ខេត្តរតនគិរី ៖ តាមប្រភព ពីប្រជាពលរដ្ឋ រស់នៅក្បែរក្រុមហ៊ុន បានឲ្យដឹងថា មេការក្រុមហ៊ុន CRD ដែលគេស្គាល់ឈ្មោះ សូលី សញ្ជាតិខ្មែរ មើលការខុសត្រូវ ឲ្យក្រុមហ៊ុនចិន CRD ហើយក្រៅពីមើលការងារ នៅក្នុងក្រុមហ៊ុន ឈ្មោះ សូលី បានឆ្លៀតឱកាស ចូលទៅលួចកាប់ឈើ ក្នុងដែនព្រៃសហគមន៍ ដើម្បីអារជ្រៀក ហើយដឹកជញ្ជូនឈើ ចេញទៅលក់ បានយ៉ាងរលូន ដោយជ្រកក្រោមស្លាក និងអាជ្ញាបណ្ណ័ត្រឹមត្រូវ ធ្វើឲ្យអាជា្ញធរ និងសមត្ថកិច្ចពាក់ព័ន្ធ បានសើមមាត់សើម.ក ។
ឈើហ៊ុបមូល ប្រភេទឈើក្រហម កំពុងដឹកជញ្ជូនចេញពី តំបន់ព្រៃសហគមន៍ ស្ថិតក្នុងភូមិកាំ ឃុំល្អក់ ស្រុកអូរជុំ ខេត្តរតនគិរី ត្រូវបានប្រជាពលរដ្ឋ ប្រទះឃើញ កាលពីថ្ងៃទី២១ ខែកញ្ញា ឆ្នាំ២០១៥ ដោយជ្រកនៅក្នុង ក្រុមហ៊ុនCRD ដីសម្បទានសេដ្ឋកិច្ច ដាំដំណាំកសិឧស្សាហកម្មកៅស៊ូ ដើម្បីធ្វើជាខែលបិទបាំង ការលួចកាប់បំផ្លាញឈើ នៅក្នុងព្រៃសហគមន៍ ខាងលើនេះ។
ប្រភពបានបន្តថា នៅក្នុងក្រុមហ៊ុន ខាងលើនេះ មានដាក់ម៉ាស៊ីនរ៉ៃ ខ្នាតយក្ស ជាច្រើនគ្រឿន បម្រុងត្រៀមអារ និងជ្រៀកឈើមូល ដែលលួចកាប់បំផ្លាញ ឲ្យរលាយពីព្រៃសហគមន៍ នាពេលដ៍ខ្លីខាងមុខនេះ។ ហាជនបានសំណូមពរដល់ អភិបាលខេត្ត មេត្តាបើកយុទ្ធនាការ ចុះត្រួតពិនិត្យក្រុមហ៊ុន CRD ខាងលើនេះផង ថាតើក្រុមហ៊ុនទាំងនេះ មានច្បាប់និងអាជ្ញាបណ្ណ័ លួចកាប់បំផ្លាញព្រៃឈើ ក្នុងតំបន់ហាមឃាត់ ជាព្រៃសហគមន៍ យ៉ាងអាធិបតេយ្យ ឬក៏យ៉ាងណា ៕
Recent Comments