ប្រភពព័ត៌មាន ពីញៀនល្បែង បានឲ្យដឹងថា ជាយូរមកហើយ សណ្ឋាគារសន្តិភាព ដែលស្ថិតនៅ តាមបណ្តោយផ្លូវជាតិ លេខ៥ក្នុងភូមិ សែសិន សង្កាត់ អូរអំបិល ក្រុងសិរីសោភ័ណ មានបើកលេងល្បែង ស៊ីសងជាច្រើនប្រភេទ យ៉ាងអនាធិបតេយ្យ គ្មានមន្ត្រីអាជ្ញាធរនិងសមត្ថកិច្ច ណា ចាត់វិធានកា របង្ក្រាបទ្បើយ ។ ជាក់ស្តែងក ន្លែងលេងល្បែងស៊ីសង ក្នុងសណ្ឋាគារសន្តិភាព បានបង្កឲ្យមានសំទ្បេងហ៊ោកញ្ជ្រៀវ កងរំពងរំខានដល់ ប្រជាពលរដ្ឋដែលរស់នៅជិតខាង ប៉ុន្តែសមត្ថកិច្ចនិងមន្ត្រីអាជ្ញាធរមើលរំលង ព្រោះតែជាប្រភពចំណូលប្រចាំថ្ងៃឬប្រចាំខែរបស់ពួកគេ។ អ្នកបើកល្បែងស៊ីសងនៅផ្នែកខាងក្រោយនៃសណ្ឋាគារសន្តិភាព ត្រូវគេស្គាល់ថាឈ្មោះ ឆាយ ភេទប្រុស ហើយមានទំនាក់ទំនងយ៉ាងជិតស្និទ្ធជាមួយមន្ត្រីអាជ្ញាធរនិងសមត្ថកិច្ចមូលដ្ឋានទើបអ្វីៗអាចប្រព្រឹត្តបាន ។
លោក គោ ស៊ុំសារឿត អភិបាលខេត្តបន្ទាយមានជ័យនិងជាគណៈបញ្ជាការឯកភាពខេត្ត ព្រមទាំងបទបញ្ជារបស់លោក អាត់ ខែម ស្នងការនគរបាលខេត្តបន្ទាយមានជ័យក្នុងការពង្រឹងសន្តិសុខសង្គម ត្រូវបានប្រជាពលរដ្ឋក្នុងខេត្តបន្ទាយមានជ័យរិះគន់ថាជារឿងលេងសើចឥតប្រយោជន៍។ ដោយហេតុថារហូតមកដល់ពេលនេះទាំងនៅក្រុងប៉ោយប៉ែតនិងនៅក្រុងសិរីសោភ័ណ ល្បែងស៊ីសង កំពុងកើតទ្បើងយ៉ាងអនាធិបតេយ្យ ហើយបទល្មើសគ្រឿងញៀននិងអំពើចោរកម្មក៏រាលដាលគួរឲ្យភ័យខ្លាចដែរ។ បញ្ហានេះក្រសួងមហាផ្ទៃនិងអគ្គស្នងការនគរបាលជាតិគួរពិនិត្យមើលភាពអសកម្មរបស់លោក គោ ស៊ុំសារឿត អភិបាលខេត្តបន្ទាយមានជ័យ និងលោក អាត់ ខែម ស្នងការនគរបាលខេត្តបន្ទាយមានជ័យជាបន្ទាន់។
ប្រភពពីអ្នកចូលលេងល្បែងក្នុងសណ្ឋាគារសន្តិភាពបានឲ្យដឹងថាល្បែងពេញនិយមបំផុតគឺភ្នាល់ប្រដាល់ ឲ្យតែថ្ងៃណាមានគូប្រដាល់ល្អៗផ្សាយតាមទូរទស្សន៍សៀមនិងទូរទស្សន៍ក្នុងប្រទេសកម្ពុជាគឺមានអ្នកចូលលេងយ៉ាងកកកុញ។ ក្រៅពីនេះមានល្បែងបៀអាប៉ោង និងបញ្ជល់មាន់ ក៏ដូចជាល្បែងតាមប្រព័ន្ធអនទ្បាញ ហើយមានមន្ត្រីរាជការកម្លាំងសមត្ថកិច្ចនិងអ្នកជំនួញតូចធំមកពីគ្រប់ទិសទី តែងប្រមូលផ្តុំគ្នាលេងល្បែងយ៉ាងសប្បាយ ។ វិធានការពង្រឹងសន្តិសុខសង្គមរបស់លោក គោ ស៊ុំសារឿត អភិបាលខេត្តបន្ទាយមានជ័យ និងលោក អាត់ ខែម ស្នងការនគរបាលខេត្តនេះគឺជារឿងឥតន័យពីព្រោះ ល្បែងស៊ីសងនិងបទល្មើសផ្សេងៗនៅតែកើតទ្បើងយ៉ាងពេញបន្ទុក នាំឲ្យប៉ះពាល់ដល់សន្តិសុខសង្គម ៕
Recent Comments