\នៅរសៀលម៉ោង១២និង២៧នាទី ថ្ងៃទី២៧ ខែកក្កដា ឆ្នាំ២០១៣នេះ មានបុរស់ម្នាក់ខលទូរស័ព្ទជេរប្រមាត និងគំរាមកំហែងដល់លោក ផ្លុង-រ៉េត ចាងហ្វាងសារព័ត៌មានកម្ពុជាសុវណ្ណភូមិ នេះបើតាមការអោយដឹងពីលោកចាងហ្វាងនៅរសៀលថ្ងៃដដែលនេះ។
លោក ផ្លុង-រ៉េត ចាងហ្វាងសារព័ត៌មានកម្ពុជាសុវណ្ណភូមិ បច្ចុប្បន្នស្នាក់នៅភូមិជ្រាវ សង្កាត់ជ្រាវ ក្រុងសៀមរាប ខេត្តសៀមរាប បានរៀបរាប់អោយដឹងថា នៅម៉ោងជាង១២ថ្ងៃត្រង់លោកបានទទួលទូរស័ព្ទហៅចូលមួយខ្សែដែលភាគីអ្នកខលមកបានសុំណាត់ជួបលោកនៅបុរីសៀងណាំស្ថិតក្នុងភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។ សូមអាន ឬស្តាប់ការឆ្លងឆ្លើយគ្នារវាងលោករ៉េត និងភាគីម្ខាងទៀត៖
លោកហ្គេននី អាឡូបាទ! ជំរាបសួរ បងនៅណាបង?
លោករ៉េតៈ ចុះបកខលមកពីណាវិញ?
លោក ហ្គេននីៈ ខលមកពីវ៉ាស៊ីនតោនឌីស៊ី។
លោករ៉េតៈ អីយូយ! ឆ្ងាយម្លេះ!
លោក ហ្គេននីៈ ចង់ជួបបងបន្តិច បានអត់បង?
លោករ៉េតៈ ចង់ជួបខ្ញុំ! អ្នកណាគេនេះ?
លោក ហ្គេននីៈ ខ្ញុំឈ្មោះ ហ្គេននីៗ ទើបតែចុះពីប្រលានយន្តហោះ មកពីក្រុងវ៉ាស៊ីនតោនឌីស៊ី ចង់ជួបលោកបន្តិច លោកជួបបានអត់ហ្នឹង?
លោករ៉េតៈ បងចង់ជួបខ្ញុំមានការអីដែរ?
លោកហ្គេននីៈ ហៅមកផឹកស៊ី បុះច្រំ។
លោករ៉េតៈ អីយ៉ា! ផឹកស៊ីហើយ បុះច្រំទៀត!
លោកហ្គេននីៈ បងចាងហ្វាងអ្នកកាសែតមែនបង?
លោករ៉េតៈ បាទៗ
លោកហ្គេននីៈ បងបានលុយអត់ចុះផ្សាយ បងអត់បានលុយបងចុះផ្សាយ ខ្ញុំចង់ជួបបងបន្តិច។
លោករ៉េត៖ ហាក! បានលុយអ្នកណាអត់ចុះផ្សាយ ហើមិនបានលុយអ្នកណាចុះផ្សាយ?
លោកហ្គេននីៈ បើអត់បានលុយចុះផ្សាយ បើបានលុយសម្ងំឈឹង។ ពួកកាសែតកម្ពុជាចឹងអី?
លោករ៉េតៈ ខ្ញុំកម្ពុជា សុវណ្ណភូមិ។
លោកហ្គេននីៈ អើពួកអាសុវណ្ណភូមិហ្នឹងចឹង អាពួកសុវណ្ណភូមិហ្នឹង តិចទៀតគេយកភូមិវាអស់ហើយ នៅតែពួក នៅតែក្រុមទេៗ។
លោករ៉េតៈ តើមានការអីទៀតទេលោក ខ្ញុំជាប់រវល់បន្តិច។
លោកហ្គេនីៈ អើរវល់ទៅចុះ ពួកឯងថោកទាបជាងឆ្កែទៀត។
លោក ផ្លុង-រ៉េត បានបន្តថា លោកមិនទាន់បានសម្រេចចិត្តដាក់ពាក្យបណ្តឹងនៅឡើយទេ តែលោកបានរាយការណ៍ជូនមន្ត្រីប៉ូលីសប៉ុស្តិ៍សង្កាត់ជ្រាវរួចហើយ បើមានការគំរាម ឬជេរប្រមាតសាជាថ្មីម្តងទៀតលោក និងដាក់ពាក្យបណ្តឹងតាមផ្លូវច្បាប់។
លោក ផ្លុង-រ៉េត បានបន្ថែមថា នេះមិនមែនជាលើកទីមួយទេដែលគេជេរលោ នៅខែកក្កដា ឆ្នាំ២០១៥នេះ គឺកាលពីថ្ងៃទី១៨ ខែកក្កដា ឆ្នាំ២០១៥ មានគេជេរម្តាយលោកម្តងរួចទៅហើយ តាមបណ្តាញសង្គម (Facebook) បន្ទាប់ពីលោកបានសរសេររិះកន់កញ្ញាសាសាតាមបណ្តាញសង្គមថា ˝តើកញ្ញាសាសា ជាស្រ្តីជនជាតិខ្មែរ ឬជាស្រ្តីជនជាតិបរទេស បានជាស្លៀកពាក់លេចលើលេចក្រោមបែបនេះ?˝
អ្នកយកព័ត៌មានយើងពុំអាចសុំការបំភ្លឺពីជនមិនស្គាល់មុខ ដែលខលទូរស័ព្ទមកគំរាមលោក ផ្លុង-រ៉េត បាននៅឡើយទេនៅរសៀលថ្ងៃដដែលនេះ ព្រោះខលចូលបីដងមិនមានអ្នកលើកទទួល។
គេសង្កេតឃើញថា អ្នកសារព័ត៌មាននៅកម្ពុជាហាក់មានភាពទន់ជ្រាយផុយស្រួយនៅឡើយ ដោយមានការគំរាមកំហែងគ្រប់បែបយ៉ាង និងមានការបាញ់សម្លាប់ ចាប់ដាក់គុគ ពីក្រុមអ្នករកស៊ីខុសច្បាប់ ពីអ្នកមានអំណាច ហើយមានករណីមួយចំនួនអ្នកសារព័ត៌មានពុំអាចទទួលបានភាពយុត្តិធម៌នោះទេ ព្រោះតែប្រព័ន្ទយុត្តិធម៌នៅកម្ពុជា មិនឯករាជ មិនមានតម្លាភាពពេញលេញនៅឡើយ៕ ដោយ៖ សៀ-វិចិត្រ
Recent Comments