ភ្នំពេញ ៖ ក្រុមមន្ត្រីបានទម្លាយ រិះគន់យ៉ាងឥតសំចៃថា អង្កេត ពីសកម្មភាពគយមុខតំណែងពីរឈ្មោះ ទិត្យ ដា បង្ហាញពីអំពើ ពុករលួយយ៉ាងពេញបន្ទុកជាគំរូ គៃបំបាត់ពន្ធរដ្ឋនៅក្នុងស្ថាប័ន គយគួរតែយកជាគំរូទៅ ! នេះ បើតាមសម្លេងមន្ត្រីគយអំពាវ នាវឱ្យអគ្គនាយកគយ គុណ ញឹម គួរតែពិនិត្យអតិផរណានៃការ ប្រមូលពន្ធ ។
តាមមន្ត្រីគយតូចតាចក្នុង អគ្គនាយកដ្ឋានគយនិងរដ្ឋាករ បានទម្លាយចេញជាបន្តបន្ទាប់នូវ រឿងមិនប្រក្រតីក្នុងស្ថាប័នរបស់ ខ្លួន ជាពិសេសករណីមេគយធំៗ នោះតែម្តង ដែលឃុបឃិតគ្នា ប្រព្រឹត្តអំពើពុករលួយលួចលុយ ជាតិបំផ្លាញជាតិយ៉ាងអនាធិប តេយ្យបំផុត ។
ករណីជាក់ស្តែងមន្ត្រីគយ ឈ្មោះ ទិត្យ ដា កាន់តំណែងសំ ខាន់ៗ ២ តែម្នាក់ឯងដុះស្លែ គឺ តំណែងជាអនុប្រធានអង្គភាព សវនកម្មគយនិងជាអនុប្រធាន ការិយាល័យនាំចូលនៃអគ្គនាយក ដ្ឋានគយនិងរដ្ឋាករយ៉ាងជិះសេះ លែងដៃលើមុខងារ។ ហើយការ ដែលបុគ្គល ទិត្យ ដា អាចកាន់ តំណែងសំខាន់២តែម្នាក់ឯងគឺ ដោយសារតែបុគ្គលនេះមាន ជំនាញខាងប្រព្រឹត្តអំពើពុក រលួយរកលុយបែងចែកចិញ្ចឹម ថ្នាក់លើមេនិងកាបើកភ្លើងខៀវ ពីថ្នាក់លើគយផងដែរ ។ ហើយ បញ្ហានេះក៏កើតការរិះគន់មិន ធម្មតាទៅលើលោក គុណ ញឹម អគ្គនាយកគយថាកំពុងតែសម្ងំ ស្ងៀមធ្វើមិនដឹងមិនឮអ្វីទាំងអស់ ចំពោះទង្វើមិនប្រក្រតីរបស់មន្ត្រី គយ រូបនេះ ។
ប្រភពពីក្រុមអ្នករត់ការឯក សារនិងមន្ត្រីគយតូចតាចមួយ ចំនួនបានឱ្យដឹងថា លោក ទិត្យ ដា កំពុងសកម្មក្នុងការប្រព្រឹត្ត អំពើពុករលួយលួចជាតិបំផ្លាញ ជាតិយ៉ាងគឃ្លើនបំផុត បើទោះ ជាមានក្រុមហ៊ុននិងមន្ត្រីទម្លាយ អំពើពុករលួយឱ្យអ្នកសារព័ត៌ មានចុះផ្សាយក៏ដោយក៏ពុំអាច ធ្វើអ្វី ទិត្យ ដា បាន ។ ហើយឯ លោក គុណ ញឹម វិញ ដែលជា អគ្គនាយកគយនិងរដ្ឋាករ បែរ ជាទំនងជួយបិទបាំងអំពើពុក រលួយរបស់មន្ត្រីគយរូបនេះ ដោយមិនខ្វល់ពីការរិះគន់អ្វីទាំង អស់នេះបើតាមផ្ទៃក្នុងទម្លាយ ។
ជាការឈឺចាប់របស់ក្រុម អ្នករត់ការឯកសារនាំចូលទំនិញ របស់ក្រុមហ៊ុនវិនិយោគមួយ ចំនួនព្រមទាំងមន្ត្រីគ្មានតំណែង ខ្លាញ់ បានឱ្យដឹងថា លោក ទិត្យ ដា និងបក្ខពួកបង្ខំកោសរូសឱ្យ ពួកគេបង់លុយក្រោមតុស្រេច តែអំពើចិត្តបើមិនបង់លុយតាម ការកំណត់ទេនោះឯកសារនឹង ត្រូវជាប់គាំងក្នុងការិយាល័យ របស់លោក ទិត្យ ដា ជាមិន ខាន ។
ជាងនេះទៅទៀត ក្នុង ខណៈដែលមន្ត្រីគយខ្លះបម្រើការ ងាររាប់សិបឆ្នាំមកហើយ ប៉ុន្តែ ពុំមានតួនាទីច្បាស់លាស់នោះ បែរជាលោក ទិត្យ ដា មាន សំណាងបានកាន់តំណែង ២ តែម្នាក់ឯងយ៉ាងក្រអឺតក្រទម ហើយពង្រីកឥទ្ធិពលកាន់តែខ្លាំង ឡើងៗដោយគ្មានស្គាល់តូច-ធំ នោះទេ ។
ពាក់ព័ន្ធនឹងបញ្ហាខាងលើ នេះដែរ ក៏មានការលើកឡើង សំណូមពរឱ្យលោក ឱមយ៉ិនទៀង ប្រធានអង្គភាពប្រឆាំងអំពើពុក រលួយមិនត្រូវមើលរំលងតទៅ ទៀតទេ ហើយគួរតែមានវិធាន ការបើកការស៊ើបអង្កេតជាបន្ទាន់ ចំពោះសកម្មភាពមិនប្រក្រតី របស់លោក ទិត្យ ដា និងបក្ខ ពួក ។
ដូចជាក្រៅពីនេះជាក់ស្តែង ក្រុមអ្នករត់ការឯកសារនាំចូល ទំនិញរបស់ក្រុមហ៊ុនវិនិយោគ នានា បានឱ្យដឹងថា លោក ទិត្យ ដា និងបក្ខពួកកំពុងសុខស្រួល ក្នុងការប្រមូលលុយទាំងបាច់ៗ បានពីការស៊ីញ៉េលើឯកសារនាំ ចូលទំនិញវិនិយោគ ។
ជុំវិញ បញ្ហានេះទៅទៀតករណីលោក ទិត្យ ដា បង្ខំឱ្យអ្នករត់ការឯក សាររបស់ក្រុមហ៊ុនបង់លុយ ក្រោមតុគ្មានញញើតច្បាប់ដែល ជាអំពើពុករលួយ យ៉ាងច្បាស់ ក្រឡែត ហេតុនេះហើយ ទើប លោក ទិត្យ ដា មានជីវភាពធូរ ធាររស់នៅក្នុងវីឡាស្កឹមស្កៃមាន ដីធ្លីជាច្រើនកន្លែងនិងជិះរថយន្ត ទំនើបៗតម្លៃរាប់សែនដុល្លារ ជ្រកក្រោមការជិះសេះលែង ដែលឃុបឃិតជាមួយក្រុមឈ្មួញ យ៉ាងពេញបន្ទុកដែលមិនគួរ លោកនាយប្រតិភូគយមើល រំលងនោះទេ ៕
ដោយ ៖ ត្មាតក្រុង
Recent Comments