល្បាញយ៉ាង ខ្លាំង ក្នុងការ ប្រព្រឹត្ត អំពើពុករលួយ  ឃុបឃិតបើកដៃឲ្យឈ្មួញ នាំចូល ទំនិញគេចពន្ធ ទំនិញ  បង់ ពន្ធ មិន គ្រប់ និងទំនិញ ​ខុសច្បាប់ ។  ប្រភព បានទម្លាយថាលោក  ទុំ ណូ សល់លុយយ៉ាង  ច្រើនពីការ ប្រព្រឹត្តអំពើ ពុករលួយនៅ  ខេត្តប៉ៃលិននោះ  ហើយ ទើប មាន  លទ្ធភាពជ្រែយក  តំណែងជាប្រធាន  សា​ខា គយខេត្តព្រះ  សីហនុ ប្រកបដោយជោគជ័យ ។ ឥឡូវលោក ទុំ ណូ កំពុងសាង ភាពល្បីល្បាញ ក្នុងតួនាទី ជាប្រធានសា ខា គយ ខេត្ត ព្រះសីហនុ បន្តទៀតដោយ សារតែមន្ត្រី​គយរូបនេះមានខ្នងបង្អែកយ៉ាងរឹងមាំនៅអគ្គនាយកដ្ឋានគយ ចាំជួយយិតយោង។ចាប់តាំងពីលោក ទុំ ណូ ទទួលបានតំណែងជាប្រធានសាខាគយខេត្តព្រះសី​ហនុ រួចមកគឺសព្វថ្ងៃនេះលោក ទុំ ណូ កំពុងប្រឹង ប្រែង ប្រមូលចំណូលតាមរបៀបពុករលួយដោយគ្មានញញើតអ្វីទាំងអស់។ លោក ទុំ ណូ បានអួតអាង ប្រាប់ គេឯងថា ខ្លួន ចំ​ណាយ ដើមទុនយ៉ាងច្រើនដើម្បីទទួលបានទទួលតំណែង ជាប្រធានសាខាគយនិងរដ្ឋាករខេត្តព្រះសីហនុ ហើយ ថា មេគយ ធំនៅខាងលើគឺជាខ្នងបង្អែក ដ៏រឹងមាំរបស់ខ្លួនទៀ​តផង។ ប្រភពពីមន្ត្រីនិងភ្នាក់ងារគយតូចតាចក្នុងខេត្តព្រះសីហនុ បានឲ្យ ដឹងទៀតថា ដោយសារតែលោក ទុំ ណូ អាងមានលោក គុណ ញឹម អគ្គនាយកគយនិងរដ្ឋាករកម្ពុជា ដែល​ ជា ខ្នង ​បង្អែកដ៏រឹងមាំទើបខំប្រឹងស្រង់ដើមដោយឃុបឃិត​ឲ្យឈ្មួញនាំទំនិញគេចពន្ធនិងទំនិញបង់ពន្ធមិនគ្រប់ចូលតា​មច្រកកំពង់ផែនានាក្នុងខេត្តព្រះសីហនុ កាន់តែច្រើនឡើងៗ។កន្លងមន្ត្រីគយនៅខេត្តប៉ៃលិន បានឲ្យដឹងថា លោក ទុំ ណូ មានទំនាក់ ទំនងជាមួយឈ្មួញ ដ៏មានឥទ្ធិពល​ម្នាក់ដែល ល្បីល្បាញខាងរកស៊ីនាំ ចូលទំនិញគេចពន្ធនិងទំនិញខុសច្បាប់ ហើយឈ្មួញ រូបនោះក៏ល្បីខាង បែងចែកភាគ ហ៊ុន ដល់ប្រពន្ធ មន្ត្រីគយជាន់​ខ្ពស់ម្នាក់ផងដែរ។ ឈ្មួញម្នាក់នោះត្រូវបានគេដឹងថាតែងតែលើកកញ្ជើតាមលោក ទុំ ណូ គឺលោក ទុំ ណូ ទៅដល់ទី ណាក៏ មានមុខ គេទៅ ប្រកបរ បរនាំចូលទំនិញ​គេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ នៅទីនោះយ៉ាងរលូន។ ជាងនេះទៅ​ទៀតកាលនៅកាន់តំណែង ជាប្រធានសាខាគយខេត្តប៉ៃលិន លោក ទុំ ណូ បានឃុបឃិតបើក ដៃឲ្យក្រុមឈ្មួញជា ច្រើននាក់ នាំចូល ទំ​និញគេចពន្ធនិងទំនិញបង់ពន្ធមិនគ្រប់ ហើយជួនកាលលោក ទុំ ណូ ឲ្យមន្ត្រីក្រោម ឱវាទខ្លួនចេញមុខ ជំនួស ខ្លួន ទៀតផង ។ពាក់ពត៌មានខាងលើនេះអង្គភាពយើងរង់ចាំបកស្រាយពី​សាម៉ីប្រតិកម្ម៕