ប្រជាពលរដ្ឋរាយការណ៏ឲ្យដឹងថាឃ្លាំងឈើដ៏ធំចំនួន២របស់ក្រុមហ៊ុន ទ្រី ភាព នៅស្រុកសៀមប៉ាង ខេត្ដស្ទឹង ត្រែង ឃ្លាំង១ត្រូវបានបិទ កាលពីថ្ងៃ ទី១៥ ខែកក្កដា ឆ្នាំ២០១៥ ដែលគ្រប់ គ្រងដោយឈ្មោះប៉ូលី និងឈ្មោះយ៉ាត ។ ចំណែកឯឃ្លាំងមួយទៀតនៅចំណុចវ៉ៃថ្ម គ្រប់គ្រងដោយឈ្មោះវ៉ា និងឈ្មោះអ៊ុន នៅតែបន្ដប្រមូលទិញឈើចូល និងដឹក ឈើចេញ ស្របពេលដែលមេរបស់ពួក គេឧកញ៉ា ទ្រីភាពថា បញ្ឈប់សកម្មភាព កាប់ឈើទៀតហើយ ។សេចក្តីរាយរាយការណ៍ពីប្រជាពលរដ្ឋបន្តថាជំនួញឈើ របស់ឧកញ៉ា ទ្រីភាព គឺប្រើប្រាស់ដៃជើង របស់គាត់រួមមាន ១-ឈ្មោះ ចាន់ មុនី ជាអ្នកគ្រប់គ្រងឈើឲ្យឧកញ៉ា ទ្រីភាព ក្នុងខេត្ដរតនគិរី និងខេត្ដស្ទឹងត្រែង ២- ឈ្មោះ ស្រ៊ាង ម៉េង និងឈ្មោះវី ដា ជា អ្នកគ្រប់គ្រងឈើនៅស្រុកសៀមប៉ាង ខេត្ដស្ទឹងត្រែង ,៣-ឈ្មោះ អ៊ុក គឹមសាន្ដ ដែលជាដៃស្ដាំ ឧកញ៉ា ទ្រីភាព គ្រប់គ្រង ប្រមូលទិញឈើនៅខេត្ដព្រះវិហារ និង កំពង់ធំ ។ ថ្មីៗនេះ អ៊ុក គឹមសាន្ដកំពុង ប្រមូលទិញឈើនៅចំណុចអូរពោធិ៍ ស្ថិតក្នុងព្រំប្រទល់ខេត្ដកំពង់ធំ និងខេត្ដព្រះ វិហារ ដឹកដោយឡានយីឌុប ក្នុង១យប់ៗ រាប់សិបគ្រឿង លាន់កងរំពងប៉ះពាល់ ដល់ដំណេកប្រជាពលរដ្ឋ និងបំផ្លាញផ្លូវ ដ៏ធ្ងន់ធ្ងរផងដែរ ។
ប្រជាពលរដ្ឋបានឲ្យដឹងថាអ្នក ដែលប្រមូលទិញឈើឲ្យឧកញ៉ា ទ្រីភាព ដោយមិនចាំបាច់គិតថា ឈើមានច្បាប់ ឬអត់ច្បាប់ ត្រូវបានបែងចែកស្លាក សញ្ញាសម្រាប់សម្គាល់ ទី១-អក្សរ L ដែលវ៉ៃនៅលើឈើ ត្រូវបានឲ្យឥទ្ធិពល ទៅលើឈ្មោះ តាំង វីរ៉ាដា ជាអ្នកកាន់កាប់គ្រង់ គ្រង ,ទី២-SK ដឹកនាំដោយសមត្ថកិច្ច មួយរូប ទី៣-អក្សរM គ្រប់គ្រងដោយឈ្មោះ ស្រ៊ាង ម៉េង និងទី៤-អក្សរ CKគ្រប់ គ្រងដោយឈ្មោះណែត ជាអ្នកមើលការ ខុសត្រូវ ។ ដូច្នេះអស់លោកដែលមាន ឈ្មោះខាងលើនេះ ពិតជាមិនធម្មតា ជោគជ័យទាំងការកាប់បំផ្លាញព្រៃឈើ ជោគជ័យរត់ការយកគោរមងារឧកញ៉ា បានសម្រេចទៅហើយ ។
ក្រុមឧកញ៉ា ទ្រីភាពបានលួចទម្លាយ ថាសកម្មភាពកាប់ឈើ និងប្រមូលទិញ ឈើរបស់ក្រុមអក្សរL,SK,M និងCK ពិតជាមានចេតនាបំផ្លិចបំផ្លាញព្រៃឈើ កម្ពុជាឲ្យវិនាសហិនហោច មិនត្រឹមតែ ពួកគេប្រើប្រាស់ទឹកលុយឱ្យប្រជាពលរដ្ឋ និងឈ្មួញចូលកាប់ព្រៃក្នុងតំបន់ហាមឃាត់បណ្ដោះទេ ពួកគេថែមទាំងប្រើវិធីសាស្ដ្រ ចាំទិញឈើពីបងប្អូនជនជាតិថែមទៀតផង ។ក្នុងករណីដែលលុយបានទម្លាក់គ្រប់ ចំនួន និងទាន់ពេលវេលា អស់លោក ដែលមានឈ្មោះជាដៃជើងឧកញ៉ា ទ្រី ភាព ខាងលើនេះ បានប្រមូលឈើចូលឃ្លាំង ដឹកដោយឡានយីឌុបចេញពីទីតាំងទាំង នោះ យកមកស្ដុកទុកនៅទីតាំងឧកញ៉ា ទ្រីភាពដ៏ធំនៅជិតថ្មាតពង ទល់មុខភ្នំតូច លើកំណាត់ផ្លូវជាតិលេខ៥១ ស្រុកសំរោង ទង ខេត្ដកំពង់ស្ពឺ ។
បើទោះជា ឧកញ៉ា ទ្រីភាពមេឈ្មួញឈើដ៏ធំនៅកម្ពុជា បច្ចុប្បន្នថាដកខ្លួនចេញពីមុខរបរនេះ។ ប៉ុន្ដែសកម្មភាពលោកអ៊ុក គឹមសាន្ដ អតីតជាប្រធានសន្ដិសុខការពារព្រៃឈើ ឲ្យឧកញ៉ា ទ្រីភាព និងជាប់ក្នុងបទឧក្រិដ្ឋ កម្មព្រៃឈើ ត្រូវបានចាប់ខ្លួនម្ដងរួចមក ហើយនៅខេត្ដកោះកុង និងជាប់ឈ្មោះ គំរាមកំហែងគ្រប់រូបភាពលើប្រជាពល រដ្ឋនៅស្រុកវាលវែង ខេត្ដពោធិ៍សាត់ បានចេញមុខមើលការខុសត្រូវ បន្ទាប់ ពីឧកញ៉ា ទ្រីភាព ជាមួយនិងលោកចាន់ មុនី ។
ប្រជាពលរដ្ឋបាននិយាយថា នៅខេត្ដ កំពង់ធំទាំងយប់ទាំងថ្ងៃ ប្រភេទឡានយីឌុប ភ្លៅ៥បានដឹកជញ្ជូនឈើសុទ្ធតែមានស្លាក សញ្ញារបស់ក្រុមហ៊ុនទ្រីភាពយ៉ាងគគ្រឹក គគ្រេងនិងផ្ទុយពីអ្វីដែលឧកញ៉ា ទ្រីភាព ថា បញ្ឈប់សកម្មភាពកាប់ឈើជាក់ស្តែង លោក ទ្រី ភាព ពុំដែលកាន់រណាយន្តទៅអារផ្តួលរំលំដើមឈើមួយដើមនោះទេ គឺមានតែជម្រុញឲ្យប្រជាពលរដ្ឋកាប់តែប៉ណ្ណោះ ។
មុខជំនួញឈើរបស់ឧកញ៉ា ទ្រីភាព ពិតជាបានជះឥទ្ធិពលដ៏អាក្រក់ប៉ះពាល់ ដល់សង្គមជាតិ ។ប៉ុន្ដែសកម្មភាពទាំងនេះបានក្លាយ ទៅជាភាពមានបាន ទ្រព្យសម្បត្ដិស្ដុក ស្ដម្ភរបស់ឈ្មួញនេះជាមួយអំណាចយ៉ាង ធំធេងទៅវិញ ។
ប្រជាពលរដ្ឋបាននិយាយថា សកម្មភាពដឹកឈើ នេះបានបង្ហាញទ្រង់ទ្រាយធំចេញពីខេត្ដ រតនគិរី មានឈ្មោះលោក សុខ វីសាល ជាអ្នក ចាត់ចែងដឹក និងលោកចាន់ មុនី ជាអ្នក គ្រប់គ្រងរួម ហើយនៅខេត្ដកំពង់ធំ ព្រះវិហារ មានលោកអ៊ុក គឹមសាន្ដ ជា អ្នកចេញមុខរត់ការ ។ ដោយឡែកនៅ ស្រុកសៀមប៉ាងឃ្លាំងឈើវ៉ៃថ្ម ដែលគ្រប់ គ្រងដោយលោក ប៊ុន ថន ហៅ វ៉ា និងលោកអ៊ុន ប្រមូល ទិញ និងដឹកជញ្ជូនចេញផងតាមរយៈរូប ភាពប្រមូលឈើចាស់ៗដឹកចេញដើម្បី បញ្ចប់សកម្មភាព ដូចអ្វីដែលឧកញ៉ា ទ្រីភាពធ្លាប់អះអាង កន្លងមក ។
ពាក់ព័ន្ធករណីនេះមិនអាច ទាក់ទងបានទេពីឧកញ៉ា ទ្រីភាព ថាតើ ការដឹកឈើនោះជារបស់គាត់ ឬជាសកម្ម ភាពដៃជើងរបស់គាត់ ពិតប្រាកដយ៉ាងណានោះទេ ។សូមបញ្ជាក់ថា ការអះអាងរបស់ឧកញ៉ា ទ្រី ភាព បញ្ឈប់ដឹកនិងអាជីវកម្មឈើមិន រំពឹងថា ជាការពិតនោះឡើយខណៈក្រុមដៃជើងរបស់គាត់នៅតែបន្ដការដឹកជញ្ជូនឈើ យ៉ាងសកម្មចេញពី ខេត្ដរតនគិរី,សៀមរាប,កំពង់ធំ,ព្រះវិហារ ជាបន្ដបន្ទាប់មិនលោះថ្ងៃនោះ ៕
Recent Comments