ស្វាយរៀង ៖ តាមមន្ត្រីទេសចរណ៍ បានបង្ហើបរិះគន់ទៅលើ ក្រុមមន្ត្រីប៉ូលិសអន្តោប្រវេសន៍ ក្រោមការដឹកនាំរបស់មេប៉ុស្តិ៍ ច្រកទ្វារអន្តរជាតិបាវ៉ិត ម៉ុកបាយយួន- កម្ពុជាថា មានផលលំបាកជាច្រើន ដែលធ្វើឱ្យភ្ញៀវទេសចរ ជាតិ-អន្តរជាតិ មានការថ្នាំងថ្នាក់ក្នុង ការឆ្លងដែនចូលមកកំសាន្ត ក្នុងប្រទេសកម្ពុជា ដោយសារតែអំពើពុករលួយ របស់ក្រុមមន្ត្រី ប៉ូលិសអន្តោប្រវេសន៍នៅតាមច្រកទ្វារនីមួយៗជាអ្នកបង្កឡើង ។ ហើយជាគុណវិបត្តិដ៏ធំបំផុតក្រោមការដឹកនាំ របស់មេប៉ុស្តិ៍អន្តោប្រវេសន៍ ខាត់ សារ៉ាត់ ដែលសំបូរតែរឿងអាស្រូវប្រព្រឹត្តអំពើពុករលួយយ៉ាងពេញបន្ទុកទាំងការ គោសរូសភ្ញៀវទេសចរណ៍ឱ្យបង់ថ្លៃបាយ ទាំងការគាបសង្កត់អ្នកធុរៈកិច្ច ឈ្មួញឱ្យបង់លុយជើងលុយខែតាមតែ ទំនើងចិត្ត មិនថាឡើយបានបង់ពន្ធចូលរដ្ឋតាមផ្លូវការគ្រប់គ្រាន់ហើយ ឬមានទិដ្ឋាការឆ្លងដែនត្រឹមត្រូវនោះទេ ឱ្យតែមានចន្លោះប្រហោងអ្វីនោះ គឺត្រូវគេគាបជម្រិតគោះលុយតាមតែអំពើចិត្តរបស់មន្ត្រី អន្តោប្រវេសន៍ និងបានបង្កការរំខាន យឺតយ៉ាវយ៉ាងច្រើនដល់ការឆ្លងដែនរបស់ទេសចរណ៍ ហើយដែលបញ្ហានេះមិនគួរបើលោក សុខ ផល ជាអគ្គនាយក អន្តោប្រវេសន៍ជឿតាមរបាយការណ៍យកបុងថា ល្អចំពោះនៃគុណវិបត្តិការជម្រិតលុយភ្ញៀវទេសចរអ្នកជំងឺ អ្នកឆ្លងដែនថា ថយចុះគ្មានការជម្រិតយកលុយភ្ញៀវនោះ គឺគ្មានទេ”។
បើតាមមន្ត្រីនៅទីនោះខ្សឹបឱ្យឮថា ដកអ្នកចាស់ល្បីថាពុករលួយ និងសំបូររឿងអាស្រូវនោះចេញ លុះដាក់អ្នកថ្មីមករឹតតែពុករលួយលើសដើមទៅទៀត ព្រោះអីគឺស្រង់ដើមហេ៎ស..! ដែលបង់ខាតពីការដោះដូរជប់លាង លើកមុខ និងបង់ខាតពីការដូរដាក់ស្រោមជូនមេតូចមេធំមេកណ្តាលតាមជាន់ ថ្នាក់នោះ គឺអស់ច្រើនណាស់ ។ ដូច្នេះ ហើយដូចម្តេចទៅថាមិនឱ្យមេថ្មីដូច ខាត់ សារ៉ាត់ ប្រឹងរកល្បិចគាបជម្រិតភ្ញៀវដើម្បីស្រង់ដើមវិញនោះ ។
ផ្ទុយទៅវិញ ដោយសារផលវិបាក និងអំពើពុករលួយយ៉ាងពេញបន្ទុករបស់មន្ត្រីអន្តោប្រវេសន៍នោះហើយ ទើបបានជាកាលពីថ្ងៃទី ០២ ខែកក្កដា ឆ្នាំ២០១៥ កន្លងទៅនេះ គេឃើញគណៈកម្មការអន្តរៈក្រសួង ដឹកនាំដោយ លោក ថោង ខុន រដ្ឋមន្ត្រីក្រសួងទេសចរ និងជាប្រធានគណៈកម្មការប្រជុំពិនិត្យការងារសកម្មភាពឆ្នាំ២០១៤ និងកំណត់ទិសដៅ ឆ្នាំ២០១៥ ទៀត ។ បានដឹកនាំប្រជុំមួយនៅសណ្ឋាគារភ្នំពេញស្តីពីគណៈកម្មការដែលមាន មន្ត្រីអាជ្ញាធរខេត្តជាសមាជិកផង នោះ គឺមានតួនាទីនិងសកម្មភាពគ្រាន់តែសម្រួលការធ្វើដំណើរដឹកជញ្ជូន អ្នកដំណើរដល់ភ្ញៀវទេសចរឆ្លងកាត់ច្រកព្រំដែនច្រក ទ្វារអន្តរជាតិឱ្យបានឆាប់រហ័សតែប៉ុណ្ណោះ ។
លោករដ្ឋមន្ត្រីថ្លែងថា ៖ គណៈកម្មការយើងមិនអាចសម្រួលការធ្វើ ពាណិជ្ជកម្មឆ្លងកាត់ច្រកទ្វារ និងច្រកព្រំដែននោះបានទេ ។ ប៉ុន្តែមានតួនាទីជួយសម្រួល ការដោះស្រាយឱ្យភ្ញៀវទេសចរចេញ-ចូលឆងកាត់ច្រកទ្វារព្រំដែន និងច្រកអន្តរជាតិនីមួយៗ ឱ្យបានឆាប់រហ័ស និងសុវត្ថិភាពប៉ុន្តែវាមិនមែនងាយស្រួលនោះទេ គឺអាស្រ័យលើមន្ត្រីប៉ូលិសអន្តោប្រវេសន៍ ។
លោកបន្តថា យើងចង់ឱ្យភ្ញៀវទេសចរហូរចូលមក ក្នុងប្រទេសបាន ច្រើនលុះត្រាតែកាត់របាំងមិនចាំបាច់ទាំងអស់ នៅតាមច្រកទ្វារនីមួយៗ ។ ក្នុងនោះប៉ូលិសអន្តោប្រវេសន៍គឺមានតួនាទី ធំក្នុងការបំពេញកាតព្វកិច្ចដោះស្រាយភារកិច្ចចាំបាច់ ដើម្បីសម្រួលឱ្យភ្ញៀវឆាប់បានឆ្លងកាត់ច្រកទ្វារបានឆាប់រហ័ស ។
ថ្លែងជាពិសេសរិះគន់ការត្រួតពិនិត្យិទិដ្ឋាការវាយត្រាឆ្លងកាត់ នៅមានភាពយឺតយ៉ាវ គឺសំដៅកាត់បន្ថយការគោះ លុយ និងអំពើពុករលួយផ្សេងៗដូចជា ការត្រួតពិនិត្យឯកសារអីវ៉ាន់ សម្ភារៈរបស់ភ្ញៀវពេលឆ្លងកាត់ច្រកទ្វារម្តងៗ ករណីជួយទប់ស្កាត់កើតមានជំងឺឆ្លងនៅប្រទេសណាមួយ រឹតតែធ្វើឱ្យការឆ្លងកាត់មមាញឹកមានភាពយឺតអាចជាការចម្លង ក្រោម ការពិនិត្យជំងឺយ៉ាងតឹងតែងលើភ្ញៀវចូលមកក្នុងប្រទេស ។
ផ្ទុយពីលោក សុខ ផល អគ្គនាយកនៃអគ្គនាយកដ្ឋានអន្តោប្រវេសន៍ និងជាអនុប្រធានអចិន្ត្រៃយ៍គណៈកម្មការ អន្តរក្រសួងបានមានប្រសាសន៍ថា ការបង្កើតគណៈកម្មការយើងមានអាយុជិត ២០ឆ្នាំហើយ ។ គ្រប់ច្រកទ្វារចេញ ចូលភ្ញៀវទូទាំងប្រទេសចំនួន ២៥ យើងបានដោះស្រាយសម្រួលឱ្យភ្ញៀវចេញ-ចូលឆ្លងកាត់ល្អប្រសើរ និងឆាប់ រហ័ស និងរក្សាបានសណ្តាប់ធ្នាប់ត្រឹមត្រូវ ។ ក៏ប៉ុន្តែច្រកទ្វារចេញ-ចូល មួយចំនួននៅតែស្មុគស្មាញដោះស្រាយឱ្យ ភ្ញៀវចេញ-ចូលឆ្លងកាត់យ៉ាងលំបាក ។ ជាពិសេសនូវមានបញ្ហាមួយចំនួនដូចជា ច្រកទ្វារអន្តរជាតិកោះកុង អូរស្មាច់ អូរយ៉ាដាវ ព្រែកចាក ភ្នំឌិន ខ្អមសំណរ កោះរកា និងជ្រៃធំជាដើម ដែលពុំទាន់ទប់ស្កាត់ និងកំណែទម្រង់ទាល់តែសោះ ។
ជាងនេះទៅទៀតគឺច្រកទ្វារអន្តរជាតិព្រំដែនបាវិតនោះតែម្តង ដែលបង្កការលំបាកអាក្រក់ជាងគេទៅលើ ការសម្រួលឆ្លងកាត់ភ្ញៀវចេញ-ចូល ។ បើទោះបីជាមានគណៈកម្មការអន្តរក្រសួងចេញមុខដោះស្រាយជាច្រើនសា ក៏ដោយ ។ មិនតែប៉ុណ្ណោះ គឺច្រកទ្វារបាវិតនេះតែម្តង បានបង្កភាពស្មុគស្មាញ លំបាកដល់ភ្ញៀវទេសចរដោយផ្នែក ឯកជនរកស៊ីសេវា ដឹកជញ្ជូនក្រុមហ៊ុននានាដែលភាពអនាធិបតេយ្យគ្មានសណ្តាប់ធ្នាប់ទាំងនោះ គឺបង្កឡើងដោយសារមន្ត្រីអន្តោប្រសេវន៍កូនចៅ ខាត់ សារ៉ាត់ ទាំងអស់ ។
ផ្អែកតាមរបាយការណ៍របស់លោក ហោ សារុន អនុរដ្ឋលេខាធិការក្រសួងទេសចរណ៍ បានបង្ហាញឱ្យដឹងថា ទូទាំងកម្ពុជាបានបង្កើតស្នាក់ការត្រួតពិនិត្យច្រកទ្វារព្រំដែន ទាំងអស់ មាន៧២កន្លែង ។ ក្នុងនោះមានទាំងច្រកទ្វារ ជើងគោក ជើងទឹក និងជើងអាកាសផង ។ ច្រកទាំងអស់នេះ គឺជាលំហូរសម្រួលឱ្យភ្ញៀវទេសចរ អន្តរជាតិចូល មកកម្សាន្តនៅកម្ពុជា ដល់ទៅចំនួនជាង ៤លានកន្លះ នៅឆ្នាំ២០១៤ កន្លងទៅនេះដែលកើនឡើងជាង ៧ភាគរយ បើធៀបទៅនឹងឆ្នាំ ២០១៣ ។
ផ្ទុយទៅវិញឆ្លើយតបនឹងការរិះគន់ខាងលើនោះ គួរតែក្រសួងមហាផ្ទៃមិនគួរមើលរំលងពីសកម្មភាពមេប៉ុស្តិ៍ អន្តោប្រវេសន៍នោះទេ ជាពិសេសគឺមេប៉ុស្តិ៍ច្រកទ្វារអន្តរជាតិបាវិតនោះ ដែលល្បីឈ្មោះឃុបឃិតសម្រួលនាំទំនិញ បង់ពន្ធមិនគ្រប់ទំនិញខុសច្បាប់ និងគាបជម្រិតលុយភ្ញៀវ និងអ្នកឆ្លងដែនព្យាបាលជំងឺជាមួយឡានក្រុង ក្រោមផ្លាក VIP ៣០-៥០ដុល្លារ ឯជនអន្តោប្រវេសន៍ឆ្លងដែនមិនទប់ស្កាត់សោះ ដែលគួរត្រូវបានស៊ើបអង្កេតជាបន្ទាន់ផង ។/
Recent Comments