ពោធិ៍សាត់ ៖ មានការទម្លាយពីប្រភពផ្ទៃក្នុងលួចបង្ហើបឱ្យការិយាល័យរបស់យើងដឹងថា ដោយសារ តែមានអំពើពុករលួយ ជាពិសេសការទទួលថវិកាជាតិនិងថវិកាគំរោង អង្គការនានាមកធ្វើការអភិវឌ្ឍន៍នៅ ក្នុងមន្ទីរអភិវឌ្ឍន៍ជនបទខេត្តពោធិ៏សាត់ នោះ ។ ដូចជា បានធ្វើឱ្យបាត់បង់ថវិកា ចន្លោះ៣០០លានរៀល ហើយថវិកាដែលបាត់បង់ទាំងនោះ គឺបានធ្លាក់ចូលទៅក្នុង កណ្តាប់ដៃរបស់លោកប្រធានមន្ទីរ និងមន្ត្រី ជំនិតៗរបស់គាត់ក្នុង១ឆ្នាំៗ។
ផ្ទុយទៅវិញ ចំណែកមន្ត្រីមួយចំនួនតូចផ្សេងទៀតបានត្រឹមស្រក់ទឹកមាត់ និងហិតក្លិននៃការមានបាននៃអំពើពុករលួយគៃ បំបាត់លុយរដ្ឋ និងបក្ខពួកគ្រួសារនិយមរបស់លោកប្រធានមន្ទីរ ហួត បូនិត ប៉ុណ្ណោះ ។
ករណីប្រឈម និងភាពមិនប្រក្រតីទាំងនេះត្រូវបានគេអះ អាងថាកើតយូរឡើងដុះស្លែទៅហើយ។ ដូចជា ចំពោះ ថវិកាដែល គេកឹបកេងបានច្រើនបំផុតជារៀងរាល់ឆ្នាំគឺថវិកានៅក្នុងជំពូកនានា ជាច្រើន ពិសេសថវិការ គំរោងទឹកស្អាតនិងអនាម័យ ADB ក្នុងឆ្នាំ២០១៣ឆ្នាំ២០១៤កន្លងទៅនេះ ដែលគួរតែអគ្គាធិការកិច្ចរបស់ក្រសួងនេះ ដាក់មន្ត្រីចុះស៊ើបអង្កេតជាថ្មី ហើយឯលោករដ្ឋមន្ត្រីក្រសួងអភិវឌ្ឍន៍ជនបទក៏មិនត្រូវយល់មុខ ឬអភិរក្សគ្រួសារនិយមនោះទេ ! គួរតែមានវិធានការឱ្យមន្ត្រីអស់ចិត្ត។
ទោះជាយ៉ាងណាការប្រព្រឹត្តិអំពើពុករលួយរបស់លោកហួន បូនិត និងបក្ខពួក គឺកម្រមានឧបសគ្គ ដោយសាតែរូបគាត់ និង បក្ខពួកពូកែរៀបចំឯកសារនានា ដើម្បីបំប៉ោងការចំណាយ យ៉ាងប៉ិនប្រសប់ និងចេះទប់ស្កាត់មន្ត្រីពីលើចុះទៅយ៉ាងជំនាញ របស់គាត់ដែលគួរតែសរសើរ។
តាមក្រុមអធិការកិច្ចឬសវនកម្ម ភាគច្រើនពួក គេពិនិត្យទៅលើតែឯកសារចំណាយ មិនពិនិត្យដល់មូលដ្ឋាន ដូច្នេះមិន អាច ស្រាវជ្រាវរកឃើញរឿងអាស្រូវទាំង អម្បាលមាននេះឡើយ។
បើតាមប្រភពបានបន្តឱ្យដឹងថា សម្រាប់ការចំណាយថវិកា ជាតិនិងថវិកាគម្រោងនានានៅក្នុងមន្ទីរអភិវឌ្ឍន៍ជនបទ ខេត្តពោធិ៍សាត់ និងក្នុងមួយឆ្នាំៗ ថវិកាមួយចំនួនបានធ្លាក់នៅក្នុងដៃលោកប្រធានមន្ទីរហួន បូនិត និង បក្ខពួកគាត់មូល គឺគ្នារបស់គាត់ជាអ្នកកាន់គម្រោង ។
ជាក់ស្តែង តាមការស្រាវជ្រាវ និងរបាយការណ៍ផ្ទៃក្នុងមន្ទីរគេរកឃើញថា គំរោងទឹកស្អាតនិងផ្នែកអនាម័យបានខាតបង់ ថវិកាអស់ជា ច្រើនលានដុល្លារអាមេរិកសំរាប់ចំនួន៦គឺខេត្តពោធិ៍សាត់ បាត់ដំបងបន្ទាយមានជ័យ កំពង់ធំ៘ ហើយ ម្រាប់ការចំណាយថវិកាជាក់ស្តែងនៅក្នុងឆ្នាំ២០១៣និង២០១៤កន្លងទៅនេះ ត្រូវបានគេ អះអាងថា មានតែតួលេខនៅ ក្នុងក្រដាស់តែគុណភាពការប្រើប្រាស់គ្មានឡើយ។
ជាងនេះ ដោយសារការរៀបចំថវិកាចំណាយមិនប្រក្រតី និងសល់ប្រាក់ច្រើនពីការទិញសំភារៈ ដើម្បីធ្វើការអភិវឌ្ឍន៍គំរោង ទឹកស្អាត បង្គន់អនាម័យ ស្រះទឹក អណ្តូងស្នប់ និងលូជាដើម ពួកគេបានប្រាក់ទាំងនោះអាចកឹបកេងរលួយយកទៅដាក់ ហោប៉ាវផ្ទាល់ខ្លួនហ៊ឺហាររាល់ថ្ងៃ។
ផ្ទុយទៅវិញ ពាក់ព័ន្ធព័ត៌មានចោទប្រកាន់ខាងលើទាំងអម្បាលមានលោក ហួន បូនិត ប្រធានមន្ទីរអភិវឌ្ឍន៍ជនបទខេត្ត ពោធិ៍សាត់មិនបានអត្ថាធិបាយច្រើនទេ តាមទូរស័ព្ទដោយប្រាប់យ៉ាងខ្លីថា ខ្ញុំទទួលយកសូមមកកាន់មន្ទីរខ្ញុំ ទើបបកស្រាយ អស់សា ច់រឿងទោះបីយ៉ាងណាសារព័ត៌យើងរង់ ចាំស្វាគមន៏ការបកស្រាយបំភ្លឺពីលោកប្រធានមន្ទីរហួន បូនិតនៅលេខក្រោយ។
ប៉ុន្តែផ្ទុយពីប្រភពមន្ត្រីបានទម្លាយទៀតថា ក្រោយការបែកធ្លាយ គឺលោកប្រធានកំពុងតែរៀបចំ បំប៉ោងឯកសារចំណាយហើយ និងកំពុងតែក្តៅក្រហាយ និងតាមរកមុខមន្ត្រីដែលទម្លាយរឿងនេះចេញក្រៅ ៕
Recent Comments