ស្តាប់​មន្ត្រី​បើ​ក​កកាយ​អំ​ពើពុករលួយ​ក្នុង​​ការដោះដូរ​ទីតាំង​​ពន្ធនាគា​រ​ខេត្ត​កំ​ពត !

ស្តាប់មន្ត្រីបើកកកាយអំពើពុករលួយក្នុងការដោះដូរទីតាំងពន្ធនាគារខេត្តកំពត !

September 1, 2015 -

តាមការដោះដូរទីតាំងពន្ធនាគារខេត្តកំពត ត្រូវបានមន្ត្រីអនុរក្សពន្ធនាគារប្រមាណ៧០នាក់ បើកកកាយពីអំពើពុករលួយនោះ ទាមទារឱ្យលោក គុយ ប៊ុនសន ជានាយអគ្គនាយកនៃអគ្គនាយកដ្ឋានពន្ធនាគារ ក្រសួងមហាផ្ទៃត្រូវតែផ្តល់នូវការដោះស្រាយ យ៉ាងតម្លាភាពមួយដើម្បីឱ្យក្រុមមន្ត្រីអស់ចិត្ត ។

បើតាមមន្ត្រីអនុរក្សពន្ធនាគារបានឱ្យដឹងថា អគារសាងសង់ថ្មី ពុំមានគុណភាពនិងមិនទាន់ត្រូវបានសាងសង់គ្រប់ចំនួនដូច ក្នុងប្លង់មេ ឡើយ។ ហេតុនេះហើយ ទើបមន្ត្រីអនុរក្សពន្ធនាគារ អំពាវនាវឱ្យលោក គុយ ប៊ុនសន ចាត់វិធានការ ស៊ើបអង្កេត និងដោះស្រាយជា បន្ទាន់ព្រោះពួកគាត់សង្ស័យថា ការដោះដូរអគារពន្ធនាគារចាស់ទៅកាន់ទីតាំងថ្មី បង្កប់ដោយអំពើពុករលួយយ៉ាងពេញបន្ទុកដែល គួរតែមានការធ្វើអង្កេតជាបន្ទាន់ ។

ប្រភពព័ត៌មានពីមន្ត្រីអនុរក្សពន្ធនាគារ ខេត្តកំពត ជាច្រើនរូបបានឱ្យដឹងថា អគារពន្ធនាគារចាស់ ដែលជាសំណង់បន្សល់ពីសម័យអាណា និគមបារាំង ត្រូវបានគេ Lobby ឃុបឃិតលក់ក្នុងតម្លៃ៤០ម៉ឺនដុល្លារអាមេរិក ចំណែកទីតាំងថ្មី ដែលមានទំហំ៤ហិកតា គឺជាដីសម្បទានរបស់រដ្ឋនោះទេ ! មិនមែនជាដីទិញថ្មីទេ។

ពាក់ព័ន្ធល្បិចកល៣សន្លឹករបស់ប្រធានពន្ធនាគារខេត្តកំពត ពួកគេសង្ស័យថា ថ្នាក់ដឹកនាំពន្ធនាគារអាចប្រព្រឹត្តអំពើ ពុករលួយ កេងប្រវ័ញ្ចថវិកាប្រមាណ២០ម៉ឺនដុល្លារអាមេរិកយកទៅច្រកហោប៉ៅចែកគ្នាស្ងាត់ៗ ក្រោមរូបភាពនៃការ ដោះដូរនោះ ហេតុនេះហើយទើបទាមទារឱ្យលោក គុយ ប៊ុនសន អគ្គនាយកនៃអគ្គនាយកដ្ឋានពន្ធនាគារ ក្រសួងមហាផ្ទៃគួរតែចាត់វិធានការស៊ើប អង្កេត និងដោះស្រាយជាបន្ទាន់។

ពាក់ព័ន្ធនឹងភាពមិនប្រក្រតីនេះ ប្រភពបានឱ្យដឹងទៀតថា នៅក្នុងប្លង់មេតម្រូវឱ្យសាងសង់អគារចំនួន៤ ប៉ុន្តែពេលនេះមានតែអគារ ៣ ប៉ុណ្ណោះ ហើយពុំមានគុណភាពរឹងមាំនោះទេ ដូច្នេះហើយ ទើបមន្ត្រីអនុរក្សពន្ធនាគារខេត្តកំពតបានរិះគន់ ធ្វើការជំទាស់ជាច្រើន លើកច្រើនសា មិនព្រមរើចេញពីទីតាំងចាស់នោះ។

ផ្ទុយទៅវិញ ទាក់ទងនឹងបញ្ហាខាងលើនេះ លោក អែម សំបូរ ប្រធានពន្ធនាគារខេត្តកំពត បានឱ្យដឹងថា បញ្ហាខ្វះចន្លោះត្រូវបានជួសជុល និងកែលំអឡើងវិញ ហើយមិនយូរទេ ទីតាំងថ្មីនឹងចាប់ផ្តើមដំណើរការឆាប់ៗ។ ក៏ប៉ុន្តែមន្ត្រីអនុរក្សពន្ធនាគារ ប្រមាណ៧០នាក់ បានអះអាងថា ពួកគាត់មិនព្រមរើទៅកាន់ទីតាំងថ្មីនោះទេ ព្រោះមិនទាន់សាងសង់អគារគ្រប់ចំនួន៤ ដូចប្លង់មេម្យ៉ាងទៀត គ្មានកន្លែងស្នាក់នៅសម្រាប់មន្ត្រីអនុរក្សពន្ធនាគារទៀតផង។

ជាមួយគ្នានេះ មន្ត្រីរាជការក្នុងខេត្តកំពត បានឱ្យដឹងថា ការសាងសង់អគារពន្ធនាគារថ្មី ដែលគ្មានគុណភាពរឹងមាំនោះ អាចបណ្តាលមកពីអំពើពុករលួយដូច្នេះហើយក៏បានទទូចសុំឱ្យ(ដោយសុក្រិត្យ) ក្រសួងពាក់ព័ន្ធត្រូវពិនិត្យមើលជាបន្ទាន់ជុំវិញបញ្ហានេះ។

មិនតែប៉ុណ្ណោះ ការដោះដូរទីតាំងពន្ធនាគារចាស់ពុំមានការដេញថ្លៃប្រកបដោយតម្លាភាព នោះទេ បញ្ហានេះហើយ ដែលគេសង្ស័យថា មានអំពើពុករលួយព្រោះទីតាំងពន្ធនាគារចាស់ នៅកណ្តាលក្រុងកំពត បែរជាមានតម្លៃត្រឹម៤០ម៉ឺនដុល្លារប៉ុណ្ណោះ គឺមិនសមទំនងទាល់តែ សោះដែលមន្ត្រីទម្លាយថា ឮសូរលក់ដល់ជាង ៩០ម៉ឺនដុល្លារឯណោះ ។