ថ្មីៗ កន្លងទៅនេះ មន្ត្រីជាន់ខ្ពស់ក្រសួង រ៉ែនិងថាមពល បានអះអាងថាពលរដ្ឋខ្មែរ ដែលមានបំណងធ្វើអាជីវក ម្មរ៉ែខ្នា តតូចនិងមធ្យមអាច ស្នើសុំអាជ្ញាប័ណ្ណធ្វើអាជីវកម្មរ៉ែក្នុង ស្រុកពីក្រសួងរ៉ែនិងថាមពល។ ការអះអាងរបស់មន្ត្រី ជាន់ខ្ពស់ក្រសួងរ៉ែ និងថាមពលបែប នេះបានកើតទ្បើងក្នុងខណៈ ដែលមានបទល្មើសបំផ្លាញ ធនធានរ៉ែកើតទ្បើង យ៉ាងអនាធិបតេយ្យ ជាពិសេសរ៉ែមាស រ៉ែត្បូង រ៉ែថ្មកែវ និងខ្សាច់ជាដើម ។ ក៏ប៉ុន្តែក្រសួងរ៉ែនិងថាមពល មិនបានចាត់វិធានការលុបបំបាត់បទ ល្មើសបំផ្លាញធនធានរ៉ែមាស ក្នុងខេត្តរតនគិរីនោះទេ បើទោះបីបច្ចុប្បន្នបទល្មើសបំផ្លាញរ៉ែមាសក្នុងខេត្តនេះកើតទ្បើងរាប់រយកន្លែងក៏ដោយ។ ប្រការនេះហើយដែលធ្វើឲ្យប្រជាពលរដ្ឋក្នុងមូលដ្ឋានព្រួយបារម្ភពីការរលាយហិនហោចធនធានរ៉ែដ៏មានតម្លៃក្នុងពេលឆាប់ៗខាងមុខនេះ។ប្រភពព័ត៌មានពីមន្ត្រីអង្គការក្រៅរដ្ឋាភិបាលបានឲ្យដឹងថាមកដល់ពេលនេះបទល្មើសបំផ្លាញរ៉ែមាសតាមបណ្តាស្រុកមួយចំនួនក្នុងខេត្តរតនគិរីនៅតែកើតទ្បើងយ៉ាងពេញបន្ទុក ជាពិសេសក្នុងឃុំទ្បាមិញ ស្រុកបរកែវ ខេត្តរតនគិរី ហើយការទប់ស្កាត់របស់សមត្ថកិច្ចពុំមានប្រសិទ្ធភាពនោះទេ។ ប្រភពបានឲ្យដឹងទៀតថានៅក្នុងខេត្តរតនគិរី មានតំបន់ជាច្រើននៅក្នុងស្រុកអណ្តូងមាស ស្រុកបរកែវ និងស្រុកអូរយ៉ាដាវ សំបូរទៅដោយធនធានរ៉ែមាស និងរ៉ែត្បូងមានតម្លៃហើយបច្ចុប្បន្នជនល្មើសមួយចំនួនកំពុងធ្វើអាជីវកម្មរ៉ែខុសច្បាប់ដោយគ្មានញញើតអ្វីទាំងអស់។ ជាពិសេសជនជាតិយួនបានចូលមកបំផ្លាញរ៉ែមាសរបស់ខ្មែរឲ្យរលត់រលាយ ហើយគ្មានសមត្ថកិច្ចនិងមន្ត្រីស្ថាប័នពាក់ព័ន្ធណាចាត់វិធានការទប់ស្កាត់នោះទេ។មន្ត្រីសង្គមស៊ីវិលដែលធ្វើការងារផ្នែកការពារបរិស្ថានបានឲ្យដឹងថាកន្លងមកសកម្មភាពធ្វើអាជីវកម្មរ៉ែមាសនិងរុករករ៉ែមាសរបស់ប្រជាពលរដ្ឋនិងក្រុមហ៊ុនមួយចំនួនបានប៉ះពាល់យ៉ាងខ្លាំងដល់បរិស្ថានធម្មជាតិ ក៏ដូចជាជីវភាពរស់នៅរបស់ប្រជាពលរដ្ឋក្នុងមូលដ្ឋានព្រមទាំងប៉ះពាល់អាយុជីវិតមនុស្សសត្វថែមទៀត។ ជាក់ស្តែងនៅក្នុងខេត្តរតនគិរី មណ្ឌលគិរី ក្រចេះនិងព្រះវិហារជាដើម បទល្មើសបំផ្លាញរ៉ែមាសនៅតែកើតមានយ៉ាងអនាធិបតេយ្យ ហើយមន្ត្រីអាជ្ញាធរនិងមន្ត្រីមន្ទីរពាក់ព័ន្ធក្នុងខេត្តទាំងនេះមិនយកចិត្តទុកដាក់បង្ក្រាបបទល្មើសទ្បើយ។ ដូច្នេះរដ្ឋាភិបាលលោក ហ៊ុន សែន គួរពិនិត្យទ្បើងវិញអំពីបញ្ហានេះ ជាពិសេសករណីជនជាតិយួនចូលមកបំផ្លាញរ៉ែមាសក្នុងខេត្តរតនគិរី ត្រូវតែចាត់វិធានការទប់ស្កាត់ជាបន្ទាន់៕
Recent Comments