ខេត្តឧត្តរមានជ័យ ៖ វាជារឿងដ៏អាម៉ាស់មុខ ១ ដែលលោក អ៊ុក គឹមលី ត្រូវបានគេស្គាល់ថា គាត់គឺជាប្រធាន ស្នាក់ការទំនាក់ទំនងព្រំដែននៃច្រកទ្វារអន្តរជាតិអូរស្មាច់នោះ បែរជារងការចោទប្រកាន់ថា រំលោភប្រើអំណាច ប្តឹងចោទលើប្រជាពលរដ្ឋ ៣នាក់ ទាំងបំពានទៅតុលាការហើយនូវពេលដែលលោក អ៊ុក គឹមលី ជំពាក់លុយ ប្រជាពលរដ្ឋនូវឡើយ ហើយក៏ត្រូវក្រុមប្រជាពលរដ្ឋប្តឹងបកវិញ ទៅអង្គភាពប្រឆាំអអំពើពុករលួយនោះ ។
តាមប្រជាពលរដ្ឋ ៣នាក់រស់នៅភូមិទួលស្វាយ ឃុំត្រញំង តាវ ស្រុកអន្លង់វែង ខេត្តឧត្តរមានជ័យ ត្រូវបានលោក អ៊ុក គឹមលី ប្រធាន ស្នាក់ការទំនាក់ទំនងព្រំដែនកម្ពុជា-ថៃ ច្រកអូរស្មាច់ប្តឹងទៅសាលាដំបូងខេត្ត ឧត្តរមានជ័យ ដោយចោទប្រកាន់ពីបទ រំលោភលើទំនុកចិត្ត និងពីបទឆបោក ។ ហើយដែលក្រុមប្រជាពលរដ្ឋអះអាងថា ជននេះ បានប្រឌិតរឿងប្តឹងប្រើអំណាចគេចវេសពីការជំពាក់លុយ ៩៤០០ដុល្លារ នោះជាការគំរាមទុកមុនដោយខ្លួនប្រជា ពលរដ្ឋទារលុយរឿងជួលឱ្យកាប់ព្រៃ ។
បើតាមក្រុមប្រជាពលរដ្ឋ៣នាក់ដែលរងបណ្តឹង ចោទប្រកាន់ទី១-ឈ្មោះ ជា រ៉ា ភេទប្រុស អាយុ៣៨ឆ្នាំ ទី២-ឈ្មោះ ណាត់ សុវណ្ឌី ភេទប្រុស អាយុ៤៩ឆ្នាំ និងទី៣-ឈ្មោះ ឡុង ទក់រស់នៅក្នុងភូមិឃុំខាងលើ ។ ហើយបើតាម ការឱ្យដឹងពីឈ្មោះជារ៉ាថា កាលពីឆ្នាំ២០១៣លោកមានការពាក់ ព័ន្ធជាមួយនិងលោក អ៊ុក គឹមលី ទិញដីឱ្យ តែលុយកក់មិនបានធ្វើក្រដាសស្នាមនោះទេ ! ហើយដោយសំអាងអំណាចបានដើរយកដីប្រជាពលរដ្ឋរាប់រយហិកតា តាមអំណាចទិញដីកក់នោះទាំងបំពានច្បាប់ មកធ្វើជារបស់ខ្លួនបណ្តាលធ្វើឱ្យក្រុមប្រជាពលរដ្ឋក្តៅក្រហាយជាខ្លាំង និងរងការបាត់បង់ដីស្រែជាច្រើនគ្រួសារ ដោយសារតែទង្វើបំពានច្បាប់របស់លោក អ៊ុក គឺមលី ។
ដូចជា លុះក្រោយមកបានជួលពួកលោកឱ្យមក ត្រួសត្រាយព្រៃលើដីស្រែចម្ការមួយ កន្លែងស្ថិតនៅក្នុងភូមិសាមគ្គីភូមិត្រពាំងប្រិយ៍ ដែលមានចំនួន១១៥ហិកតា ។ ឱ្យឈ្មួញថ្លៃកាប់ឆ្កា ក្នុង១ហិកតាតម្លៃ១០០ដុល្លារដោយ បានទទួលប្រាក់កក់កាលពីថ្ងៃទី១៩ ខែកុម្ភៈ ២០១៣ចំនួន១៩០០ដុល្លារ ដោយនៅខ្វះ ថ្លៃពលកម្មចំនួន៩៤០០ដុល្លារទៀត ។ គឺឈ្មោះ អ៊ុក គឹមលី មិនបានឱ្យលុយ ថ្លៃពលកម្មតាមគ្រប់ចំនួនមកឱ្យពួកគាត់ គ្រប់ទេហើយបែរជាប្តឹងពួកគាត់ទៅ តុលាការថែមទៀត ។
គួររំលឹកក្រោយបណ្តឹងនេះអយ្យការសាលា ដំបូងខេត្តឧត្តរមានជ័យ បានចេញដីកាបង្គាប់ឱ្យពួកគាត់ទាំង ៣នាក់ ចូលខ្លួនបំភ្លឺនៅថ្ងៃទី២៦ ខែសីហា ឆ្នាំ២០១៥កន្លងមកនេះ ។
ផ្ទុយទៅវិញ ក្រុមប្រជាពលរដ្ឋទាំង៣នាក់ ដែលលោកអ៊ុក គឹមលី ប្តឹងចោទប្រកាន់បានអះអាងថាខ្លួនមិន បានប្រព្រឹត្តអ្វីខុសហើយជាអ្នកស្អាតស្អំ ដូច្នេះពួកគាត់បានប្តឹងតប និងលោក អ៊ុក គឹមលី ទៅអង្គភាពប្រឆាំងអំពើពុករលួយវិញផងដែរ កាលពី ថ្ងៃទី២៤ ខែសីហា ឆ្នាំ២០១៥ ដើម្បីឱ្យ អង្គភាពនោះតាមដានការចុះបញ្ជីទ្រព្យ សម្បត្តិនិងដាក់ការស៊ើបអង្កេតទៅលើសំណុំរឿងដែលលោក អ៊ុក គឹមលី ប្តឹង មកលើពួកគាត់ថាជាការបំពានអាងមាន អំណាចមានលុយសូកប៉ាន់និងនិយមបក្ខពួកត្រូវរ៉ូវ និងតុលាការជាដើម នោះ ។
ដោយឡែក លោក អ៊ុក គឹមលី ប្រធានការិយាល័យ ទំនាក់ទំនងព្រំដែនកម្ពុជា-ថៃបានដោះសារប្រាប់អ្នកសារព័ត៌ មានឱ្យដឹងថា កាលដែលរូបលោកប្តឹងឈ្មោះទាំង៣នាក់ខាងលើទៅសាលាដំបូងខេត្តឧត្តរ មានជ័យ គឺចង់ឱ្យតុលាការរកយុត្តិធម៌ ជូនលោកដែលពួកគេទាំង៣នាក់បាន យកប្រាក់កក់ថ្លៃលោកទិញដីរួចពួកគេ មិនមានដីឱ្យទើបលោកមិនបានឱ្យលុយ គ្រប់ចំនួននោះ ។
ដោយឡែក ជាងនេះទៅទៀតបើតាមការឱ្យដឹងពីអាជ្ញាធរមូលដ្ឋានមួយចំនួន ដែលបាត់បង់ដីធ្លីបានរិះគន់ថា លោក អ៊ុក គឹមលី ជាមនុស្សខិលខូចពុករលួយប្រើអំណាចយកដីធ្លី និងដើរបំពានបង្ខូចប្រជាពលរដ្ឋតាមតែ អំពើចិត្ត ។
ជាក់ស្តែងតាមការបកស្រាយ គឺគាត់បានប្រើអំណាចទៅរំលោភបំពាន យកដីប្រជាពលរដ្ឋ១៤០ហិកតាស្មើនឹង២២គ្រួសារនៅភូមិ-ឃុំខាងលើថា ជាកម្មសិទ្ធិរបស់ខ្លួនដោយរឿងទាំងនេះបង្កទំនាស់ អូសបន្លាយជាច្រើនខែឆ្នាំមកហើយទើបអាជ្ញាធរ ស្រុកខេត្តកាត់ទៅឱ្យប្រជាពល រដ្ឋវិញ ។ បច្ចុប្បន្នឈ្មោះ អ៊ុក គឹមលីនៅ តែបន្តសកម្មភាពវឹកវរដូចពីមុនឥត ឈប់ឈរសោះហើយ ដែលបញ្ហានេះគួរតែអង្គភាពប្រឆាំងអំពើពុករលួយដាក់ការស្រាវជ្រាវរឿងនេះជាបន្ទាន់ផង ។/
ដោយ ៖ អរុណ
Recent Comments