កោះកុងៈ តាមក្រុមមន្ត្រីជាច្រើននៅមន្ទីរវប្បធម៌និងវិចិត្រសិល្បៈខេត្តកោះកុង បច្ចុប្បន្នកំពុងតែធុញថប់ កើតការក្តៅក្រហាយ និងលោកប្រធានមន្ទីរ អ៊ុក នឿន ដោយសារប្រធានមន្ទីររូបនេះ ពោរពេញទៅដោយ អំពើពុករលួយ និងគ្រួសារនិយមនិងមិនបានគិតអំពីគុណសម្បត្តិរបស់មន្ត្រីផ្សេងៗដែលមិន មែនជាសាច់ញាតិរបស់ ខ្លួនដែលខិតខំធ្វើការអោយកាន់តំណាងខ្ពស់ ទេបែរជាយកកូនស្រីបង្កើតដែលទើបតែជាប់ជាមន្ត្រីស៊ប់ឱ្យកាន់តំណា ងជាអនុប្រធានមន្ទីរនិងកូនស្រីម្នាក់ទៀតធ្វើជាប្រធានការិយាល័យយ៉ាងពេញបន្ទុកទៅវិញ។
បើតាមប្រភពបានអោយដឹងថានៅមន្ទីរវប្បធម៌និងវិចិត្រសិល្បៈខេត្តកោះកុងក្នុងរយៈពេលជាង១០ឆ្នាំមកនេះគឺលោកប្រធានមន្ទីរ អ៊ុក នឿន បានឃុបឃិតជាមួយលោក អូន សុគាម ដែលជាប្រធានការិយាល័យរដ្ឋបាល និងហិរិញ្ញ វត្ថុរបស់មន្ទីរនិ ងដែលត្រូវជាបងប្អូនជីដូនមួយរបស់លោកប្រធានបានរួមដៃគ្នាប្រព្រឹត្តិអំពើពុករលួយកឹបកេងថវិកា ជាតិលើគ្រប់ជំពូកដែលក្នុងមួយឆ្នាំៗរដ្ឋខាត់បង់ថវិកាយ៉ាងតិច ២០០លានរៀល។
តាមប្រភពបានអោយដឹងទៀតថា ដូចជានៅឆ្នាំ២០១៤ គឺគាត់បានប្រព្រឹត្តអំពើពុករលួយរត់ការតែងតាំងកូនស្រី បង្កើតម្នាក់ឈ្មោះ សម្បូរ ដាលីន ដែលទើបតែជាប់ជាមន្ត្រីអោយកាន់តំណែងជាអនុប្រធានមន្ទីរ ដោយពុំបាន ធ្វើការប្រជុំវាយតំលៃ ពីមន្ត្រីក្នុងមន្ទីរឡើ ។ ហើយគាត់ក៏បានតែងតាំងកូនស្រីបង្កើតម្នាក់ទៀត ឱ្យធ្វើជាប្រធាន ការិយាល័យបេតិកភ័ណ្ឌ ហើយដោយសារតែអាងអំណាចជាប្រធានតែងតាំងកូនចៅសាច់ញាតិតាមតែអំពើចិត្ត និងទំនើងចិត្តនេះ បានធ្វើឱ្យមន្ត្រីចាស់ៗជាច្រើនកើតការក្តៅក្រហាយយ៉ាងខ្លាំងដែលមិនចេះសោះ ។ ព្រោះថា លោកប្រធានគិតតែពីគ្រួសារនិងសាច់ញាតិ ដោយមិនគិតពីគុណសម្បត្តិរបស់មន្ត្រីចាស់ៗ ដែលខិតខំបំរើ ការងារមានអតីតភាពយូរឆ្នាំនោះទេ។
មិនតែប៉ុណ្ណោះ ការតែងតាំងនេះពោពេញទៅដោយភាពអយុត្តិធម៌ពុករលួយយ៉ាងពេញបន្ទុកមិនគួរថ្នាក់លើជារដ្ឋមន្ត្រីក្រសួងនេះ មើលរំលងនោះទេ ។ ដូចជាចំពោះការដឹកនាំមន្ទីរវិញ គឺរាល់ការ និងគម្រោងណាដែលមានផល ប្រយោជន៍គឺលោកប្រធានមន្ទីរ និងលោកប្រធានការិយាល័យរដ្ឋបាលប្រមូលយកទៅក្តោបទាំងអស់។
ជាងនេះទៅទៀត តាមប្រភពបានអោយដឹងថា ដោយសារតែការដឹកនាំមន្ទីរតាមបែបគ្រួសារនិយម និងការ ប្រព្រឹត្តិអំពើពុករលួយយ៉ាងពេញបន្ទុកនោះ បានធ្វើអោយរដ្ឋបាត់បង់ថវិកាដោយឥតប្រយោជន៍ក្នុងមួយឆ្នាំ យ៉ាងតិច ២០០លានរៀល ហើយថវិកាទាំងនេះបានធ្លាក់ចូលក្នុងដៃលោកប្រធានមន្ទីរ អ៊ុក នឿន និងបក្ខពួករបស់លោក ប្រធាន២-៣នាក់តែប៉ុណ្ណោះ។
ឯចំណែកមន្ត្រីភាគច្រើនក្នុងចំណោមមន្ត្រីសរុបជាង២០នាក់គឺមិនមានគុណសម្បត្តិឱ្យគាត់ប្រើប្រាស់ទេ ក្រៅពីគ្រួសាររបស់គាត់ ព្រោះគាត់ខ្លាចបែកការប្រព្រឹត្តអំពើពុករលួយរបស់លោកប្រធានមន្ទីរចេញក្រៅនោះ ។ ហើយដែលអំពើពុករលួយរបស់គាត់កើតឡើងស្ទើរគ្រប់រូបភាពដូចជាការកឹបកេងប្រាក់ថែទាំជួសជុល របបបេសកម្ម ប្រាក់មន្ត្រីមានជំងឺ និងប្រាក់ទិញសំភារៈផ្សេងៗមួយចំនួនធំថែមទៀត។
ផ្ទៃក្នុងមន្ត្រីបានទម្លាយទៀតថានៅឆ្នាំ២០១៤មន្ទីរវប្បធម៌និងវិចិត្រសិល្បៈខេត្តកោះកុងបានចំណាយថវិកាជាតិ សរុបជិត៨០០លានរៀល ក្នុងនោះជាង២០០លានរៀល ត្រូវគេបំប៉ោងឱ្យទៅជាបន្ទុករបស់បុគ្គលិក។ ក្រៅពីនោះ ប្រាក់ជាង ៥០០លានរៀលទៀត ដែលមិនមែនជាបន្ទុកបុគ្គលិក គឺត្រូវបានគេកឹបកេងអស់យ៉ាងតិចក៏ ២០០លាន រៀលដែរ ។ ហើយប្រាក់ដែលនៅសេសសល់ទើបត្រូវបានគេយកទៅចំណាយលើការងាររដ្ឋបាលនិងកិច្ចការផ្សេងៗ។
ហើយចំពោះប្រាក់ដែលគេកឹបកេងបានច្រើនជាងគេនៅឆ្នាំ២០១៤នេះ គឺប្រាក់សំរាប់ថែទាំ និងជួសជុលដោយគេ ចំណាយអស់រហូតដល់ជាង៣០០លានរៀល ប៉ុន្តែការចំណាយជាក់ស្តែងលើការធ្វើរបងមន្ទីរនិងចាក់សាបក្នុងមន្ទីរ អស់ ត្រឹមតែ ១០០លានរៀលតែប៉ុណ្ណោះ។
គួររំលឹកថានៅឆ្នាំ២០១៤មន្ទីរវប្បធម៌និងវិចិត្រសិល្បៈខេតតកោះកុងមានគំរោងថវិកាជាតិសំរាប់ចំណាយសរុប827លានរៀលក្នុងនោះជំពូក60មានចំនួន120លានរៀល ជំពូក61មានចំនួន350លានរៀល ជំពូក62មានចំនួន80លានរៀល និងជំពូក64មានថវិកាចំនួន277លានរៀល។ ហើយដែលសុទ្ធតែលោកប្រធានដក យកទៅចាយក្នុងភាពមិនប្រក្រតីទាំងអស់ ។
មានការថ្លែងឱ្យដឹងទៀតថា សំរាប់ការចំណាយជាក់ស្តែងពីដើមឆ្នាំរហូតដល់ចុងឆ្នាំ២០១៤គឺមន្ទីរខាងលើ បានចំណាយថវិកាសរុបអស់ជិត ៨០០ លានរៀល ហើយការចំណាយដែលនៅសល់នេះ មិនមែនលោកប្រធាន មន្ទីរនិងបក្ខពួករបស់គាត់ចង់ទុក្ខអោយសល់ទេ ប៉ុន្តែដោយសារនិតិវិធីហិរិញ្ញវត្ថុតែប៉ុណ្ណោះ ឬគាត់ធ្វើគម្រោងបំប៉ោងចាយមិនទាន់ក្រោយពេលបែកការនោះបណ្តាលឱ្យសល់លុយគម្រោងនេះច្រើនទៅ ។
ដោយឡែក ដោយសារតែមានភាពអយុត្តិធម៌និងអំពើពុករលួយយ៉ាងធ្ងន់ធ្ងរយ៉ាងពេញបន្ទុកនៅមន្ទីវប្បធម៌និងវិចិត្រសិល្បៈខេត្តកោះកុង នោះទើបបានជាមានមន្ត្រីជាច្រើនបានសូមសំណូមអោយលោកស្រី រដ្ឋមន្ត្រីក្រសួងវប្បធម៌ និងវិចិត្រសិល្បៈនិងអង្គភាពប្រឆាំងអំពើពុករលួយគួរបើកការស៊ើបអង្កេតលើ ការចំណាយថវិកាជាតិនិងកា រតែងតាំងកូនស្រី និងបក្ខពួករបស់លោកប្រធានមន្ទីរអោយក្លាយជាអនុប្រធានមន្ទីរនោះឡើងវិញផង តើពិតជាត្រឹមត្រូវតាមច្បាប់ និងសហលក្ខន្តិកៈរបស់មន្ត្រី ឬទេ ។
ជុំវិញបញ្ហានេះគួរតែអង្គភាពប្រឆាំងអំពើពុករលួយបើកការស្រាវជ្រាវ និងចុះអង្កេតជុំវិញអំពើពុករលួយ និងគ្រួសារនិយមលោក ប្រធាន អ៊ុក នឿន ជាបន្ទាន់ផង ។/ ដោយ ឆ្លាមស
Recent Comments