ខេត្តត្បូងឃ្មុំ ៖ សេចក្តីរាយការណ៏ ពីប្រជាពលរដ្ឋក៏ ដូចជាមន្ត្រីតូចតាច នៅស្រុកមេមត់ ឲ្យដឹងថាលោក ប៉េង អេងហាក់ ជាអធិការនគរបាល ស្រុកមេមត់ កំពុងតែធ្វើជាខ្នងបង្អែក ឲ្យឈ្មួញឈើប្រណីតល្បីឈ្មោះ ស្រី វណ្ណៈ ដែលគេ និយមហៅ ចែណាក់ រស់នៅភូមិមេមត់ ឃុំមេមត់ ស្រុកមេមត់ ខេត្តត្បូងឃ្មុំ ធ្វើជំនួញឈើយ៉ាងពេញ បន្ទុក គ្មានសមត្ថកិច្ចណា ហ៊ានក្អកជាមួយគាត់ឡើយ ។ មូលហេតុដែលឈ្មួញឈើភេទស្រីនេះអាចធ្វើសកម្មភា ពរកស៊ីជួញឈើ ប្រណីតក្នុងអាណា ចក្រខេត្តត្បូងឃ្មុំដោយ គ្មានសមត្ថកិច្ចណាហ៊ានបង្ក្រាបត្រូវ បានមន្ត្រីតូចតាចមួយចំនួន បានខ្សឹបប្រាប់ថា អ្នកស្រី វណ្ណៈ ដែលគេនិយមហៅ ចែណាក់នោះគឺ ជាភរិយាជើងល្អលោក ប៉េង អេងហាក់ អធិការនគរបាល ស្រុកមេមត់ ហ្នឹងឯង ។
បច្ចុប្បន្នចែណាក់ ក្នុងការរកស៊ី ដឹកជញ្ជូនឈើប្រណីតៗនាំចេញទៅស្រុកយួន តាមច្រករបៀង ក្នុងដែនដី ស្រុកមេមត់ដែលលោកប្តី របស់គាត់គ្រប់គ្រង ដោយគ្មានក្រែងញញើតអ្វីឡើយ ហើយជាទូទៅ ឈើរបស់ ចែណាក់ ដឹកជញ្ជូនមកពី ភាគខាងលើ គឺមកពីខេត្តក្រចេះ ស្ទឹងត្រែងខេត្តមណ្ឌលគិរី ទាំងបេង ធ្នង់ គ្រញូង នាងនួន នាងចាប ។
ប្រជាពលរដ្ឋរស់នៅ ក្នុងស្រុកមេមត់ បានឲ្យដឹងថា ក្នុង១យប់ៗ មានរថយន្តម៉ាក កាមរីហើម ស្វិត ឡង់គ្រីស័រ រថយន្ត ម៉ាកស៊ាំងយ៉ុង និងរថយន្តយីឌុប ដឹកឈើប្រណីតប្រភេទធ្នង់ និងប្រភេទនាងនួន មិនក្រោម ១៥ទៅ ២០គ្រឿង នោះទេ។ ប៉ុន្តែសមត្ថកិច្ច គ្រប់ជំនាញ មិនដែលបង្ក្រាបនោះទេ ចាំតែរាប់ក្បាលឡាន យកលុយប៉ុណ្ណោះ។ រឿងដែលលោក ប៉េង អេងហាក់ បិទភ្នែកឬធ្វើជាបង្អែក ឲ្យប្រពន្ធរកស៊ីដឹកឈើប្រណីត យ៉ាងអនាធិបតេយ្យ នាំឲ្យមានការរិះគន់ ជាចំហរថា “គាត់ជាមន្ត្រីដែលផ្គើននឹងប្រសាសន៍សម្តេចតេជោ ដែលណែនាំមន្ត្រីឲ្យ មុជទឹកឲ្យដុះក្អែល កុំឲ្យប្រពន្ធលូកដៃ ក្នុងការងារប្តី ដូចពាក្យចាស់ លោកពោលថា ប្តីស័ក្តិ៤ ប្រពន្ធស័ក្តិ៥”។
តើ លោក ម៉ៅ ពៅ ស្នងការនគរបាល ខេត្តត្បូងឃ្មុំ ទទួលបានប្រយោជន៍អ្វីខ្លះពីលោក ប៉េង អេងហាក់ ដែលកំពុងធ្វើជាខ្នងបង្អែក ឲ្យប្រពន្ធរកស៊ីឈើខុសច្បាប់ នោះឡើយបានជាសម្ងំឈឹងធ្វើមិនដឹងចំពោះបទល្មើសព្រៃឈើដែលចែណាក់ប្រ ព្រឹត្តដោយមានការការពារពីលោក ប៉េង អេងហាក់ ។ ទាក់ទិននឹងសេចក្តីរាយការណ៍ខាងលើនេះ សារព័ត៌មានយើង មិនអាចរកការបំភ្លឺពីលោក ប៉េង អេងហាក់ បាននៅឡើយ៕
Recent Comments