បាត់ដំបង ៖ ថ្មីៗលោក ចាន់ សុផល អភិបាលខេត្តបាត់ដំបង ត្រូវបានគេសម្លឹងឃើញថា អសមត្ថភាពហើយពុករលួយថែមទៀត ហ៊ានប្រឆាំងទៅនឹងគោលនយោបាយច្បាប់រដ្ឋរបស់ក្រសួងមហាផ្ទៃ ដែលដាក់ចុះឱ្យគ្រប់អាជ្ញាធរក្នុងប្រទេសកម្ពុជា ត្រូវបានអនុវត្តឱ្យបាននូវគោលនយោបាយភូមិ-ឃុំសង្កាត់មានសុវត្ថិភាពនោះជាអាទិ៍ភាព ។
ហេ៎ស ! ជាការអស់សំណើចបំផុត ព្រោះថាទំនងបែបល្បែងកត់ឆ្នោត បាល់ទាត់ កន្ទុយលេខ មិនទាន់មានស្រោម សំបុត្របង់អាករខែថ្ងៃចូលទៅតាមហោប៉ៅផ្ទាល់ខ្លួនឯកជន និងកេសខ្មៅរបស់ខេត្តបាត់ដំបងនោះ ទើបថ្មីៗនេះគេ ឃើញលោក ចាន់ សុផល ដែលអតីតជាមេហិរញ្ញវត្ថុ មន្ទីរខេត្តសៀមរាប ដែលសំបូររឿងអាស្រូវ និងបច្ចុប្បន្នជា គណៈអភិបាលខេត្តបាត់ដំបង គេទើបឃើញកំរើកសកម្មភាពល្បែងកត់កន្ទុយលេខជាលើកដំបូងយកបុង ឬស្នាដៃ ឱ្យក្រសួងមហាផ្ទៃមើលថា គាត់ពិតជាអនុវត្តនយោបាយភូមិ-ឃុំសុវត្ថិភាពមែនតែធាតុពិតត្រូវបានគេសង្ស័យថា ជាការបង្ក្រាបគៀងគរឱ្យមេឆ្នោតបាល់ មេកន្តុយលេខ និងមេបនល្បែងបៀរប៉ោងរត់ជ្រកដឹង ! ។
តាមករណីចោទប្រកាន់ពីសំណាក់ក្រុមប្រជាពលរដ្ឋយ៉ាងចំៗថា អសមត្ថភាព និងឃុបឃិតពូករលួយប្រឆាំងទៅនឹង អនុសាសន៍នយោបាយរបស់ក្រសួងមហាផ្ទៃនេះ ព្រោះគេថា ឃើញបង្ក្រាបកន្ទុយលេខតែត្រង់ល្បែងទឹកភ្លៀងដ៏ធំ មានវង់ល្បែង និងមេបនល្បែងធំៗគ្រប់ប្រភេទជ្រកពីក្រោមលេងឈ្នះចាញ់១ថ្ងៃៗ លុយរាប់សែនដុល្លារនោះ ហេតុម្តេចក៏លោកអភិបាលខេត្តមិនបញ្ជាឱ្យស្នងការ ស ថេត និងមេបញ្ជាការអាវុធហត្ថ ប៉ោ វណ្ណៈ ចុះបង្ក្រាបផង ។
ទោះបីសកម្មភាពចុះបង្ក្រាបល្បែងកន្ទុយលេខ នៅក្រុងបាត់ដំបង ក្រោមអំណាចលោក ច័ន្ទ សុផល ជាគណៈបញ្ជា ការឯកភាពខេត្ត ទទួលបានលទ្ធផលល្អក៏ពិតមែន ! ប៉ុន្តែរឿងដែលចម្លែក គឺល្បែងភ្នាល់ទឹកភ្លៀងដែលដាក់ទីតាំង នៅចំណុច ស្រែ ១០០ ក្នុងសង្កាត់អូរចា ក្រុងបាត់ដំបង ហាក់ពុំដែលឃើញមានចំណាត់ការចេញពីលោកអភិបាល ខេត្ត ចាន់ សុផល និងលោកស្នងការ ស ថេត និងប៉េអឹម ប៉ោ វណ្ណៈ ទាល់តែសោះ ឬមួយក៏ត្រូវបានមេល្បែងទឺក ភ្លៀងបង់លុយឱ្យ១ខែៗតាម ឋានានុក្រមធំតូច ៣០០០-៥០០០-១ម៉ឺនដុល្លារ គេថាមែន ! ។ ព្រោះរហស្សនាម អាត្នោតជុំ និងអាតាល់ ដែលជាមេខ្លោង កាងល្បែងទឹកភ្លៀងនៅ ខេត្តបាត់ដំបង បានអួតពើងទ្រូងបង្កើតសាខា នៅតាមបណ្តាផ្សារគ្រប់ទីកន្លែងក្នុងខេត្តថែមទៀតថា មិនខ្លាចនរណាបង្ក្រាបទេ ! ព្រោះខ្លួនបង់លុយបិទមាត់រាល់មន្ត្រីពាក់ព័ន្ធ ១ខែៗរាប់សែនដុល្លារឯណោះ រួមនិងចំណាយមិន តិចទេ ដើម្បីបិទមាត់អភិបាលខេត្ត ចាន់ សុផល និងលោកស្នងការ ស ថេត នោះ។
មានការចោទសួរតាមទូរស័ព្ត បន្ទាប់ពីប្រតិបត្តិការចុះបង្ក្រាបល្បែងកន្ទុយលេខ ដោយលោកស្នងការនគរបាលខេត្ត បាត់ដំបង ស ថេត ថា បើល្បែងភ្នាល់ទឹកភ្លៀងនៅខេត្តបាត់ដំបង លោកចៅហ្វាយខេត្ត ច័ន្ទ សុផល និងលោកស្នងការ មិនហ៊ានចុះ បង្ក្រាប ព្រោះតែខ្លាចបាត់បង់ផលប្រយោជន៍ធំទៅហើយនោះ គួរដាក់បញ្ចូលល្បែងភ្នាល់ទឹកភ្លៀងក្នុងខេត្តមួយនេះ ទៅជា ល្បែងប្រពៃណីល្បែងភ្នាល់ប្រចាំខេត្តតែម្តងទៅ ។ ព្រោះបើគ្រាន់តែជនទុច្ចរិតបង្កើតល្បែងស៊ីសងភ្នាល់ទឹកភ្លៀងដុះស្លែតាំង ពីសម័យកាលអតីតអភិបាលខេត្ត ប្រាជ្ញ ច័ន្ទ រហូតមកដល់អភិបាលខេត្ត ច័ន្ទ សុផល ក៏នៅតែមិនអាចមានសមត្ថភាពក្នុងការ បង្ក្រាបបទល្មើសល្បែងស៊ីសងឱ្យស្មើភាពគ្នាបានផងនោះ គឺវាបានជះឥទ្ធិពលដល់អំណាចអសកម្មរបស់គណៈបញ្ជាការឯកភាព ខេត្ត ដែលមានបុព្វសិទ្ធិបញ្ជាទាំងកម្លាំងកងរាជអាវុធហត្ថ កម្លាំងយោធាខេត្ត និងកម្លាំងនគរបាលខេត្តក្នុងការទប់ស្កាត់បទ ល្មើសចោរកម្ម និងអសន្តិសុខភូមិ-ឃុំសុវត្ថិភាពនោះ ។ តើអាចចាត់ទុកបានថា ជាថ្នាក់ដឹកនាំដែលមានសមត្ថភាពពិតប្រាកដ បានដោយរបៀបណា ? ។ ករណីនេះ អាចចោទប្រកាន់ទេថា ប្រឆាំងទៅនឹងក្រសួងមហាផ្ទៃនោះ ។
ក្រុមប្រជាពលរដ្ឋនៅខេត្តបាត់ដំបង បានសម្តែងនូវការមិនពេញចិត្តទាល់តែសោះ ចំពោះចំណាត់ការលោកអភិបាល ខេត្ត ច័ន្ទ សុផល ដែលហ៊ានដាក់បទបញ្ជាឱ្យលោកស្នងការ ស ថេត អនុវត្តចុះបង្ក្រាបតែទៅលើល្បែងកន្ទុយលេខ ប៉ុន្តែបែរជា មើលមិនឃើញមេល្បែងភ្នាល់ទឹកភ្លៀងដុះស្លែតែងតែមកប្រជុំក្បាលគ្នានៅបេនឡានផ្សារបឹងឈូក រហូតសម្តែងការហ៊ោ កញ្ច្រៀវ ពេញបេនឡាននៅពេលមានភ្លៀងធ្លាក់ម្តងៗដូចក្រុមសង្គមងងឹត ។ ហើយមានការចោទសួរថា បើគ្រាន់តែចេញ មុខបង្ក្រាបល្បែងកន្ទុយលេខ រួចការ ពារល្បែងភ្នាល់ទឹកភ្លៀងបែបហ្នឹង វាស័ក្តិសមជាថ្នាក់ដឹកនាំដែលអនុវត្តយកច្បាប់ជាធំ ឬគ្រាន់តែអនុវត្តតាមការចង់បានរបស់ មេល្បែងភ្នាល់ទឹកភ្លៀងដែលមានរហស្សនាមត្នោតជុំ និងអាតាល់ ដើម្បីពង្រីកឱ្យមាន សេវាល្បែងភ្នាល់ទឹកភ្លៀងកាន់តែមាន ការពេញនិយមក្នុងអាណាចក្រខេត្តបាត់ដំបងមែន ! ឬក៏មេកត់បាល់ទាត់ មេល្បែង បៀរ អាប៉ោងសៃវៀនបញ្ជល់មាន់អស់នោះពុំទាល់ទៅចុះឈ្មោះបង់ខែដល់ហោប៉ៅឯកជនតាមលេខរៀងនោះ ។
ការិយាល័យយើងសូមជូនយោបល់ទៅចុះថា បើចង់មានឈ្មោះល្បីប្រឆាំងទៅនឹងគោលនយោបាយភូមិ-ឃុំមានសុវត្ថិភាព ដែលមហាផ្ទៃដាក់ចុះនោះ ក៏គួរកុំបង្ក្រាបល្បែងកន្ទុយលេខស្អី ! នោះ ទើបវាស្មើភាពពិតប្រាកដ ។ ហើយឯល្បែងភ្នាល់ទឹក ភ្លៀងមេធំប្រចាំខេត្តបាត់ដំបង ដែលបង្កប់ និងក្រុមភេរវកម្មបទល្មើសចោរ និងជនគ្រឿងញៀនគ្រប់ជំពូកនោះ គឺបាន ចំណាយលុយរាប់សែនដុល្លារ ១ខែៗ ទើបបិទមាត់អាជ្ញាធរដែលមានអំណាចបង្ក្រាបវា ឱ្យបានលេងយ៉ាងខុសច្បាប់នេះ គេមិនជឿថា ឧបនាយករដ្ឋ ស ខេង មហាផ្ទៃ មិនដឹងនោះទេ ។/
Recent Comments