តាមនាយ នាយរងនគរបាលនៃស្នងការដ្ឋាននគរបាលខេត្តកំពង់ធំ បាននាំគ្នានិយាយដោយចំអករិះគន់ថា ការដឹកនាំ របស់លោកផ្កាយ១ ជូ សំអាន ស្នងការនគរបាលខេត្តធ្វើតាមទម្លាប់អាក្រក់ពុករលួយគ្រួសារនិយម បក្ខពួកនិយម គ្មានចំណាត់ការ ច្បាស់លាស់ទាំងការគ្រប់គ្រងរដ្ឋបាល ជំនាញ និងសតិមន្ត្រីជាដើម ។
បើតាមមន្ត្រីបានលើកឡើងថា ដូចជា ហួសហេតុពេកគ្រាន់តែលោក ម៉ី ស៊ីណាត មានតួនាទីជានាយរងការិ យាល័យ គ្រាន់តែបានចំណាយប្រាក់បន្តិចបន្តួចសង់រោងប្រក់ស័ង្កសីសម្រាប់កងកម្លាំងការពារស្នាក់នៅ បែរជាលើកបន្តុបឱ្យ ធ្វើជានាយការិយាល័យគ្រឿងញៀនភ្លាម ដោយពុំបានគិតពីអតីតភាពការងារ សមត្ថភាព និងឋានានុក្រមមន្ត្រីចាស់ថ្មីនោះឡើយ ។
ព័ត៌មានទម្លាយដោយមន្ត្រីថា លោកផ្កាយ១ ជូ សំអាន តែងតែមានរឿងអាស្រូវមិនចេះចប់មិនចេះហើយ តាំងពីឡើងកាន់ស្នងការគ្រាដំបូងមកម្ល៉េះ ក្នុងនោះក៏មានការធ្វើអធិការកិច្ចផងដែរ ប៉ុន្តែលទ្ធផលលោកស្នងការ នៅតែជាលោកស្នងការដដែល ពីព្រោះតែលុយគាត់ច្រើនបិទមាត់មន្ត្រីអធិការកិច្ច ។
ជាងនេះទៅទៀត មន្ត្រីបានលើកឡើងថា ក្នុងនាមជាថ្នាក់ដឹកនាំត្រូវហ៊ានទទួលខុសត្រូវ និងទទួលខុសត្រូវ ចំពោះមុខច្បាប់ កុំទទួលតែលុយស្គាល់តែប្រយាជន៍ដីម្បីពង្រឹងបក្ខពួកហើយមិនឱ្យគោរពតាមភារកិច្ចអីចឹងហើយ ទើបការងារអង្គភាពគ្មានសក្តានុពល និងត្រូវបានរិះគន់ថា អសមត្ថភាពពុករលួយគ្រួសារនិយមនោះ ។
ជាក់ស្តែងបច្ចុប្បន្ននេះនគរបាលសេដ្ឋកិច្ចខេត្តបានបង្កើតឱ្យមានបញ្ហាថ្នាំងថ្នាក់ចិត្តជាមួយអ្នករកស៊ីក៏ដូចជា ចាំរាប់ក្បាលឡានដឹកឈើយកលុយជាដើម សុទ្ធតែផ្តើមចេញពីភាពធូររលុងរបស់លោកស្នងការ ដូច្នេះសមត្ថកិច្ច និងស្ថាប័នពាក់ព័ន្ធដទៃទៀតចង់ឱ្យលោកស្នងការមេត្តាដាក់ចិត្តពង្រឹងសមត្ថកិច្ចទាំងនេះផង ជៀសវាងរងការរិះគន់ ពីឈ្មួញ និងប្រជាពលរដ្ឋថា ជាបុគ្គលអសមត្ថភាពពុករលួយ និងគ្រួសារនិយមទៀត ៕
ដោយ រាជសីហ៍
Recent Comments