ប្រជាពលរដ្ឋមូលដ្ឋាន បានបញ្ជាក់ថា ពួកឈ្មួញយួនចុះ ធ្វើសកម្មភាពនេសាទចាប់ត្រី តាំងពីដើមខែវិច្ឆិកា ឆ្នាំ២០១៦ រហូតមកដល់ពេលនេះ ហើយការដែលមាន បទល្មើសគ្រប់ប្រភេទកំពុង កើនឡើងយ៉ាងគំហុក បានធ្វើឲ្យប្រជានេសាទ លក្ខណៈគ្រួសារ កំពុងមានការព្រួយបារម្ភយ៉ាងខ្លាំង ពីផលប៉ះពាល់ដល់ ការបាត់បង់ប្រភព ធនធានមច្ឆជាតិ នៅឆ្នាំក្រោយៗទៀ ត ។ ប្រភពដដែលបានបញ្ជាក់ថា ការប្រព្រឹត្តបទល្មើសនេសាទ ទ្រង់ទ្រាយធំ នៅបឹងទន្លេសាប ច្រើនឆ្នាំមកនេះ ភាគច្រើនជាជនជាតិយួន ហើយជនជាតិខ្មែរមិនហ៊ាន ដូចយួននោះទេ ព្រោះយួនគេដឹងថាមន្ត្រីជំនាញរបស់ខ្មែរស៊ីសំណូក ដូចនេះឈ្មួញយួនយល់ច្បាស់ត្រូវធ្វើដូចម្តេច។
ក្នុងសប្តាហ៍នេះ ប្រជានេសាទលក្ខណៈគ្រួសារ នៅឃុំប្រឡាយមាស ស្រុកកំពង់លែង ខេត្តកំពង់ឆ្នាំងបានរាយការណ៍ឲ្យអ្នកសារព័ត៌មានដឹងថា ជារៀងរាល់យប់ មានបទល្មើសនេសាទប្រភេទវាយអួន និងការប្រើប្រាស់ឧបករណ៍ខុសច្បាប់ជាច្រើនផ្សេងទៀតកំពុងតែនេសាទចាប់ត្រីទាំងតូច ទាំងធំ នៅតំបន់ក្រញា ក្បាល កោះចោរ និងនៅច្រើនកន្លែងផ្សេងទៀត ក្នុងដែននេសាទទឹកសាប ខេត្តកំពង់ឆ្នាំង។ ខណៈបទល្មើសនេសាទកំពុងធ្វើសកម្មភាពយ៉ាងគគ្រឹគគ្រេងនោះ មន្ត្រីជលផលក៏មិនទាន់ធ្វើការបង្ក្រាបនៅឡើយ ។
អ្នកនេសាទលក្ខណៈគ្រួសារជាជនជាតិខ្មែររស់នៅលើផ្ទៃទឹកក្នុងភូមិសាស្ត្រស្រុកកំពង់លែង ខេត្តកំពង់ឆ្នាំង បានរាយការណ៍ថា អ្នកនេសាទជនជាតិយួន បានប្រើឧបករណ៍វាយអួនចាប់ត្រីដោយសេរី ខណៈមានអ្នកកាងរត់ការបង់លុយទៅសមត្ថកិច្ចជំនាញ និងសមត្ថកិច្ចពាក់ព័ន្ធមួយចំនួន ទើបគ្មានការចុះបង្ក្រាប ។ ប្រភពដដែលបានបញ្ជាក់ថា មន្ត្រីជលផលខេត្តកំពង់ឆ្នាំង មិនបានបំពេញការងាររបស់ខ្លួនឲ្យបានត្រឹមត្រូវនោះទេ ព្រោះបទល្មើសនេសាទកំពុងតែកើតមានតែមន្ត្រីទាំងនោះបែរជាធ្វើមិនដឹងមិនឮទៅវិញ។
ក្នុងពេលដែលឈ្មួញយួនបាននិងកំពុងមមាញឹកចាប់ត្រីទាំងតូចទាំងធំ ព្រមជាមួយនឹងរបាំងស្បៃមុង ចាប់ត្រីចម្រុះយកទៅធ្វើចំណីត្រីឆ្តោចិញ្ចឹម ក្នុងបែយ៉ាងអនាធិបតេយ្យផងដែរនោះប្រជាពលរដ្ឋមូលដ្ឋានបានស្នើដល់អភិបាលខេត្តកំពង់ឆ្នាំង លោក ឈួរ ច័ន្ទឌឿន គប្បីចុះមកត្រួតពិនិត្យភាពមិនប្រក្រតីដល់មូលដ្ឋានផង គឺមិនត្រូវសម្ងំតែក្នុងសាលាខេត្ត ហើយរង់ចាំរបាយការណ៍ ៕
Recent Comments