ថ្មីៗនេះមានករណីបែកធ្លាយអំពើពុករលួយមិនធម្មតាមួយ ចេញពីក្រុមប៉ូលិសអន្តោប្រវេសន៍នៃច្រកទ្វារអន្តរជាតិចាំ យាម ខេត្តកោះកុង ព្រំដែនកម្ពុជា-សៀម មិនដឹងថា តើវាជាទម្លាប់ឬក៏ជាតម្រូវការរបស់ក្រសួងមហាផ្ទៃដាក់ចុះ នោះទេ គឺថាមេប៉ុស្តិ៍ឋានៈជាមេអន្តោប្រវេសន៍នៃច្រកទ្វារចាំយាម និង“ខ្លឹង លឹក និងខ្លង ស្រ៊ុន នេះ គឺមានរបប លុយ ១.២០០០០០រៀល ជាប្រចាំថ្ងៃ ដែលលុយនោះ គឺជាការបានពីការជម្រិតយកពីលើញើសឈាមអ្នកជំងឺរបស់ ប្រជាពលរដ្ឋ ភ្ញៀវទេសចរ ពីឈ្មួញរកស៊ីឆ្លងដែនបានយ៉ាងត្រូវប៉ាន់បំផុត ។ ហើយបារ៉ែនលុយដែលមេប៉ុស្តិ៍កើបយក ដាក់ហោប៉ៅជាប្រចាំរាល់ថ្ងៃនេះ គឺជាភាពអនាធិបតេយ្យមួយយ៉ាងគម្រក់មួយ មិនសមភាព ចំពោះមន្ត្រីអន្តោ ប្រវេសន៍ថ្នាក់ក្រោមប្រចាំច្រកទ្វារនេះទាល់តែសោះ ។ ព្រោះថា មន្ត្រីខាងក្រោម គឺជាអ្នកធ្វើប្រឈមជេរប៉ះទង្គិច តិះដៀលរិះគន់ផ្ទាល់ពីប្រជាពលរដ្ឋ និងចេញញើសពលកម្មប្រឈមផ្លូវច្បាប់ជារៀងរាល់ថ្ងៃ តែមេៗដូច កៅ សារ៉ាណា វិញបែរជាក្រអឺតក្រទមបញ្ជាផ្តាច់ការឱ្យមន្ត្រីថ្នាក់ក្រោមត្រូវតែមានវិធានការចាប់ជម្រិតលុយពីប្រជាពល រដ្ឋឈ្មួញអ្នកជំងឺយកលុយឱ្យខាងតែបាន ដើម្បីឱ្យគ្រប់របបលុយប្រចាំថ្ងៃ ១.២០០០០០រៀល ឱ្យមេ កៅ សារ៉ាណា ដោយមិនខ្វល់ពីកំណែទម្រង់បើកចំហរជើងមេឃទេសចរណ៍ និងកំណែទម្រង់តម្លាភាពច្បាប់រដ្ឋបំបាត់អំពែព៉ីករលួយ ក្នុងរដ្ឋាភិបាលក្រោមការដឹកនាំរបស់នាយឧត្តមសេនីយ៍ សុខ ផល ជាអគ្គនាយកប៉ូលិសអន្តោប្រវេសន៍នោះឡើយ ។
មន្ត្រីផ្ទៃក្នុងអន្តោប្រវេសន៍ច្រកទ្វារអន្តរជាតិចាំយាមនេះមួយចំនួនទ្រាំលែងបាន និងមេ កៅ សារ៉ាណា ដាក់ បញ្ជាឱ្យគោះលុយចាប់ជម្រិតលុយ និងឱ្យកោសរូសយកលុយពីអ្នកជំងឺឆ្លងដែន ពីក្រុមអ្នកទេសចរ ពីក្រុមឈ្មួញ តូច-ធំ ដាក់គំនាបឱ្យបង់ទារលុយតាមតែទំនើងចិត្តនេះ បានត្អូញត្អែរ និងលើកឡើង ៥-៦នាក់ តាមទូរស័ព្ទឱ្យ ការិយាល័យយើងដឹងក៏ដូចជា ជូនដំណឹងឱ្យក្រសួងមហាផ្ទៃដឹងថា ទ្រាំលែងបានទៀតហើយ គួរណាស់មានការពិនិត្យ និងសូមឱ្យថ្នាក់លើចុះពិនិត្យស្រាវជ្រាវជាបន្ទាន់ពីមន្ត្រីប៉ូលិសតូច-ធំ ចំណុះអន្តោប្រវេសន៍ច្រកទ្វារនេះទៅប្រាកដជា ដឹងហើយថា គឺមេប៉ុស្តិ៍ក្មេង មេ កៅ សារ៉ាណា អត់សូវឃើញចូលធ្វើការនៅប៉ុស្តិ៍ច្រកទ្វារចាំយាមជាប់លាប់ទេ បន្តិចរវល់ថា ប្រជុំនៅភ្នំពេញ បន្តិចចូលថៃ និងបន្តិចណាត់ស្រីកំសាន្តដើរលេងវាយឬកក្រអឺតក្រទមយ៉ាងសម្បើម យក្សទៅលើមន្ត្រីចំណុះជាអនុៗ និងថ្នាក់ក្រោមជាមន្ត្រីជំនាញយូរឆ្នាំប្រចាំប៉ុស្តិ៍នេះដែលមានអាយុវ័យច្រើនផាត់ សម្បកដែលមិនឱ្យតម្លៃទៅលើមន្ត្រីណាមួយឡើយ ហាឡើងយកឈ្មោះឪពុកខ្នងបង្អែកមកគំរាមបិទមាត់មន្ត្រី និងគំរាមដកប្រសិននរណាមួយតមាត់ដែលបញ្ហាអសមត្ថភាពលោភមោទនៈភាព និងអំណាចជាមេប៉ុស្តិ៍គ្មានសីល ធម៌ ម្តងបញ្ហាថ្នាំងថ្នាក់ក្នុងរចនាសម្ព័ន្ធការងារផ្ទៃក្នុងអន្តោប្រវេសន៍យ៉ាងការិយាធិបតេយ្យបែបនេះ មិនគួរបើថ្នាក់ លើមើលរំលងសកម្មភាពរបស់លោក កៅ សារ៉ាណា កូនរបស់លោក កៅ ខុនដារ៉ា នោះទេ ! ។
ដូចជា បញ្ហាអនាធិបតេយ្យនៃការបញ្ជាឱ្យជម្រិតជនឆ្លងដែនដោយគ្មានតម្លាភាពមួយទៀត គឺពេលបាន លុយ ១.២០០០០០រៀល ជាប្រចាំថ្ងៃហើយ គឺមេ កៅ សារ៉ាណា អត់ខ្វល់អាក្រុមអ្នកធ្វើឯងហ្មត់ហ៊ិនណា អញមេប៉ុស្តិ៍គ្មានឈឺក្បាល មន្ត្រីណាបានប៉ុន្មាន នរណាអត់លុយ គ្មានបញ្ហាធ្វើយ៉ាងណាកុំឱ្យតែអត់របបលោកនាយ ដើរចោលការងារ១អាទិត្យ-២អាទិត្យក៏គ្មានបញ្ហាដែរ ព្រោះមានសេនាធិការជាអនុរាយការណ៍តាមទូរស័ព្ទ និងមិនភ្លេចគុណលុយឱ្យមេប៉ុស្តិ៍ ១ថ្ងៃ ១.២០០០០០រៀលផង ។/
Recent Comments