ខេត្តកំពង់ធំ៖ សេចក្តីរាយការណ៏ពីប្រជាពលរដ្ឋក៏ដូចជាមន្ត្រីតូចតាចឲ្យដឹងថានៅស្រុកសណ្តាន់ ខេត្តកំពង់ធំលោក ជុំ សារុនមេប៉ុស៏្តនគរបាលរដ្ឋបាលឃុំមានរិទ្ធ ស្រុកសណ្តាន់ ខេត្តកំពង់ធំជាឈ្មួញឈើ នឹងកាងឈើ ហើយមន្រ្តីរូបនេះតាមដានតែអ្នកសារព៌តមាននិងអង្គការទេ ។តែឈើឈ្មួញវិញមិនហ៊ានចាប់និងមិនរាយការណ៏ទៅជំនាញឡើយ។ជាក់ស្តែងយប់ថ្ងៃទី០៥ខែសីហាឆ្នាំ២០១៥នេះពេលលោកមេឃុំទទួលព៌តមានថាមានគេលើកឈើធ្វើការភ្ញាក់ផ្អើលដល់គាត់ ពេលមន្រ្តីអង្គការ នឹងអ្នកសារព៌តមានទៅដល់លោកមេប៉ុស្តិមិនទៅសួរនាំអ្នកឈើ បែរមកសួរអ្នកសារព៏ត័មានទៅវិញ។
បច្ចុប្បន្នមេឈ្មួញ ជុំ សារុន ក្នុងការរកស៊ី ដឹកជញ្ជូនឈើប្រណីតៗនាំចេញទៅស្រុកយួន តាមច្រករបៀង ក្នុងដែនដីប៉ុស៏្តនគរបាលរដ្ឋបាលឃុំមានរិទ្ធ ស្រុកសណ្តាន់ដែលគាត់គ្រប់គ្រងក៏ដូចជាបង់លុយឲ្យថ្នាក់លើ ដោយគ្មានក្រែងញញើតច្បាប់អ្វីឡើយ ហើយជាទូទៅ ឈើរបស់មេឈ្មួញ ជុំ សារុន ដឹកជញ្ជូនមកពី ភាគខាងលើ គឺមកពីតំបន់ព្រៃឡង់មានបេង ធ្នង់ គ្រញូង នាងនួន នាងចាប ។
ប្រជាពលរដ្ឋរស់នៅ ក្នុងស្រុកសណ្តាន់បានឲ្យដឹងថា ក្នុង១យប់ៗ មានរថយន្តម៉ាក កាមរីហើម ស្វិត ឡង់គ្រីស័រ រថយន្ត ម៉ាកស៊ាំងយ៉ុង និងរថយន្តយីឌុប ដឹកឈើប្រណីតប្រភេទធ្នង់ និងប្រភេទនាងនួន មិនក្រោម ១៥ទៅ ២០គ្រឿង នោះទេ។ ប៉ុន្តែសមត្ថកិច្ច គ្រប់ជំនាញ មិនដែលបង្ក្រាបនោះទេ ចាំតែរាប់ក្បាលឡាន យកលុយប៉ុណ្ណោះ។ រឿងដែលលោក ជុំ សារុនពាក់ស្បែកប៉ូលិសស្រួលក្នុងការរកស៊ីដឹកឈើប្រណីត យ៉ាងអនាធិបតេយ្យ នាំឲ្យមានការរិះគន់ ជាចំហរថា “គាត់ជាមន្ត្រីដែលផ្គើននឹងប្រសាសន៍សម្តេចតេជោ ដែលណែនាំមន្ត្រីឲ្យ មុជទឹកឲ្យដុះក្អែល។
តើ លោក ស្នងការនគរបាល ខេត្តកំពង់ធំទទួលបានប្រយោជន៍អ្វីខ្លះពីលោកជុំ សារុនដែលកំពុងយកស្បែកប៉ូលិសទៅរកស៊ីឈើខុសច្បាប់ នោះឡើយបានជាសម្ងំឈឹង!ធ្វើមិនដឹងចំពោះបទល្មើសព្រៃឈើដែលមេឈ្មួញ ជុំ សារុនប្រ ព្រឹត្តខុស៕
Recent Comments