គេបានដឹង និងល្បីរន្ទឺថាលោក សូសំណាងជាមេការធំ នៅក្នុងដែនវរជ័យ ខេត្តស្ទឹងត្រែង និងរតនគីរី នឹងបាន
ប្រមូល កាប់និងទិញឈើ ប្រណិតយ៉ាង អនាធិបតេយ្យដឹកជញ្ជូន កក្រើកពេញខេត្តស្ទឹងត្រែង និងខេត្តរតនគិរី លោក សូសំណាង ក្រោយពីការកាប់ បំផ្លាញព្រៃឈើ
ជិត រលាយអស់ ទៅហើយនៅខេត្តស្ទឹងត្រែងនិងខេត្តរតនគិរី ។សព្វថ្ងៃ បានកំពុង ត្រូវប៉ាន់ក្នុងការ បំផុសប្រជាពលរដ្ឋចូលទៅក្នុងព្រៃកាប់បំផ្លាញឈើ លក់ឲ្យបក្ខពួករបស់ខ្លួន
តាមតម្លៃថោកបំផុត។ លោកសូសំណាងសព្វថ្ងៃកំពុងប្រមូល ទិញឈើប្រណិតដូចជាធ្នង់បេងនិង នាងនួននៅក្នុងខេត្តស្ទឹងត្រែង.រតនគិរីមិនមានការរំខានពីសំ
ណាក់សមត្ថកិច្ចពាក់ព័ន្ធក្នុងខេត្តស្ទឹងត្រែងនិងរតនគិរី ពិសេសរដ្ឋបាលព្រៃឈើមិនត្រឹមតែមិនបង្រ្កាបថែម ទាំងជួយសំរួលដល់ការងារសូសំណាងក្នុងការប្រមូលផល
អនុផលព្រៃឈើទៀតផង។
ប្រជាពលរដ្ឋ នៅដែនវរជ័យបានឲ្យដឹងថាជា រៀងរាល់ថ្ងៃពួកគាត់តែងតែសង្កេតឃើញ មានរថយន្តប៉ាកុង(រថយន្តកែឆ្នៃ) និងគោយន្តកន្ត្រៃរាប់សិប
គ្រឿងបានធ្វើសកម្មភាពដឹកជញ្ជូនឈើប្រណិតចេញពីព្រៃយ៉ាងគគ្រឹកគគ្រេងនិង អានាធិបតេយ្យបំផុត (ឈើហ្នឹងដឹកចេញពីតំបន់សួនឧទ្យានជាតិវីរៈជ័យហ្នឹង
ជាតំបន់ព្រៃជាប់ព្រំប្រទល់នៃខេត្ត រតនៈគិរី និងតំបន់ព្រៃសហគមន៏ហ្នឹងអញ្ចឹង ដែលព្រៃការពារដោយអនុក្រឹតហ្នឹង) គេនាំគ្នាកាប់ឈើដើម្បីយកទៅលក់ឲ្យក្រុមហ៊ុនទ្រីភាពគ្មានសមត្ថកិច្ច ឬមន្ត្រីជំនាញណាធ្វើការទប់ស្កាត់ និងបង្រ្កាបទាល់តែសោះ។មេការសូសំណាងបានជះលុយទៅឲ្យអ្នក
ស្រុកក្រីក្រចូលទៅកាប់ឈើប្រណិតយកមកលក់ឲ្យខ្លួន ដូចជាតំបន់១០១និងតំបន់ឧទ្យានជាតិវរជ័យជាប់និងខេត្តរតនគិរី។
គេរាយការណ៏ឲ្យដឹងថា លោកសូសំណាងជាមេការធំនៅដែនវរជ័យប្រមូលទិញឈើប្រណិតជាច្រើនឆ្នាំមកហើយដោយសារតែគាត់ចេះចែករំលែកផលប្រយោជន៍ ថែមទាំងមានទំនាក់ទំនងល្អជាមួយ សមត្ថកិច្ចពាក់ព័ន្ធ ហើយនឹងមន្ត្រីជំនាញខណ្ឌរដ្ឋ
បាលព្រៃឈើនោះ ទើបគេមិនដែលឃើញមានការចុះបង្រ្កាបមុខជំនួញរកស៊ី ឈើនិងការប្រមូលទិញឈើខុសច្បាប់ទាំងនេះឡើយបច្ចុប្បន្នព្រៃឈើជាច្រើនកន្លែង
នៅក្នុងតំបន់មួយចំនួនក្នុងខេត្តស្ទឹងត្រែងនិងរតនគិរី កំពុងរងការទន្ទ្រានកាប់បំផ្លាញយ៉ាងរង្គាល ហើយប្រជាពលរដ្ឋមួយចំនួនបាននាំគ្នាចាប់មុខរបបជាអ្នករកស៊ីកាប់ ឈើ
ប្រណិតដើម្បីយកមកលក់ឲ្យឈ្មួញធំៗ ឬក្រុមហ៊ុនតាមរយៈការបំផុសបំផុលពីសំណាក់ក្រុមមេការរូបនោះ។ សេចក្ដីរាយការណ៏បន្តថាប្រជាពលរដ្ឋរកស៊ីតូចតាច
គ្រាន់តែពួកគាត់ដឹកឈើបន្តិចបន្ទួចត្រូវក្រុមមេការខាងលើដឹកនាំកម្លាំងដែលជាឆ្មាំការពារក្រុមហ៊ុន ចេញប្រម៉ាញ់ស្ទាក់ចាប់ដោយមិនឲ្យសុខឡើយកន្លងទៅថ្មីៗនេះ
ពួកគេដេញចាប់គោយន្តដឹកឈើរបស់ប្រជាពលរដ្ឋ នាំយកទៅរក្សាទុកនៅក្នុងឃ្លាំង ។
ទៅថ្មីៗនេះបានចេញសេចក្ដីប្រកាសរបស់ខ្លួនឲ្យដឹងថាមានជនខិលខូចមួយចំនួន បានប្រើឈ្មោះក្រុមហ៊ុនទ្រីភាពនិងរថយន្តស្រដៀងគ្នា ក្នុងការដឹកជញ្ជូនឈើដោយខុសច្បាប់
ដែលនាំឲ្យមានការយល់ច្រឡំ ពីអាជ្ញាធរហើយខាងក្រុមហ៊ុនបានអំពាវនាវសុំឲ្យសមត្ថកិច្ចធ្វើការចុះបង្រ្កាប។
កន្លងទៅក្រុមហ៊ុនបានសង្កេតឃើញមានជនខិលខូចខ្លះបានរកស៊ីជួញដូរឈើ ព្រមទាំងប្រើប្រាស់មធ្យោបាយដឹកជញ្ជូនខុសច្បាប់ ដោយយកឈ្មោះក្រុមហ៊ុនទ្រីភាពគ្រុប
ដែលធ្វើឲ្យអាជ្ញាធរមានសមត្ថកិច្ចមានការយល់ច្រឡំ។ សេចក្តីប្រកាសបន្តថានៅពេលអាជ្ញាធរមានសមត្ថកិច្ចរបស់រាជរដ្ឋាភិបាលបានបង្រ្កាប ទៅលើសកម្មភាពរកស៊ីជួញ
ដូរឈើនិងការដឹកជញ្ជូនឈើដោយខុសច្បាប់ពួកជនខិលខូច ទាំងនោះតែងតែប្រើប្រាស់ឈ្មោះរបស់ក្រុមហ៊ុនទ្រីភាពគ្រុបដែលធ្វើឲ្យប៉ះពាល់ យ៉ាងធ្ងន់ធ្ងរបំផុតទៅដល់កិត្តិ
យសរបស់ក្រុមហ៊ុន។ក្រុមហ៊ុនទ្រីភាពគ្រុបបានអំពាវនាវដោយទទូចចំពោះអាជ្ញាធរ មានសមត្ថកិច្ចរបស់រាជរដ្ឋាភិបាលចាត់វិធានការតាមផ្លូវច្បាប់ ចំពោះជនខិលខូចព្រម
ទាំងបញ្ជូនពួកគេទៅកាន់តុលាការដើម្បីផ្តន្ទាទោសទៅតាមច្បាប់ ជាធរមាននិងរឹបអូសមធ្យោបាយទាំងនោះទុកជាសម្បត្តិរដ្ឋ។ ក្រុមហ៊ុនទ្រីភាពសូមការសហការយ៉ាងពេញ
ទំហឹងពីអាជ្ញាធមានសមត្ថកិច្ចគ្រប់លំដាប់ថ្នាក់ របស់រាជរដ្ឋាភិបាលប្រសិនបើជនល្មើសទាំងនោះប្រើប្រាស់មធ្យោបាយ ដឹកជញ្ជូនដោយក្លែងបន្លំឈ្មោះរបស់ក្រុមហ៊ុន។
ក្រុមហ៊ុនទ្រីភាពគ្រុបមានរថយន្តដឹកទំនិញពណ៌ទឹកប៊ិចនិងសំគាល់ដោយស្លាកលេខ១១៦៨។
គួររម្លឹកថាអង្គការធ្វើការលើផ្នែកបរិស្ថាន(GlobalWitness)ដែលមានមូលដ្ឋាននៅប្រទេសអង់គ្លេសបានផ្សាយថា លោកទ្រីភាពជាអ្នករកស៊ីឈើខុសច្បាប់និងនាំចេញឈើ
ជាច្រើនរយម៉ែត្រគូបក្នុងមួយថ្ងៃៗទៅក្រៅប្រទេស។ របាយការណ៍(GlobalWitness)បន្តថាឧកញ៉ាទ្រីភាពជាអ្នកគ្រប់គ្រង នៃបណ្តាញកាប់ឈើខុសច្បាប់ដែលពឹងផ្នែកលើ
ការចូលដៃពីសំណាក់មន្រ្តីរដ្ឋាភិបាលកងប្រដាប់អាវុធ នគរបាលនិងគយដើម្បីកាប់ឈើដ៏កម្រនៅទូទាំងប្រទេស និងបញ្ជូនដាក់កប៉ាល់ទៅទីក្រុងហុងកុង។
របាយការណ៍លើកឡើងបន្តថាទ្រីភាពនិងបណ្តាញរបស់គាត់កំពុងតែ បំផ្លាញព្រៃឈើចុងក្រោយរបស់កម្ពុជានិងទន្ទ្រានការរស់នៅ របស់សហគមន៍ជនជាតិ
ដើមភាគតិចផងដែរ។ជាមួយគ្នានេះដែរមន្រ្តីនៅកម្ពុជាដែលមានអំណាចបញ្ឈប់ក្រុមទ្រីភាព បានចូលដៃជាមួយពួកគេដើម្បីធានាថាការរត់ពន្ធ ឈើដោយ
សុវត្ថិភាព។អង្គការនេះបានស្នើរាជរដ្ឋាភិបាលកម្ពុជាស៊ើបអង្កេតទ្រព្យសម្បត្តិនិង ការរកស៊ីឈើរបស់លោកឧកញ៉ាទ្រីភាព។ តែបើតាមចម្លើយរបស់លោកអ៊ុករ៉ាប៊ុន
រដ្ឋមន្ត្រីក្រសួងកសិកម្មរុក្ខាប្រម៉ាញ់កាលពីកន្លងទៅបានប្រាប់អ្នកកាសែតថា ក្រុមហ៊ុនទ្រីភាពនាំចេញឈើប្រណិតដោយស្របច្បាប់។ មជ្ឈដ្ឋានទូទៅរិះគន់ថាការពិភ
លោកអ៊ុករ៉ាប៊ុននិយាយមិនខុសឡើយគឺក្រុមហ៊ុនទ្រីភាពទិញឈើពីរដ្ឋបាលព្រៃឈើទូទាំងខេត្ត ដើម្បីបានអាជ្ញាប័ណ្ណក្រោមលេសនាំចេញឈើដែលកាប់មិនស្រប
ច្បាប់ទៅលក់នៅក្រៅប្រទេស។ពាក់ព័ន្ឋពត៌មានចោទប្រកាន់ខាងលើនេះសារពត៌មានយើងមិនអាចទាក់ទងពន្យល់ពីមេការបំផ្លាញព្រៃឈើនៅដែនវរជ័យទេ៕
Recent Comments