ប្រភពពីសមត្ថកិ ច្ចមួយចំនួនបានឲ្យ ដឹងថា ការបង្ក្រាប ឈ្មួញជនជាតិចិន ហុងកុង នៅច្រក ព្រលានយន្តហោះសៀមរាប កាលពីថ្ងៃទី២០ ខែតុលា ឆ្នាំ២០១៦នោះ គឺរឹបអូសបានទូរស័ព្ទប្ រភេទIPhone7 និងIPhone 7Plus ចំនួន ៥៥គ្រឿង បើគិតជាប្រាក់ គឺរាប់ម៉ឺនដុល្លារ ។ ទោះជាយ៉ាង ណាការនាំចូល ទំនិញគេចពន្ ធនិងទំនិញខុស ច្បាប់តាម ច្រកព្រលានយន្តហោះសៀមរាប ត្រូវគេវាយតម្លៃថាកើតមានមិនចេះអស់មិនចេះហើយនោះទេ ព្រោះមន្ត្រីគយនៅច្រកនេះគិតតែពីរឿងផលប្រយោជន៍ប៉ុណ្ណោះ។ នៅពេលដែលសមត្ថកិច្ចពាក់ព័ន្ធដទៃទៀតបានដឹងពីករណីឈ្មួញនាំចូលទំនិញគេចពន្ធតាមច្រកនេះ ទើបមន្ត្រីគយប្រចាំច្រកព្រលានយន្តហោះសៀមរាប ក្រោមការគ្រប់គ្រងរបស់លោក គង់ ផល្លាគុណ ធ្វើជាបង្ក្រាបយកស្នាដៃដើម្បីបិទបាំងរឿងអាស្រូវរបស់ខ្លួន។
រឿងអាស្រូវពុករលួយរបស់លោក គង់ ផល្លាគុណ ប្រធានការិយាល័យគយច្រកព្រលានយន្តហោះសៀមរាប ក្នុងការបើកដៃឲ្យឈ្មួញនាំចូលទំនិញគេចពន្ធនិងទំនិញខុសច្បាប់ ដើម្បីជាថ្នូរនឹងផលប្រយោជន៍បានកើតឡើងជាបន្តបន្ទាប់។ ការដែលលោក គង់ ផល្លាគុណ ហ៊ានធ្វើអ្វីៗស្រេចតែអំពើចិត្តគឺមានការបើកដៃពីប្រធានសាខាគយ និងរដ្ឋាករខេត្តសៀមរាបផងដែរ បើមិនដូច្នេះទេប្រាកដជាជួបនឹងឧបសគ្គដោយត្រូវមន្ត្រីគយចល័តតាមបង្ក្រាបជាមិនខាន។ អាចនិយាយបានថា ករណីឈ្មួញនាំចូលទូរស័ព្ទទំនើបៗនិងទំនិញគេចពន្ធជាច្រើនប្រភេទតាមច្រកព្រលានយន្តហោះសៀមរាប គឺមានការឃុបឃិតជាប្រព័ន្ធ។
កាលពីថ្ងៃទី២០ ខែតុលា ឆ្នាំ២០១៦ សមត្ថកិច្ចគយនៅច្រកព្រលានយន្តហោះសៀមរាប បានចាប់ទូរស័ព្ទដៃទំនើបៗ៥៥គ្រឿងដែលឈ្មួញនាំចូលពីហុងកុង។ ពាក់ព័ន្ធនឹងការបង្ក្រាបនេះប្រភពពីសមត្ថកិច្ចតូចតាចនៅច្រកព្រលានយន្តហោះសៀមរាប បានបង្ហើបឲ្យដឹងថា ប្រហែលមកពីទំនាស់ផលប្រយោជន៍ទើបឈានដល់ការបង្ក្រាប។ ប្រសិនបើមានការត្រូវរ៉ូវគ្នារវាងមន្ត្រីគយ និងសមត្ថកិច្ចពាក់ព័ន្ធដទៃទៀតនោះ គឺឈ្មួញអាចនាំចូលទូរស័ព្ទទំនើបៗគេចពន្ធទៅដល់គោលដៅយ៉ាងរលូនជាមិនខាន។
Recent Comments