ក្រចេះ ៖ បែកធ្លាយសកម្មភាពនៃការចរាចរដឹកជញ្ជូនឈើតាមដងទន្លេមេគង្គ ចាប់ផ្តើមដំណើរការហើយនារដូវទឹកឡើងនេះ គឺក្រុមឈ្មួញបានប្រើប្រាស់រូបភាពដឹកតាមកាណូតតូចធំ ឬតាមក្បូនព្យាង ដោយធ្វើការដឹកជញ្ជូនពីទន្លេមេគង្គលើ ឆ្លងកាត់ខេត្តក្រចេះឆ្ពោះទៅខេត្តត្បូងឃ្មុំ និងខេត្តកំពង់ចាមបានដោយរលូន ។ ហើយដែលថ្មីៗនេះ ត្រូវបានគេទម្លាយថា មេព្រៃរាប់ក្បួនឈើគោះយកលុយរាប់សែនដុល្លារយ៉ាងត្រូវប៉ាន់បំផុត ។
តាមជាក់ស្តែងកាលពីចុងសប្តាហ៍កន្លងទៅ មានក្បួន ឈើស្រឡៅមូល រាប់រយដើម ធ្វើដំណើរចេញពីដងទន្លេមេគង្គ លើទឹកដីនៃខេត្តស្ទឹងត្រែង ឆ្លងកាត់ស្នាក់ការមន្ត្រីជំនាញរដ្ឋបាលមន្ត្រីព្រៃឈើខេត្តក្រចេះ ជាច្រើនកន្លែង សម្របសម្រួល ធ្វើដំណើរទៅបានដោយរលូន តែនៅតែគេចមិនរួច ត្រូវបានសមត្ថកិច្ចខេត្តកំពង់ចាមចាបបង្ក្រាបបាន ។
ករណីសង្ស័យថា មានបង្កប់ឈើអារនិងឈើមូលជាច្រើនម៉ែត្រគូបត្រូវបានជំនាញផ្នែក រដ្ឋបាលព្រៃឈើក្រចេះ ចាប់ឃាត់អស់រយៈពេល១យប់១ថ្ងៃ តែត្រូវដោះលេង ទៅវិញស្ងាត់ៗនៅប្រឡប់ថ្ងៃទី៦ ខែកញ្ញានេះ បន្ទាប់ម្ចាស់ក្បូន បានព្យាយាមចរចាជាមួយមន្ត្រីជំនាញខណ្ឌរដ្ឋបាលព្រៃឈើ និងមន្ត្រីផ្នែករដ្ឋបាលព្រៃឈើក្រចេះ ដោយចំណាយលុយអស់រាប់សែនដុល្លារ បានដោយជោគជ័យក្នុងរយៈពេលពេញ មួយថ្ងៃ១យប់នោះ ។
តាមប្រភពពីមន្ត្រីនិយាយថា ក្បូនឈើមួយនេះត្រូវបានមន្ត្រីខណ្ឌនិងផ្នែករដ្ឋបាលព្រៃឈើក្រចេះ ចាប់អូសចូលខាង កាលពីប្រលប់ថ្ងៃទី៥ខែកញ្ញា នៅចំនុច មុខវត្តបុស្សលាវ ក្នុងឃុំបុស្សលាវ ស្រុកចិត្របុរី ខេត្តក្រចេះបន្ទាប់ពីគេសង្ស័យថា មានការចរចាតម្លៃគ្នាមិនត្រូវរ៉ូវគ្នាក្នុងតម្លៃលុយលានដុល្លារ ។
ប្រភពបន្តថា ការចាប់ឃាត់ក្បូននេះក្រោមបទមេព្រៃសង្ស័យថា មានបង្កប់ឈើជាច្រើនម៉ែត្រគូប ហើយក្រោយពីចាប់ ឃាត់រួចមក គេសង្កេតឃើញម្ចាស់ក្បូនឈើនោះស្វះស្វែងរត់រកជួបមេព្រៃនៅទីតាំង ស្នាក់ការរបស់មន្ត្រីរដ្ឋបាលព្រៃឈើ នៅក្បែរមណ្ឌលសុខភាពបុសលាវ ហើយការចាប់ឃាត់នោះទៀតសោធន៍ គ្រាន់តែចាប់អូសចូលខាង គំរាមគោះលុយទុក ចរចាគ្នាប៉ុណ្ណោះ ។ ព្រោះពុំមានមេព្រៃរើដើម្បីឆែកឆេរនោះទេ ដំណាក់កាលចុងក្រោយចរចាត្រូវគ្នា គឺដោយមន្ត្រីជំនាញ ខណ្ឌរដ្ឋបាលព្រៃឈើម្នាក់ Lobby ឆ្លើយថា គ្មានឈើបង្កប់ដូចការសង្ស័យនោះទេ គឺចប់ ហេ៎ស..! គ្រប់ទឺកចាប់គោះរាប់ សែនដុល្លារ ។
ដោយឡែក ប្រភពពីអ្នកដែលបានចុះ មុជទឹកត្រួតពិនិត្យក្បូននោះ បាននិយាយថា ក្បូនឈើមួយនេះត្រូវបានគេចង់ បណ្តែត អូសពុកផុយ ដើម្បីបំភាន់ភ្នែកជាក់ស្តែងពីលើ គឺមានឈើមូលធំៗនិងឈើអារជាច្រើនពាន់ម៉ែត្រគូប នៅបង្កប់ពីក្រោមដឹក ចេញពីខេត្តស្ទឹងត្រែងឆ្ពោះទៅខេត្តកំពង់ចាម។
ដោយឡែក ពាក់ព័ន្ធនិងករណីឃុបឃិតចាប់គោះយកលុយដោះលេងក្បូនឈើត្រូវបានបែកធ្លាយខាងលើ ដែលគេសង្ស័យថា មានបង្កាប់ឈើរាប់សិបម៉ែត្រគូបនោះមិនអាចសុំការបកស្រាយពីមន្ត្រី រដ្ឋបាលព្រៃឈើក្រចេះបានទេ តែមជ្ឈដ្ឋានមួយចំនួន បានដាក់ការសង្ស័យថា ការដោះលេងក្បូនឈើនេះ អាចនិងត្រូវរ៉ូវគ្នាជាមួយម្ចាស់ក្បូនឈើរាប់សែនដុល្លារ ទើបមេព្រៃដោះ លេងទៅវិញ ស្ងាត់ដោយមិនមានការឆែកឆេរបែបនេះ ហេ៎ស..គិតទៅពិតជាមេមាត់ពងលើស្រូវមែន (Sic)។/
សំបូរ
Recent Comments