កាលពីព្រឹកថ្ងៃទី ២៣ កក្កដា កន្លងទៅនេះ បុគ្គលិកប្រៃសណីយ៍ទូរគមនាគមន៍កម្ពុជាជាច្រើននាក់ បានប្រមូលផ្តុំគ្នានៅ បរិវេណទូរគមនាគមន៍កម្ពុជានៅចំណុចទូរគមនាគមន៍ កម្ពុជា ទីតាំងលេខ៩៥+៩៧ នៅតាមបណ្តោយផ្លូវ១០៥ កែងនិងផ្លូវ២៧៤ ភូមិ០១ សង្កាត់បឹងព្រលិត ខណ្ឌ៧មករា រាជធានីភ្នំពេញដើម្បីបង្ហាញការមិនពេញចិត្តនិងទាមទារឱ្យ ក្រុមប្រឹក្សាវិន័យបើកការស៊ើបអង្កេត លើករណីបាត់ថវិការបស់ស្ថាប័នជាង២០ម៉ឺនដុល្លារ ។
ពាក់ពន្ធនឹងករណីប្រមូលផ្តុំគ្នានោះ គឺជាការបែកធ្លាយរឿងបាត់លុយ ២៣ម៉ឹនដុល្លារ ប្រសិនជាមន្ត្រីមិនប្រតិកម្ម គឺមិនដឹងទេ ! ហើយដែលការព្រោះឈាមដាក់គ្នា គឺជាការដោះសារមួយ ទម្លាក់កំហុសពីមួយទៅមួយ មិនទំនងទាល់តែសោះ ហើយដែល បញ្ហានេះ គឺជាការទទួលខុសត្រូវតែម្នាក់គត់ គឺ ឡាយ ម៉ារីវ៉ូ ព្រោះតែគាត់ជាអគ្គនាយក និងជាអ្នកដឹងឮទាំងអស់រឿងថវិកា ចំណូលចំណាយទូទៅដោយពុំអាចគេចវេសបានទេ ! ។
ជាងនេះទៅទៀត ជុំវិញក្រោយពីមានប្រតិកម្ម សម្តែងការមិនពេញចិត្តរបស់បុគ្គលិក ក្រុមប្រឹក្សាវិន័យ នឹងថ្នាក់ដឹកនាំ ក៏បានទម្លាក់កំហុសចោទទៅលើអនុប្រធាន ហិរញ្ញកិច្ច ចំណូល ចំណាយ និង ប្រធានផ្នែកគណនេយ្យប្រមូលលុយ នៃ ទូរគមនាគមន៍កម្ពុជាពីនាក់ថា បានពាក់ព័ន្ធនិងការបាត់ លុយចំនួន២៣ ម៉ឺនដុល្លានោះ។
តាមក្រុមតំណាងនិយោជិកទូរគមនាគមន៍កម្ពុជា សុំមិនបញ្ចោញឈ្មោះ បានទម្លាយឱ្យដឹងទៀតថា បន្ទាប់ពីទទួលបានព័ត៌មាន ពីការបាត់ លុយដ៏ច្រើនសន្ធឹកសន្ធាប់ ទើបបុគ្គលិកប្រមាណជា១០០នាក់ បានលើកគ្នាតវ៉ាពាក់ព័ន្ធនិងករណីបាត់លុយជាង ២៣ម៉ឺន ដុល្លារ ដោយទាមទារឱ្យ ថ្នាក់ដឹកនាំនិងក្រុមប្រឹក្សា វិន័យ ស៊ើបអង្កេតជាបន្ទាន់ដោយពួកគាត់អះអាងថា ករណី បាត់បង់ថវិកានេះធ្វើឱ្យខាតដល់ប្រយោជន៍បុគ្គលិកយ៉ាងធ្ងន់ធ្ងរបំផុត។
ពាក់ព័ន្ធនឹងការប្រតិកម្ម តវ៉ាពីសំណាក់បុគ្គលិកអគ្គនាយកទូរគមនាគមន៍ កម្ពុជានោះផងដែរ ផ្ទុយពីលោក ឡាយ ម៉ារីវ៉ូ ទំនងដូចប្រឹង Lobby ខ្លាំងណាស់ មុខខ្មៅអែរដោះសារបែបមិនទំនងសោះ ជាមួយអ្នកសារព័ត៌មាន និងមន្ត្រីបានកោះ ហៅប្រមូលប្រជុំផ្ទៃ ក្នុងភ្លាមៗដើម្បី Lobby ពិភាក្សាជុំវិញការបាត់សាច់ប្រាក់ចំណូលចំនួន២៣០០០០ដុល្លារ(ម្ភៃបី មឺនដុល្លាអាមេរិក) ។ ក្រោយពីការប្រជុំអស់រយៈយ៉ាងយូរ ទើបលោកអគ្គនាយករូបនេះទម្លាយថា ចំពោះការបាត់បង់លុយ កាក់របស់ក្រុមហ៊ុនចំនួនជាង ២៣ម៉ឺនដុល្លារ គឺមានការពាក់ព័ន្ធជាមួយបុគ្គលពីរនាក់ខាងលើជាអ្នកយកទី១.លោក ខឹម តេងអឿន ជាអនុប្រធានហិរញ្ញកិច្ច ចំណូល ចំណាយ ថវិការដ្ឋ និងពីរគឺ លោក សែម សំអាង ជាប្រធានផ្នែកគណនេយ្យប្រមូលលុយនោះឯង។
ដោយឡែកផ្ទុយទៅវិញ បើទោះជាមានការបៀមឈាមព្រោះដាក់គ្នាយ៉ាងណាក៏ដោយក៏ធាតុពិតប្រធានផ្នែក និងអនុប្រធាន ហិរញ្ញវត្ថុខាងលើបានទម្លាយថារឿងលុយនោះ គឺបានប្រគល់ទៅឱ្យប្រធានមួយដែលគេពុំទាន់បញ្ចោញឈ្មោះ ប៉ុន្តែក្នុងរឿង នេះទោះបីជា គេដោះសារថា មានមេតាមៗផ្នែកស្អេកស្កះជាអ្នកទទួលខុសត្រូវក៏ដោយក៏ការបាត់លុយទាំងស្រស់ៗរបស់ទូរ គមនាគមន៍ ទាំងមូលនេះ គឺគេចពុំផុតពីការទទួលខុសត្រូវរបស់ប្រធាន ឡាយ ម៉ារីវ៉ូ ដែរ ។
ជាងនេះទៅទៀត ក្រុមមន្ត្រីក៏បានស្នើសុំឱ្យអង្គភាពប្រឆាំងអំពើពុករលួយ និងរដ្ឋមន្ត្រីក្រសួងនេះ គួរតែដាក់ការស៊ើបអង្កេត យ៉ាងក្តៅគគុកពីករណីនេះ ព្រោះថា អាចមានការកឹបកេងយកលុយនោះតាមរយៈខ្សែបណ្តោយ ហើយបើគ្មានការស៊ើប អង្កេតឱ្យបានដាក់លាក់ទេនោះ អាចត្រឹមបានចាប់មន្ត្រីកំប៉ិចកំប៉ុកឱ្យទទួលខុសត្រូវចំពោះកំហុសឆ្គងរបស់ចោរធំនូវពីក្រោយ ប៉ុណ្ណោះ ។
មានការបង្ហើបលើកឡើងទៀតថា រឿងបែកធ្លាយស៊ីដិចា់លុយចំណូលរាប់សិបម៉ឺនដុល្លារ គឺជាការបែកពោះស៊ីដាច់មិនចែកគ្នា មួយ ដែលឈានក្លាយទៅជាទំនាស់ទម្លាយរឿងអាស្រូវនេះចេញ ហើយបើគេស្មានមិនខុសពីការសង្ស័យថា ជាមេក្លោងអាច ជាប់ពាក់ព័ន្ធនូវពីក្រោយការបាត់លុយដ៏សន្ធឹកសន្ធាប់នោះ គឺម៉ាហ្សៀ ឡាយ ម៉ារីវ៉ូ គេចមិនផុតពីការសង្ស័យនោះទេ ! ព្រោះថា គ្រាន់តែឡើងកាន់អំណាចជាអគ្គនាយកភ្លាមក្រអឺតក្រទមមិនទាន់បានមួយឆ្នាំស្រួលបួលផង បែរជាបែកធ្លាយរឿង អាស្រូវពុករលួយដល់ទៅពីរលើកទៅហើយ មើលទៅតំណែងរបស់គាត់ទំនងជាពុកផុយហើយ ឮលៀងៗមកថា អោក បូរ៉ា ដែលជាអគ្គនាយកប្រៃសនីយ៍កម្ពុជានោះ ទំនងជាស្រេកឃ្លានកន្លែងខ្លាញ់មួយនេះណាស់..!។/
Recent Comments