ខេត្តកំពង់ឆ្នាំង៖ប្រធានមន្ទីរសាធារ​ណការ ​និ​ងដឹកជញ្ជូនខេត្តកំពង់ឆ្នាំង  លោក កែវ ពៅ រងការរិះគន់ថា ជាមន្ទីរគ្រួសារនិយម​ក្នុងការតែងតាំង កូនរបស់ខ្លួនចំនួន២នាក់ ​ ជា​ប្រធានការិយាល័យសាធារណការ  និង អនុប្រធាន គណនេយ្យរបស់មន្ទីរ   និងពាក់ព័ន្ធអំពើពុករលួយ ដ៏ធ្ងន់ធ្ងរ  របស់​លោ​កកែវ ពៅ  ប្រធានមន្ទីរសាធារណការ  និងដឹកជញ្ជូនខេត្តកំពង់ឆ្នាំង  ដែលត្រូវបានគេប៉ាន់ ប្រមាណជាទឹកប្រា​ក់ខ្ទង់​​លានដុល្លារ  ពីគម្រោង ជួសជុលផ្លូវនៅក្នុងខេត្តកំពង់ឆ្នាំង។
ប្រភពបានបង្ហើបផងដែរថា លោក​កែវ ​ពៅ ក៏​​មានទាក់ទងទៅនឹងការផ្តល់ប័ណ្ណបើកបរ រថយន្តដ៏ច្រើនលើសលប់ដោយសេរីដូ​ចលក់ត្រីនៅផ្សាររបស់លោកកែវ ពៅនៅពេ​លកន្លងមក ស្ថិតិនៃការផ្តល់ប័ណ្ណបើកបររថយន្តសរុបក្នុងខែធ្នូ ឆ្នាំ២០១៤ កន្លង ទៅមានចំនួនសរុប ៣៤៥៣ សន្លឹកហើយ ​ដែ​លក្នុងមួយសន្លឹកលោកកែវ ពៅ ទទួលបាន៣០$។ដូច្នេះគ្រាន់តែក្នុងខែធ្នូនេះលោកអាចរកចំ​ណូ​លបាន ជាង១០ម៉ឺនដុល្លារ ដប់ម៉ឺនដុល្លារ។
ទាក់ទងទៅនឹងការតែងតាំងកូនប្រុសបង្កើ​តរ​បស់ខ្លួន​ឈ្មោះ ឡេង រដ្ឋា ពីរឆ្នាំជាប់ៗគ្នាពីអនុប្រធានការិយាល័យ​សាធារណការឡើងទៅជាប្រធាន ការិយាល័​យសាធា​រណការដែលជាកន្លែងខ្លាញ់និងកូនស្រីឈ្មោះ កែវ ដាលីន ជាអនុប្រធានគណនេយ្យ របស់មន្ទីរខណះពេ​លដែល​ឈ្មោះឡេង រដ្ឋានេះទើបតែចូលបំរើការងារ បានទើបតែពីរឆ្នាំប៉ុណ្ណោះដោយពុំបានគិតគូរ​ពីមន្ត្រីចា​ស់ៗដែលមានស្នាដៃម្ភៃសាមសិបឆ្នាំមកនោះឡើយ។ដែលប្រការនេះបានធ្វើអោយមានការថ្នាំងថ្នា​ក់បែកបា​ក់សាមគ្គីផ្ទៃក្នុងជះឥទ្ធិពលដល់អង្គភាពយ៉ាងធ្ងន់ធ្ងរដោយគ្រប់គ្នា​បានដាក់ឈ្មោះមន្ទីរនេះថាជាមន្ទីរគ្រួសារ។ ​ហើយដែ​លការតែងតាំងនេះផងដែរគឺបានផ្ទុយពី សហលក្ខន្កិកៈមន្ត្រីរាជការស៊ីវិលវាមិនដែល​អ្នកណាធ្វើ​ការបានតែពីរឆ្នាំឡើងតំណែងទាំងពីរឆ្នាំជាប់ៗគ្នាពីអនុការិយាល័យ ដល់ទៅប្រធានការិយាល័យនោះឡើយ។
សូមរំលឹកថាកន្លងមក លោក ទេសរដ្ឋមន្ត្រីឱ​ម យិនទៀ​ង ប្រធានអង្គភាពប្រឆាំងអំពើពុករលួយ ធ្លាប់បានប្រកាសថា ប្រសិនបើឪពុកជា ប្រធានមន្ទីរ​ ហើយកូនរបស់ខ្លួនជាប្រធានកា​រិយាល័យ ​ករណីនេះត្រូវមានម្នាក់លាលែងតំណែងចេញ មិនអាចនៅអង្គុយទាំង២នាក់ បានឡើយ គឺដើម្បីចៀសវាង ប៉ះពាល់ផលប្រ​យោជន៏រ​បស់រដ្ឋ ក៏ដូចជាមានការថ្នំាថ្នាក់ពីមន្ត្រីក្រោមឱវាទនិងបានធ្វើខុសយ៉ាងធ្ងន់ធ្ងរ ផ្ទុយនិង អនុសាសន៍របស់ប្រមុខរាជរដ្ឋាភិបា​លដែលបា​នដាក់ចេញនូវពាក្យស្លោកដើម្បីកាត់បន្ថយគ្រោះថ្នាក់ចរាចរណ៍ថា “ថ្ងៃនេះ ថ្ងៃស្អែក កុំអោយមានគ្រោះថ្នាក់ចរាចណ៍”។ផ្ទុ​យពីអនុ​សាសន៍របស់សម្តេចតេជោហ៊ុន សែន ហាមប្រាម ដាច់ខាតមិនអោយកើតមានក្រសួង និងមន្ទីរគ្រួ​សារខ​​ណះពេលដែលខ្លួនជាមេក្នុងការអនុវត្តន៍ច្បាប់។ករណីនេះប្រធានអង្គភាពប្រឆាំងអំពើពុករលួយ​ គួរតែ​​ធ្វើកាស៊ើបអង្កេតជាបន្ទាន់ផងដែរ ចៀសវាងរងការរិះគន់ថាបានតែត្រឹមធ្វើការព្រមា​នតែ​មិនហ៊ានអនុវត្តន៏។
សារពត៌មាននិងលើកយកករណី៣ដើ​​ម្បីធ្វើការផ្សាយនៅលេខក្រោយ ពាក់ព័ន្ធនឹងអំពើពុករលួយមានដូចជា​ទី១លើទឹកប្រាក់ ជាង ៤០០ពាន់លានរៀល(ជាង១លា​​នដុល្លារ) ជាគម្រោងសម្រាប់ជួសជុលនិងថែទាំផ្លូវ ក្នុងខេត្ត ទី២គម្រោងស្នើសុំជួលជុលនិងថែទាំផ្លូវនៅរដូងប្រាំង ​​ធ្លាយដល់រដូវវស្សា និងទី៣ គម្រោងសម្រាប់គ្រោះមហន្តរាយនូវរដូវវស្សា ដែលរឿងរ៉ាវទាំងឡាយនេះគឺមានពាក់ព័ន្ធនិងអំពើពុក​​រលួយជាលក្ខណះប្រព័ន្ធចាប់តាំងពីថ្នាក់រដ្ឋលេខាធិការ អនុរដ្ឋលេខាធិការ អគ្គនាយក ប្រធាននាយកដ្ឋាន​ និងមន្ទីរ៕