ប្រភពពីឈ្មួញនិងអាជីវករបានឲ្យដឹងថា កុងត្រូលជជុះដែលលោក ទៀង សារ៉ាត់ បង្កើតឡើងនោះស្ថិតនៅចំណុចផ្សារស្លឹក ឃុំកំពង់ត្រាចខាងកើត ស្រុកកំពង់ត្រាច ខេត្តកំពត ដែលតែងជំរិតយកលុយពីពួកគាត់ទាំងយប់ទាំងថ្ងៃ។ ឈ្មួញនិងអាជីវករមួយចំនួនបានឲ្យដឹងថា ប្រសិនបើពួកគាត់ដឹកទំនិញឆ្លងកាត់មុខកុងត្រូលជជុះនោះ ហើយមិនចូលបង់លុយតាមការកំណត់ គឺកូនចៅលោក ទៀង សារ៉ាត់ ចេញរត់យន្តប្រដេញចាប់យកទំនិញគំរាមឲ្យបង់ប្រាក់២ទៅ៣ដងស្រេចតែ អំពើចិត្តរបស់ពួកគេ។ ប្រការនេះធ្វើឲ្យពួកគាត់ប្រឈមនឹងការលំបាកយ៉ាងខ្លាំងក្នុងការប្រក បរបរចិញ្ចឹមជីវិត ចំណែកលោក ទៀង សារ៉ាត់ និងបក្ខពួកសប្បាយក្នុងការប្រមូលលុយយកទៅចែកគ្នាធ្វើមានធ្វើបាន ។
លោក ទៀង សារ៉ាត់ មេនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ ឈរជើងនៅខេត្តកំពត កំពុងតែល្បីល្បាញខាងប្រើអំណាចបង្កើតកុងត្រូលជជុះជំរិតយកលុយពី ឈ្មួញនិងអាជីវករដឹកជញ្ជូនទំនិញឆ្លងកាត់ខេត្តនេះ ហើយសូម្បីតែប្រជាពលរដ្ឋដឹកកសិផលក៏ត្រូវគេគាបយកលុយដែរ ។ ប្រការនេះហើយដែលធ្វើឲ្យឈ្មួញនិងអាជីវករដឹកជញ្ជូនទំនិញ ក៏ដូចជាប្រជាពលរដ្ឋដែលដឹកជញ្ញូនកសិផលទៅលក់នៅស្រុកយួន រិះគន់ខ្លាំងៗទៅលើកុងត្រូលជជុះរបស់នគរបាលប្រឆាំងបទល្មើសសេដ្ឋកិច្ច ក្រសួងមហាផ្ទៃ ដែលឈរជើងក្នុងទឹកដីខេត្តកំពត។ ដូច្នេះលោក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំង បទល្មើសសេដ្ឋកិច្ចក្រសួងមហាផ្ទៃ ពិនិត្យមើលសកម្មភាពមិនប្រក្រតីរបស់លោក ទៀង សារ៉ាត់ និងបក្ខពួកខ្លះផងកុំឲ្យធ្វើអ្វីៗតាមអំពើចិត្តទៀត។
សមត្ថកិច្ចពាក់ព័ន្ថក្នុងខេត្តកំពត ក៏បានរិះគន់នគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃប្រចាំ ខេត្តកំពត ដែលដឹកនាំដោយលោក ទៀង សារ៉ាត់ នោះដែរព្រោះទង្វើរបស់ពួកគេផ្ទុយពីតួនាទីរបស់ពួកគេទាំងស្រុង ។ ជាការពិតពួកគេទទួលបានលិខិតបេសកកម្មពីលោក នេត សាវឿន អគ្គស្នងការនគរបាលជាតិ ដើម្បីបង្ក្រាបទំនិញខុសច្បាប់ឬបទល្មើសសេដ្ឋកិច្ច ប៉ុន្តែពួកគេបែរជាយកលិខិតបេសកកម្មនោះ ទៅជំរិតយកលុយពីឈ្មួញនិងអាជីវករដឹកជញ្ជូនទំនិញស្របច្បាប់ ហើយសូម្បីតែប្រជាពលរដ្ឋដឹកកសិផលក៏ត្រូវគេជំរិតយលុយយ៉ាងងងើលដែរ ។ ប្រការនេះបើលោក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ មិនជាប់ពាក់ព័ន្ធផលប្រយោជន៍ទេនោះ គួរចាត់វិធានការទប់ស្កាត់អំពោះដ៏អាក្រក់របស់លោក ទៀង សារ៉ាត់ និងបក្ខពួកជាបន្ទាន់ដើម្បីកុំឲ្យប្រជាពលរដ្ឋរិះគន់ ៕
Recent Comments